Animación á lectura

Estreando biblioteca nos recreos!

Grazas o traballo do Equipo de Dinamización Global e ao alumnado voluntario hoxe comezamos a abrir a biblioteca nos recreos!

XOSÉ NEIRA VILAS E "MEMORIAS DUN NENO LABREGO" (O NOSO MURAL)

O luns 30 abril 2012 o escritor XOSÉ NEIRA VILAS veu ver o noso mural "Memorias dun neno labrego" que están a facer na entrada do colexio os artistas Miguel Peralta e Xoana Almar. E gustoulle moito: "Está moi ben o contido e moi ben o logro plástico".

OS NOSOS PARAUGAS POLA PAZ NUNHA OBRA DE TEATRO

O actor, músico, compositor e cantante XOÁN CURIEL (que actuou o día da Paz 2012 na Cidade da Cultura) veu buscar tres paraugas pola paz (con cores de outono e debuxos relacionados coa natureza en outono) para a súa obra de teatro "Contos das Estacións" (Compañía de contacontos "Conta e Canta") que xa levan cinco anos representando.
(Máis información na súa páxina web: www.amecer.com)

21 e 22 MARZO 2012

O 21 de marzo é o DÍA MUNDIAL DA POESÍA E DA ÁRBORE (e tamén celebramos a chegada da Primavera). Suecia foi o primeiro país que puxo un día dedicado a árbore en 1840.

O 22 de marzo é o DÍA MUNDIAL DA AUGA. O lema deste ano é: "A auga e a seguridade alimentaria".

VISITA DO ESCRITOR GONZALO MOURE

O venres 9 de marzo de 2012 estivo co alumnado do 2º e 3º Ciclo de Primaria o escritor Gonzalo Moure. Todo o alumnado lera o seu libro "Palabras de Caramelo".

A SEMANA DA PRENSA NA ESCOLA (Do 12 ao 16 de marzo de 2012)

            Conmemoración recollida no calendario escolar de Galicia desde fai 24 anos. A Consellería de Educación nos lembra que "un día desta semana traballarase na aula con xornais".

             O venres 16 haberá para cada aula un exemplar, podendo traer o alumnado/profesorado máis exemplares para traballar nese día, consultar a prensa dixital e na biblioteca hai algún xornal estranxeiro para ver. Neste curso nos centraremos na sección local e noticias da temática global da campaña anual "Coñecer Santiago".

2012: ANO INTERNACIONAL DA LECTURA

A UNESCO (Organización das Nacións Unidas para a Educación, a Ciencia e a Cultura) declara o ano 2012 "Ano Internacional da Lectura".

ENTROIDO MEDIEVAL

             A Idade Media no Entroido 2012 do noso colexio. No ficheiro adxunto aparecen moitas propostas de disfraces medievais.

"PARAUGAS POLA PAZ" EN SANTIAGO DE COMPOSTELA.

 O 30 de xaneiro de 2012 (Día da Paz) o noso colexio participará no proxecto artístico internacional "Paraugas pola Paz". Nun arquivo están as fotos dos primeiros paraugas: o negro feito por un alumno de Educación Infantil (5 anos) e o transparente feito polo alumnado de 4º; tamén se está facendo un paraugas branco por aula.

(Moita máis información no blog leriasdevite).

COÑECENDO "AS MARÍAS" OU "AS DÚAS EN PUNTO"

       No segundo e terceiro trimestre continuamos COÑECENDO SANTIAGO (Plan Anual de Fomento da Lectura). A información aparece nos arquivos adxuntos.    

Powered by Drupal - Design by artinet