Conciliación Semana Santa: programa do Concello

Transmitimos a información que nos chega dende o Concello (adxuntamos 3 arquivos coa solicitude)

Programa municipal de conciliación de Semana Santa 2019

Estimada/o amiga/o

O venres día 15 de marzo ábrese o prazo de inscrición no Programa de Conciliación laboral e familiar de Semana Santa 2019, organizado polo Departamento de Educación e Cidadanía. 

Este programa concíbese como un espazo educativo e de promoción do lecer, ademais de ser unha alternativa  de conciliación para as familias no tempo de vacacións de Semana Santa. Está dirixido a nenos e nenas con idades comprendidas entre os 3 e os 12 anos. As actividades desenvolveranse os días 15, 16, 17 e 22 de abril nos CEIP Monte dos Postes e CEIP Raíña Fabiola, de alcanzarse o número mínimo de participantes requirido.

Poden participar nenos e nenas empadroados no  Concello de Santiago de Compostela ou que cursen estudos en centros de educación infantil e primaria de Santiago de Compostela, con idades comprendidas entre os 3 e os 12 anos. Teñen a opción de escoller entre participar todos os días do programa ou en días soltos. 

A inscrición realizarase a través Rexistro Xeral do Concello de Santiago (rúa Presidente Salvador Allende, 4),ou no rexistro auxiliar do Centro Sociocultural o Ensanche (Rúa de Frai Rosendo Salvado, 14-16) cubrindo o formulario dispoñible nesta web, no Departamento de Educación e Cidadanía ou no propio rexistro. A admisión será por rigorosa orde de inscrición.

 

 O prazo de inscrición estará aberto dende o venres día 15 de marzo ata o venres 29 de marzo de 2019.

 

O horario será de 7:45 a 16:00 horas. O servizo de madrugadores funcionará de 7:45 a 9:00 horas e poderá ser con ou sen almorzo. De 9:00 a 14:00 horas realizaranse os obradoiros e actividades. Finalmente, entre as 14:00 e as 16:00 horas, existe a posibilidade de solicitar o uso do servizo de comedor.

 

Prégoche que difundas, se es tan amable, esta información dentro da comunicade educativa da cal formas parte. Podes atopar detalles, no texto explicativo que se acompaña, así como a ficha de inscrición no programa

 

Grazas de antemán pola túa colaboración

 

Manuel Dios Diz 

Concelleiro delegado de Educación e Cidadanía

 

Concello de Santiago de Compostela

Departamento de Educación e Cidadanía

Edificio Cersia. Rúa Alcalde Raimundo López Pol, S/N. 

San Lázaro. Santiago de Compostela 15707

Teléfono: 981 554 400

Fax: 981 571 511

www.santiagodecompostela.gal <http://www.santiagodecompostela.gal/> 

dptoeducacion@santiagodecompostela.gal <mailto:dptoeducacion@santiagodecompostela.gal>

AdxuntoTamaño
Microsoft Word -INFORMACIÓN INSCRICIÓN E MATRICULACIÓN SEMANA SANTA 2019.pdf108.53 KB
Microsoft Word - ficha inscrición programa Semana Santa 2019.pdf84.47 KB
CARTA.pdf408.17 KB

Powered by Drupal - Design by artinet