O pasado 20 de setembro tivo lugar o "XIX Encontro Internacional de Torneiros da Madeira" no noso Concello, e como cada ano, asistimos á súa exposición para poder comprobar o fantástico traballo que estes artesáns son capaces de facer.
Trátase dunha iniciativa única na Península Ibérica que se celebra no Concello de Xermade dende hai 19 anos coa que se pretende recuperar do esquecemento un oficio tradicional en toda Galicia, documentar técnicas e coñecementos para trasladar á sociedade as súas orixes e o potencial artístico e creativo que ofrece.
