Skip to Content

Visita da autora Ledicia Costas

Mér, 24/04/2024 - 14:04 — admin2

Onte o alumnado de sexto tivo a gran sorte de contar con Ledicia Costas na nosa biblio ( e aínda por riba, coincidindo co Día do Libro).

 
Compartimos con ela anécdotas, ideas...e unha morea de gargalladas.
 
Tras leren a "Escarlatina" quedamos agora con ganas de seguir lendo moitas máis historias desta marabillosa autora.

Día do Libro - Apadriñamento lector

Mar, 23/04/2024 - 17:19 — admin

Hoxe, 23 de abril, conmemoramos o Día do Libro convertindo o patio nun espazo de lectura onde o noso alumnado puido desfrutar ao aire libre da actividade de apadriñamento lector. Este ano os máis pequenos foron os mestres e mestras de cerimonia e escolleron un libro para lerllo ao alumnado dos cursos superiores que, en agradecemento, lle entregou un marcapáxinas que elaboraron como agasallo.

Gozaron da lectura en compañía e fixeron novos amigos e amigas. Feliz Día do Libro!

 

Visita da autora Amalia Pérez

Mar, 23/04/2024 - 09:14 — admin

Co gallo do Día do Libro, a cativada de 3º e 4º asistiu este luns a un obradoiro de creación literaria impartido pola escritora e profesora Amalia Pérez Otero. Nel puideron escoitar e ser partícipes de historias engaiolantes. Tamén colleron as rendas literarias para escribir un libro de seu.

Moitas grazas, Amalia, pola túa visita! Agardamos volver verte axiña!

Celta Zorka Recalvi

Ven, 19/04/2024 - 11:51 — admin2

Hoxe o clube de baloncesto feminino Celta Zorka Recalvi, que xoga na liga feminina Endesa, visitou ao noso alumnado de 4º e 5º de Ed. Primaria. Ao centro acudiron a adestradora (Cristina Cantero) e mailas xogadoras Murjanatu L. Musa e Maimouna Haidara. Aproveitaron para xogar con eles un pouco e achegarlles o gusto polo deporte e ademáis agasalláronnos cun sorteo de camisetas e entradas para esta fin de semana.

 

Quiñones de León

Mér, 17/04/2024 - 12:40 — admin2

No día de hoxe, o alumnado de 5º visitou o pazo Quiñones de León onde o profesorado da Escola de Música Municipal de Vigo nos deleitou con unha ruta guiada cargada de historia e música de diferentes estilos. 

O salón coa súa escaleira de estilo inglés, a cociña de diario, a biblioteca e o gran comedor foron algúns dos espazos onde sonaron pezas clásicas de Beethoven e  Schubert, ou outras máis modernas como o o Inspector Gadget ou a Familia Adams.

Como remate da visita houbo un pequeno paseo polos xardíns do pazo.

Escola Municipal De Música De Vigo | Esmuvigo | Vigo

Obradoiro de primeiros auxilios

Mér, 10/04/2024 - 12:52 — admin2

Onte o alumnado de 6º de primaria, participou nuns Obradoiros de primeiros auxilios que impartiu o alumnado de Bacharelato do IES Álvaro Cunqueiro. Aprendemos moitas nocións e coidados para previr accidentes e actuar ante lesións. Foi una xornada marabillosa!

 

 

 

Visita a Apípolis

Mér, 03/04/2024 - 12:50 — admin2

O venres 22 de abril o alumnado de 3º e 5º fixo unha saída a Apípolis para celebrar a chegada da primavera.
Alí puideron participar en distintas actividades relacionadas co mundo apícola, tales como: visitar un apiario, cociñar bolachas de mel, facer unha candea con cera e facer un percorrido guiado por unha pequena exposición sobre as abellas e as súas curiosidades.
Tivemos un tempo marabilloso e foi unha experiencia estupenda!

Comedor

Ven, 22/03/2024 - 20:10 — admin2

MENÚ ESCOLAR

freepik

ABRIL
Menú basal
Menú derivadas

Coro IES Álvaro Cunqueiro

Ven, 22/03/2024 - 11:38 — admin2

O día 21 de marzo, un coro formado polo alumnado de 3º da ESO do IES Álvaro Cunqueiro tivo a ben compartir connosco unha boa variedade de pezas musicais das que gozou o alumnado de segundo e terceiro ciclo. Música de películas, africana, Jazz, tradicional galega... Toda unha demostración de traballo e implicación levada a cabo nos seus ratos libres.

 

Moitas grazas compañeiras e compañeiros.

Visita Xavier Domínguez

Ven, 22/03/2024 - 11:05 — admin2

Este xoves 21 de marzo tivemos a sorte de contar coa presenza do autor Xabier Domínguez que escribiu xunto con Alba de Evan un fantástico cómic “Miquits” para os cativos de 2º curso.

Xabier ensinounos a través dunha presentación e varios vídeos como é o proceso de creación dun libro e a cantidade de persoas que están implicadas neste proceso.  A súa orixinalidade cautivou ao alumnado, que tivo moitas preguntas sobre os personaxes. Tamén nos sorprendeu co lanzamento da segunda parte de “Miquits” que sairá arredor de setembro. Por último, fixo unha firma de libros e o alumnado entregoulle varios debuxos como agradecemento.

 

 

Distribuir contido


cep.celso.emilio.ferreiro@edu.xunta.gal

Tfno: 986 29 80 58 - Fax: 986 24 42 49

Rúa O Porriño s/n - 36209, Vigo - Pontevedra
by Dr. Radut