PROCESO: A PLANTACIÓN DE BULBOS DE TULIPÁNS

As nenas e nenos de 4º confeccionaron uns tarros a partires de botellas de plástico. Unha vez decorados, procederon á plantación de bulbos de tulipáns,  alá polo mes de xaneiro. A mediados de marzo,  algunhas plantas xa floreceron e o alumnado levounas para os seus fogares. Outras, máis tardías,  aínda están na aula á espera de que boten flor. Foi un traballo moi completo e no que o alumnado puxo moito entusiasmo. Grazas, chicos e chicas!!!!

COMPETICIÓN CAMPO A TRAVÉS INTERCENTROS

O pasado mércores, 16 de marzo, tivo lugar unha competición intercentros de campo a través. A participación foi moi numerosa. O alumando gozou dunha xornada de convivencia. Aquí vemos aos nosos medallistas. PARABÉNS A TODAS E TODOS!

INTERCAMBIO DE TRABALLOS INTERCENTROS: CADRECHE

Este curso estase levando a cabo un intercambio de ideas, experiencias e traballos entre o noso centro e o CEP Pilar Maestú Sierra de A Pobra. O alumnado de 6º acaba de recibir unhas fermosas postais para commemorar o Día de Rosalía. Quedaron moi contentas/os

POSTAIS NO DÍA DE ROSALÍA


O 24 de febreiro celebramos o "Día de Rosalía" coa confección de postais, seguindo unha proposta da Asociación de Escritores en Lingua Galega (AELG). No noso centro introducimos algunha variación á proposta inicial, tanto na elaboración dos postais como na temática dos versos.Os poemas que eliximos para que o alumnado memorizase o copiase foron versos relacionados coa cociña (tema do Proxecto Anual). Tamén se traballou na vida e obra desta galega ilustre.

 

OBRADOIRO ANPA

O venres, 5 de febreiro unha vez rematado o desfile de entroido e a degustación de sobremesas,  a ANPA do Centro organizou un obradoiro de como crear cortes na pel que deran a sensación de sangrado. Foi todo un éxito entre o noso alumnado que estivo moi interesado en seguir os pasos que os monitores lles ían indicando para obter o resultado de ferida ou corte ensanguentado.

ENTROIDO, 2016

 

E xa chegou o gran día: DESFILE DE ENTROIDO! O tema común foi a cociña (proxecto anual da biblioteca). Os disfraces: señor e señora pataca (infantil), galletas Chipies Ahoy(1º), iogures (2º), cociñeiras/os (3º), ratos/as e queixos (4º), cupcakes e reposteiros(5º) e ovos fritidos (6º). A continuación,  degustamos as saborosas sobremesas aportadas polas familias. MOITAS GRAZAS!!!

 

EU TAMÉN SON CASTELAO!!!

O alumnado baixo o lema "EU TAMÉN SON CASTELAO" recordou o 130 aniversario do seu nacemento. Ataviados co sombreiro, lentes, paxariña e ilustracións,...deste autor rianxeiro, foron sacando as súas fotos diante do gran mural.

DÍA DA PAZ, 2016

Foron varias as actividades levadas a cabo para celebrar o Día da Paz: marcapáxinas, medallóns, mandalas, e moitos agasallos para intercambiar entre as distintas titorías. O acto conxunto tivo lugar na Biblioteca do centro,  no que gozamos oíndo e vendo vídeos co título conxunto "Lecturas pola paz".

"Negros e Brancos", "Mellor falar que pelexar",  " Un chocolate moi especial" "Unha manchea de bicos" , "A pomba dona Paz" e moitos poemas de temática pacifista, foron as lecturas compartidas mediante vídeos.

Se accededes ao blog da biblioteca poderedes gozar deles.

http://bibliotecacespon.blogspot.com.es/2016/01/negros-e-brancos-dia-da-paz-2016.html

http://bibliotecacespon.blogspot.com.es/2016/01/mellor-falara-que-pelexar.html

http://bibliotecacespon.blogspot.com.es/2016/02/un-chocolate-moi-especial-paz-2016.html

http://bibliotecacespon.blogspot.com.es/2016/01/unha-manchea-de-bicos-dia-da-paz-2016.html

http://bibliotecacespon.blogspot.com.es/2016/01/lecturas-pola-paz.html

 

TESTOS CON MATERIAL DE REFUGALLO


O alumnado de 4º dentro das actividades do Proxecto voz Natura realizou uns coloridos testos a partires de botellas de plástico. Unha vez impermeabilizadas e  pintadas, as botellas foron decoradas con follas, corazóns, trevos,.... Logo,  realizouse un debuxo de coello ou osiño para pegar na botella. Unha vez rematada a manualidade procedemos a plantación de bulbos de tulipáns. Durante as vindeiras  semanas continuaremos observando e anotando as  distintas fases do  proceso que se vaian realizando: regas, momento de agromar, floración,... 

Distribuir contido