Skip to Content

CCP + D. orientación + Ed. Infantil + Primeiro ciclo + Segundo ciclo + Terceiro ciclo + Xef. de estudos

Visita residencia "As Salinas"

Hoxe o alumnado de 6º de Primaria desprazouse ata a residencia "As Salinas" no Viso para realizar diversas actividades interxeracionais cos maiores. Cantaron panxoliñas, realizaron talleres, tarxetas de Nadal, xogaron...

Bonita actividade que favorece a responsabilidade, os valores  e o respeto cara os maiores.

Grazas á residencia por darnos a oportunidade.

O PODER DA LUZ

Novembro Mes da Ciencia nas Bibliotecas

 O alumnado de 6º participa na Misión Alba, un proxecto científico con 4 etapas nas que hai que ir resolvendo retos.

Visualiza as 10 diapositivas onde se mostran os diferentes experimentos realizados coa luz:

O poder da Luz. Misión Alba de salial

DANZA ÉUSCARA

25 N DÍA CONTRA A VIOLENCIA DE XÉNERO

Compartimos o vídeo da danza éuscara "Erre Zenituzten" para que a  vaiades ensaiando para bailar todos xuntxs.

danza

 En recordo de todas aquelas mulleres, adiantadas á súa época. O seu recordo vive na natureza e en cada un de nós

Musika: Larrabetzuko Bizkargi Dantza Elkarteko gazteek egindako koreografia Xabi Solanoren "Erre Zenituzten" kantan oinarrituz

 

CREAMOS CON CARTÓN E MATERIAL DE REFUGALLO

ESCOBAS DE BRUXAS NO 25N

Para homenaxear o día contra a violencia de xénero preparamos unha danza éuscara "Erre Zenituzten" que é un canto á liberdade e un himno á diversidade. As bruxas da nosa danza representan a todas as mulleres libres que foron perseguidas e maltratadas por ser valientes, bravas e únicas.

Para a danza precisabamos unha vasoira e construímos unha. Aquí vos deixamos os pasos para facer unhas auténticas vasoiras de bruxa:

titorial vasoiras

CESTIÑOS DE CASTAÑAS

O Magosto é unha festa de xogos, lume e castañas.  

Despois dunha sesión de xogos tradicionais, chegaron os bolos preñados e un castañeiro asou as castañas no patio.

Para comelas quentiñas e deixar ben limpo o polideportivo, tiñamos preparados uns cestiños portacastañas. O noso deseño tiña dous lados, un para as castañas e o  outro para as cascas.

Festa si, pero con conciencia ecolóxica! 

porta castañas

 

A CONTAR NO SAMAÍN

1, 2, 3... A contar no Samaín

Esta actividade plástica e visual, intégrase no PDI do centro "Un, dous, tres... a contar outra vez". O alumnado de 6º EP, elixiu un personaxe dos recursos documentais da biblioteca escolar (libros, vídeos, revistas, xogos ...) e converteuno nun ser tenebroso do Samaín

A Carapuchiña Vermella, o Gato de Chesire de Alicia, O Gato con Botas, Vítor Van Dort... personaxes fantásticos vestidos e maquillados para dar moito medo.

Os debuxos están feitos sobre cartón e colgámolos dunha gran tea de araña.

 a contar no samaín

OBRADOIRO DE BOOKTRAILERS

Lectura e creación audiovisual

Roi Guitián, guiou ao alumnado de 5º neste reto: gravar e editar o trailer dun libro.

Os pasos que seguimos foron os seguintes:

-A rapazada, en grupos de 3 ou 4 escolleron un libro e fixeron un storyboard (debuxando e/ou escribindo o que querían gravar).  

A continuación fixeron a gravación coa tablet en diferentes escenarios do centro e logo editaron o vídeo coa aplicación CapCut. Se fas click nos elementos interactivos iconos interactivos poderás visualizar os 6 booktrailers.

Estes son os primeiros booktrailers pero seguro que virán moitos máis!

OBRADOIRO STEAM CON PAOLA GUIMERÁNS

Obradoiros con Paola Guimeráns, experta en Deseño, Téxtiles intelixentes e ensinanzas STEAM.

Desenvólveronse 3 talleres nos que as rapazas e rapaces crearon circuítos, camisetas intelixentes e cómics interactivos  partindo do proceso de "deseñar facendo".

1- Comezamos con Circuitos en papel, o alumnado de 4º fixo circuítos eléctricos con papel condutor e un LED,  co que iluminou unha casiña construída con papiroflexia. 

2- Placa Make Makey. En 5º programaron con scratch e deseñaron un cómic interactivo.

3- Microbit e Make Code neste  obradoiro  a rapazada de 6º deseñou unha camiseta con luces, música, detectores de temperatura... traballando en equipo,  creou programas sinxelos descubrindo as posibilidades da placa microbit. 
 

Este obradoiro enmárcanse no proxecto Biblioteca Creativa 

GRADUACIÓN 6º DE INFANTIL

Xa estamos a piques de rematar este curso, co que finaliza unha fermosa etapa chea de vivenzas que non imos esquecer.

A titora Laura e todas as profes que estivemos con vós en infantil, desexámosvos,

MOITA SORTE EN PRIMARIA!

promoción inf 2023 

Os nenos e nenas de 6º de infantil xa están listos para que xogues con eles a gradualos/as  

a

"FEO" de Caramuxo teatro.

Hoxe o alumnado de infantil, asistiu ao auditorio municipal para ver a obra de teatro "FEO" da compañía Caramuxo teatro, dentro do programa de actividades escolares Afundación. 

Inspirado no conto "O Parrulo Feo" de Hans Christian Andersen. A pequena fábrica de parrulos de goma (Papero Giallo) produce todos os días centos e centos de parrulos do mesmo tamaño e cor, mais un día sae un parrulo diferente... 

A obra é un canto á diversidade e á reivindicación da esencia propia, incidindo na importancia de coñecérmonos e aceptármonos como somos.

 

 

ENQUISA DE DIAGNOSE DA CONVIVENCIA ESCOLAR 2023

 

Estimadas familias e demáis membros da comunidade educativa:

A Consellería de Educación, dentro do marco da estratexia de convivencia para o período 2021-2025 elaborou un cuestionario co obxectivo de recoller datos que permitan analizar o estado da Convivencia Escolar nos centros educativos da Comunidade Autónoma de Galiza. O cuestionario está dirixido a todos os membros da nosa comunidade educativa.

COLECTIVOS PARTICIPANTES:

  • Alumnado: todo o alumnado a partir de 5º de Educación Primaria (5º e 6º de Primaria, ESO, FP Básica, Bacharelato, Formación Profesional, Ensinanzas de Persoas Adultas, Ensinanzas de Réxime Especial, etc).
  • Profesorado: todo aquel que imparte docencia no centro educativo durante o curso académico completo.
  • Persoal non docente: todo o persoal non docente do centro educativo.
  • Familias: todas as familias responsables de alumnado con idades comprendidas entre os 3 e os 18 anos, cubrindo un cuestionario por familia e centro educativo.

Poderán  acceder á aplicación ConvivenciaXestion e cumprimentar os cuestionarios en liña nas seguintes ligazóns. As claves de acceso seranlle facilitadas polo centro educativo, mañá mercores, día 10 de maio.

"Recollida de datos para o alumnado de Educación Primaria"

https://edu.xunta.gal/convpri

"Recollida de datos para o alumnado que require asistencia e fai uso do cuestionario pictográfico"

https://edu.xunta.gal/convee

"Recollida de datos para o profesorado"

https://edu.xunta.gal/convdoce

"Recollida de datos para o persoal de administración e servizos"

https://edu.xunta.gal/convpas

"Recollida de datos para as familias"

https://edu.xunta.gal/convfamil

O prazo para cubrir o cuestionario remata o día 22 de maio de 2023.

Recomendámoslle a lectura da seguinte guía para responder a enquisa antes de entrar na aplicación.

Por último, para calquera dúbida ou aclaración poden poñerse en contacto coa dirección do centro.

 

 

Distribuir contido


by Dr. Radut