Novas

Listaxe definitiva de Fondo de Libros de Texto

Listaxe Definitiva de Fondo de Libros

 

PS: Estamos recibindo chamadas con respecto a alumnado que xa non ten libros, ou ten menos, nesta listaxe definitiva. Agardemos a setembro para saber exactamente os libros que vos tocan; en principio só o Activity de Lingua Inglesa é imprescindible. O resto, aínda que se encargue en setembro e chegue máis tarde, non será problema. Pensade que en setembro pode haber cambios que vos beneficien (alunmado que marcha definitivamente, ou xente que cede os libros). 

Material para Primaria curso 2016-17

Ligamos os libros de texto para Primaria curso 2016-17

 

Libros de Texto Primaria

CONFIRMAMOS: NON collades o libro de Música.

Poliños Vitenses!

 

 

Asomade un ollo eiquí!

 

A vida abrindo camiño

 

Máis imaxes na nosa páxina de facebook.

Conciliación VERÁN 2016

PROGRAMA MUNICIPAL DE CONCILIACIÓN PARA O "VERÁN 2016"

 

 

PROCESO DE INSCRICIÓN E MATRICULACIÓN

Do 16 ao 31 de maio de 2016

 

 

O Departamento de Educación e Cidadanía  do concello de Santiago desenvolve un programa de conciliación laboral e familiar no período das vacacións do verán 2016 (xuño, xullo e setembro). Este programa comprende un conxunto de actividades, a desenvolver en instalacións do CEIP das Fontiñas e do CEIP Raíña Fabiola, destinadas á poboación escolarizada en educación Infantil e Primaria do municipio de Santiago.

 

Este programa concíbese como un espazo deportivo e educativo, de promoción do ocio e o tempo de lecer, ademais dun apoio e recurso para as familias no tempo de vacacións.

 

CARACTERÍSTICA DO PROGRAMA

 

Destinatarios: nenos e nenas que cursen estudos en centros de educación infantil e primaria de Santiago de Compostela, con idades comprendidas entre os 3 e os 12 anos.

 

Datas de realización: O programa desenvolverase durante o período de vacacións escolares de verán: mes de xuño, xullo e setembro: mes de xuño (días 23, 27, 28, 29, e 30 de xuño de 2016), mes de xullo (agás sábados, domingos e festivos) e setembro (días 1, 2, 5, 6, 7, 8 e 9 de 2016).

 

Xuño. 5 días ou días soltos.

Xullo: mes completo; quincena ou días soltos;

Setembro: 7 días ou días soltos.

Xuño e xullo, completos: 25 días.

Xuño, xullo e setembro, completos: 32 días.

Xuño e setembro: 12 días.

Xuño e 1ª Quincena de xullo, completos: 16 días

Xuño e 2ª Quincena de xullo, completos: 14 días

1ª Quincena de xullo e setembro, completos: 18 días.

2ª Quincena de xullo e setembro, completos: 16 días.

Xuño, 1ª Quincena de xullo e setembro, completos: 23 días

Xuño, 2ª Quincena de xullo e setembro, completos: 21días

 

O horario do campamento de verán  será de 9 a 14 horas; ofrécese a posibilidade de que as familias podan solicitar ademais un servizo de madrugadores con almorzo (de 7:45 a 9:00 horas) e un servizo de comedor (de 14:00 a 16:00 horas).

 

MATRICULACIÓN NO PROGRAMA

 

·   Abrirase un prazo de inscrición e matrícula entre o 16 e o 31 de maio  2016 (ambos os dous incluídos).

 

·                     Os solicitantes terán que cubrir a folla de matrícula e entregala no Rexistro Xeral do Concello de Santiago (Rúa Presidente Salvador Allende, 4) ou no rexistro auxiliar do Centro Sociocultural e Xuvenil Municipal o Ensanche (Rúa de Frei Rosendo Salvado 14 - 16). Xunto co impreso de inscrición deberán achegar o xustificante de pagamento na conta bancaria municipal en ABANCA ES89 – 2080 – 0388 – 2031 – 1000 - 2662. Deberán indicar no momento de facer o ingreso: Nome e apelidos do neno/a solicitante, da persoa que realiza o pagamento e da modalidade escollida.

 

 

 

MÁIS INFORMACIÓN: 

 CONCELLO DE SANTIAGO - DEPARTAMENTO DE EDUCACIÓN E CIDADANÍA

Teléfonos 981 554 400 401  Fax: 981 571 511

dptoeducacion@santiagodecompostela.gal

www.santiagodecompostela.gal

Procesos Vitais

Dentro dos seres vivos temos uns amiguiños que son descendentes directos (coma outros moitos) dos dinosauros: as aves. Con eles comparten esa modalidade de reproducción común aos ovíparos. É un xeito de fecundación curioso para nós os vivíparos, xa que estes animais medran dentro dun ovo fóra do ventre das súas mamás, e precisan que os choquen.

Nós, pola nosa intelixencia, fumos quen de crear unhas máquinas chamadas incubadoras. Nelas podemos manter vivos a animais recén nacidos, e tamén substituír ás nais e pais dos animais ovíparos, que son os que deberían chocar os ovos.

 

Durante todo o periodo de xestación teremos a nosa propia incubadora de pitiños de raza de Mos (grazas á ANPA de Vite pola idea e o contacto, e grazas a Diego e Nuria, da Asociación AVIMÓS), e poderemos observar todo o proceso. 

Listaxes definitivas de alumnado admitido para o curso 2016-17

Nos anexos podedes ver as listaxes xa definitivas.

 

Agora tan só queda a formalización da matrícula, do 20 ao 30 de xuño. 

 

De novo, benvidos a Vite!

 

 

Reunións 3º Trimestre

Estimadas familias:

As reunións informativas conxuntas para o 3º trimestre son as seguintes:

 

MARTES 12 de abril: 16:30 – 4º, 5º e 6º de Infantil e 3º de Educación Primaria

 

MARTES 19 de abril: 16:30 - 1º e 4º de Primaria / 17:30 - 2º, 5º e 6º de Primaria

Admitidos para o curso 2016-17: Listaxe Provisional

Nos arquivos engadidos tedes acceso ás listaxes de alumnado admitido tanto en 4º de Infantil (3 anos) coma noutros cursos nos que houbo solicitudes.

Estas listas son provisionais e había que publicalas antes do 25 de Abril; nós facémolo hoxe porque non houbo que facer ningún tipo de baremación. Dende a publicación das mesmas tedes 5 días para calquera tipo de reclamación.

 

PS: Enviamos un mail a varios solicitantes con esta ligazón; desculpade que foi en aberto :-(

Coñecer Galicia I

Parte do traballo sobre o Proxecto Coñecer Galicia que estamos levando a cabo

(Exposición na entrada do cole)

 

 

 

 

Powered by Drupal - Design by artinet