Skip to Content

Erasmus+ journal: Jan's World

Rematamos o primeiro curso do proxecto co primeiro número do xornal "Jan's World", que resume as distintas actividades relacionadas coa arte que se levaron a cabo nos distintos países socios.


Festival Fin de Curso

Outro curso máis que chega ao seu fin. Neste caso, o curso académico 2015/2016. Para despedilo, celebramos un festival no que o alumnado sacou a escena a súa parte máis expresiva. Desexamos que vos guste.

Feliz verán!

A nosa aventura belga

Como sabedes os nenos e as nenas de 6º despediron o seu paso polo colexio cunha fantástica aventura en Bélxica. Alí, os nosos socios europeos recibíronnos cos brazos abertos e fixeron da nosa semana un tempo inolvidable. Vimos coa maleta chea de recordos e momentos que nos acompañarán sempre. 

Aquí podedes ver un resumo corto da viaxe:

E aquí un vídeo un pouco máis longo:

Aos nosos amigos belgas, ás súas familias e aos profesores do GBS de Bosmier, GRAZAS. Grazas polo voso esforzo e dedicación.

E aos nosos nenos e nenas de 6º desexarlles moita sorte nesta nova etapa que comezan!

Madriñas e padriños

En que consiste esta actividade?

Cada alumno/a de 3º, 4º, 5º e 6º de Primaria apadriña a un neno/a máis pequeno/a (3 anos, 4 anos, 5 anos, 1º ou 2º de Primaria) para contarlle un conto no patio ou nas zonas verdes do colexio. Ademais, moitos destes nenos/as máis pequenos/as recibiron un agasallo por parte do seu padriño/madriña. 

O pasado venres levouse a cabo: os padriños e madriñas foron buscar aos seus afillados/as ás súas aulas, leváronos ao patio ou ás zonas verdes e léronlles o conto que tiñan preparado para eles. Ademais, moitos afillados/as recibiron un agasallo por parte do seu padriño/madriña. Daba gusto ver todo a pista e as zonas verdes cheas de nenos e nenas léndolle aos máis pequenos/as.

Moitas grazas a todos e todas pola vosa colaboración: madriñas, padriños, afillados, afilladas, profesorado implicado... Aquí vos deixamos un vídeo con pequenos fragmentos dos contos e algunhas fotos.

Distribuir contido


by Dr. Radut