DÍA DO LIBRO: libros con formas de animais

Tendo en conta que cada titoría xa levaba realizado moitas procuras de información sobre os animais,  que xa as presentara na biblioteca ás compañeiras e compañeiros dos demais cursos, pensamos que era moi boa idea que toda esa información tamén quedase plasmada por escrito. Así as diferentes aulas elaboraron libros coa forma dos animais traballados, deixando dentro nas súas páxinas información , xogos,...

UNHA LANDRA HOXE: UN CARBALLO MAÑÁ

Para as e os seguidores da nosa páxina recordaredes que alá no mes de marzo levamos a cabo a plantación de  landras, actividade que estivo coordinada polo Departamento de Medio Ambiente de Boiro. Non queremos deixar de amosarvos o grandes que xa están esas landras convertidas en pequenos carballos. Podedes ver tamén algunha foto das coloridas plantas de tulipáns, xacintos,...actividade enmarcadas dentro do Proxecto Voz Natura.

LISTAXE DEFINITIVA DE ADMITIDOS PARA O VINDEIRO CURSO

Achegamos lista definitiva de alumnado admitido no Ceip Cespón para o vindeiro curso.

 

A dirección

LISTAXE PROVISIONAL DE ADMITIDOS PARA O VINDEIRO CURSO

 

Achéganse as listas provisionais de alumnado admitido para o curso 2018/2019.

Antes do 15 de maio publicaranse as definitivas.

 

Un saúdo

A dirección

XA CHEGOU A PRIMAVERA: TULIPÁNS E XACINTOS

O alumnado de 1º, 2º, 3º e 4º no mes de febreiro decorou uns testos de barro nos que, con posterioridade plantou bulbos de tulipáns e xacintos. Pasados dous meses podemos ver o moito que medraron!

Agardamos impacientes que agromen as primeiras flores, que vos amosaremos.

ALUMNADO DE 4º: CURIOSIDADES DOS ANIMAIS

Nesta ocasión o alumnado de 4º contoulles aos nenos e nenas de 1º, 2º e 3º curiosidades do koala, do molusco chamado dragón azul e da vida en simbiose do peixe gobio e da gamba cega. Para presentar o Koala usaron o teatriño Kamisibai ("teatro de papel").

ANIMAIS DE GRAN TAMAÑO: AVESTRUZ E OSO POLAR

As nenas e nenos de 2º de primaria realizan una nova exposición da información recabada sobre dous animais de gran tamaño: a avestruz e o oso polar. Tivo lugar na biblioteca e asistiron os maiores do centro.

O WOMBAT: ALUMNADO 5º DE INFANTIL

O alumnado de 5º de infantil despois de recompilar información deste curioso animal da fauna australiana, compartiuna cos maiores do centro: O WOMBAT.

ANIMAIS QUE SE MIMETIZAN: ALUMNADO DE 3º

E seguimos avanzando dentro do Proxecto Anual "Os animais" marcado para o curso 2017/2018. Nesta ocasión, dentro do apartado ANIMAIS QUE SE MIMETIZAN o alumando de 3º fixo a presentación do camaleón. Xa sabedes que no blog da biblioteca atoparedes máis información e fotografías.

Distribuir contido