ENTROIDO, 2016

 

E xa chegou o gran día: DESFILE DE ENTROIDO! O tema común foi a cociña (proxecto anual da biblioteca). Os disfraces: señor e señora pataca (infantil), galletas Chipies Ahoy(1º), iogures (2º), cociñeiras/os (3º), ratos/as e queixos (4º), cupcakes e reposteiros(5º) e ovos fritidos (6º). A continuación,  degustamos as saborosas sobremesas aportadas polas familias. MOITAS GRAZAS!!!

 

EU TAMÉN SON CASTELAO!!!

O alumnado baixo o lema "EU TAMÉN SON CASTELAO" recordou o 130 aniversario do seu nacemento. Ataviados co sombreiro, lentes, paxariña e ilustracións,...deste autor rianxeiro, foron sacando as súas fotos diante do gran mural.

DÍA DA PAZ, 2016

Foron varias as actividades levadas a cabo para celebrar o Día da Paz: marcapáxinas, medallóns, mandalas, e moitos agasallos para intercambiar entre as distintas titorías. O acto conxunto tivo lugar na Biblioteca do centro,  no que gozamos oíndo e vendo vídeos co título conxunto "Lecturas pola paz".

"Negros e Brancos", "Mellor falar que pelexar",  " Un chocolate moi especial" "Unha manchea de bicos" , "A pomba dona Paz" e moitos poemas de temática pacifista, foron as lecturas compartidas mediante vídeos.

Se accededes ao blog da biblioteca poderedes gozar deles.

http://bibliotecacespon.blogspot.com.es/2016/01/negros-e-brancos-dia-da-paz-2016.html

http://bibliotecacespon.blogspot.com.es/2016/01/mellor-falara-que-pelexar.html

http://bibliotecacespon.blogspot.com.es/2016/02/un-chocolate-moi-especial-paz-2016.html

http://bibliotecacespon.blogspot.com.es/2016/01/unha-manchea-de-bicos-dia-da-paz-2016.html

http://bibliotecacespon.blogspot.com.es/2016/01/lecturas-pola-paz.html

 

TESTOS CON MATERIAL DE REFUGALLO


O alumnado de 4º dentro das actividades do Proxecto voz Natura realizou uns coloridos testos a partires de botellas de plástico. Unha vez impermeabilizadas e  pintadas, as botellas foron decoradas con follas, corazóns, trevos,.... Logo,  realizouse un debuxo de coello ou osiño para pegar na botella. Unha vez rematada a manualidade procedemos a plantación de bulbos de tulipáns. Durante as vindeiras  semanas continuaremos observando e anotando as  distintas fases do  proceso que se vaian realizando: regas, momento de agromar, floración,... 

NADAL, 2015

Foron moitas e variadas as actividades levadas a cabo para celebrar a chegada do Nadal: murais colectivos, postais, sobremesas, decoración de corredores, aulas, fiestras,..Recompilación de información da gastronomía típica de Nadal de distintos países
En cada titoría elaboramos postais. Cada alumno/a escribiu o seu enderezo nun sobre e realizouse un intercambio de postais para recibir por correo nos seus domicilios.

LUÍÑA, A NOSA MASCOTA

O alumnado de 2º de primaria seguindo co tema central da biblioteca realiza a mascota da biblioteca, Luíña, a partires de distintos alimentos.

LENDO E COCIÑANDO PASA O TEMPO VOANDO

Como xa vos vimos contando ao longo deste curso e, dentro do Proxecto Anual da Biblioteca, un dos principais obxectivos é facer un percorrido polos Distintos concellos de Galicia, para coñecer produtos típicos da nosa gastronomía. Coñecer a situación xeográfica, os lugares a visitar, ... Xa foron varios os cursos que realizaron algunhas das súas procuras de información ( ver cadro de entradas anteriores). Unha das derradeiras ,antes do Nadal,  foi a realizada polo alumnado de 2º de primaria que presentou "Os melindres de Arzúa", "As cereixas de A Laracha"  e "A troita de Oroso". Estupenda posta en escena e doce final coa degustación de melindres. PARABÉNS NENAS E NENOS DE 2º!

OBRADOIRO DE COCIÑA: PUDDING

OBRADORIO DE COCIÑA: COCADAS DE NADAL

O alumnado de 3º e 4º realizou un obradoiro de cocadas, unha exquisita sobremesa de Nadal. Baixo a dirección da chef de cociña Natalia,  realizaron os distintos pasos ata conseguir este rico manxar. Tamén levaron algunhas cocadas para as súas familias!

PROXECTO ANUAL DA BIBLIOTECA

"Xa estamos coas mans na masa" Neste cadro podedes observar as presentacións dos distintos produtos que xa se levaron a cabo. Se queredes ver fotos ou mesmo as presentacións, VISITADE O NOSO BLOG DA BIBLIOTECA!!!!.

http://bibliotecacespon.blogspot.com.es/ 

E seguimos ampliando fronteiras na procura da gastronomía ...da contorna, de Galicia, de España...

Distribuir contido