INVENTOS

O alumnado de 6º e de 3º de primaria realizou experimentos para presentar aos compañeiros e compañeiras. No primeiro caso experimentaron coa luz e a sombra. No caso do alumnado de 3º,  as experiencias xiraron en torno ao aire e a auga. Ao rematar a presentación dos seus traballos recibiron agasallos enviados desde a Asesoría das Bibliotecas Escolares (libretas, chapas e marcapáxinas) co slogan: "Ler ciencia na biblioteca escolar".  Se queredes ver máis fotos desta sesión visitade o blog da biblioteca.

CHEGOU A PRIMAVERA?

A primavera xa chegou!!!! É por iso que o alumando do 2º ciclo decora de vivas cores os corredores.

2º CICLO: LIMPANDO A PRAIA

Hoxe, mércores 19 de marzo,  o 2º ciclo viaxou a Carragueiros para recoller lixo. A actividade está recollida dentro do Proxecto Voz Natura. Foi moito a labor levada a cabo: encheron moitos sacos de plásticos de botellas, latas, tapas,...O propio alumnado mostraba o seu asombro ao descubrir a cantidade de lixo que as persoas botamos ao mar. Unha vez concluída a recollida, Protección Civil pasou a recoller os sacos co lixo. Tamén acudiu unha fotógrafa da Voz de Galicia a facer algunha foto da actividade.

MÁIS FOTOS NA GALERÍA

Á ESPERA DA PRIMAVERA

O alumnado do 2º curso realiza unha plantación coa chegada do bo tempo.

 

O ALUMNADO DO 1º CICLO LIMPA A PRAIA

O alumnado do 1º ciclo acompañado das titoras e titores viaxa a praia para realizar unha xornada de recollida de lixo. Esta actividade está enmarcada dentro do programa Voz Natura no que o noso centro participa. Moi importante o labor realizado así como a concienciación de cara ao coidado e respecto polo medio ambiente.

MÁIS FOTOS NA GALERÍA

MURAL ROSALÍA

O pasado 24 de febreiro de 2014 celebrouse o "Día de Rosalía" . A actividade de pintado dun gran mural nas paredes do patio cuberto non puido levarse a cabo debido ao mal tempo. Agora,  grazas a colaboración do alumnado de 6º e as labores de coordinación de Vanesa, Olivia e Muñiz xa podemos gozar desta obra de arte.

 

 

 

ENTROIDO 2014

Aquí están os disfraces do entroido 2014. Fan referencia ao Proxecto anual da Biblioteca que trata sobre a ciencia. Queremos gozar vendo a imaxinación posta nos disfraces e tamén queremos agradecer ás familias do 2º ciclo pola realización de estupendas maquetas de inventos e agradecer tamén a todas as familias do alumnado a colaboración na preparación de sobremesas. AS FOTOS ESTÁN NA GALERÍA!

O ALUMNADO DE INFANTIL LIMPA A PRAIA

O alumnado de infantil acompañado polas titoras, a coordinadora de ciclo e o profe de música saíron rumbo a praia para facer labores de recollida de lixo. Esta actividade está enmarcada dentro do Programa Voz Natura, no que o noso centro participa.  Con guantes e viseiras comezaron estes pequenos e pequenas unha gran labor de colaboración e respecto cara ao medio ambiente. Tamén houbo tempo para descansar, xogar e repoñer forzas coa merenda.

Ver máis fotos na GALERÍA

CAMPO A TRAVÉS

O día 13 de marzo celebrouse en Boiro unha proba de "Campo a través" na que participaron varios colexios. A participación do noso alumnado foi elevada e con moita deportividade e compañeirismo gozaron desta actividade deportiva. Aquí vemos a Marcos, Bruno e Adrián de 3º que acadaron os tres primeiros postos na súa categoría e a  Lidia de 4º que conseguiu chegar na primeira posición á meta. Cada colexio recibiu unha copa de agasallo. Parabéns para todos e todas os/as que participaron.

POSTAIS A ROSALÍA

O luns, 24 de febreiro, celébrase o Día de Rosalía. No centro realizaremos unha gran ilustración nas paredes do patio coa imaxe e versos da inigualable poetisa galega. Desde a biblioteca propúxose, tamén  a realización de postais con poemas de Rosalía. Vemos algúns:

 

 

Distribuir contido