Música

CONCERTO BENÉFICO - NADAL 2016

     Como cada ano, o alumnado do CEIP Plurilingüe Virxe do Carme; participa no festival benéfico que se organiza no Centro Sociocultural de Sober en colaboración coa Banda de Música, a Escola de Música, a Banda Xuvenil e o Coro Berea.

     A continuación, deixámosvos o vídeo da actuación de este ano; na que os nenos e nenas cantan un popurrí de panxoliñas populares coa Banda de Música, o Coro Berea e alumnos da Escola de Música.

XORNADA DE CONVIVENCIA CO CEIP A GÁNDARA E ACTUACIÓN CORO BEREA (17/11/16)

   Hoxe tivemos unha visita especial: os alumnos e alumnas de 1º e 2º de Primaria do CEIP A Gándara coas súas profes.

   Viñan de visitar a Rectoral de Gundivós na que Elías lles explicou os segredos da olería e a Escola de Hostelería de Rosende.

   Foi un xantar moi divertido no que se puideron coñecer e compartir momentos de xogo.

     Despois do xantar, para conmemorar o Día de Santa Cecilia, patroa da música; todos asistimos a un concerto do Coro Berea onde o pasamos de marabilla.

     Desde aquí queremos agradecerlle a todos os seus membros así como á súa directora esta actuación desinteresada.

 

 Outros vídeos:

"Si ma ma ka"

"Ipharadisi"

    Antes de dar por rematada esta convivencia, foi tempo para o intercambio de agasallos entre as bibliotecas.

    O noso alumnado tiña preparado uns marcapáxinas conmemorativos desta data:

 

  E os nenos e nenas de A Gándara trouxéronnos varios xoguetes elaborados con materiais de refugallo e uns libros nos que nos falan sobre eles.

 

   

 

MOITAS  GRAZAS  POLA  VISITA!!

ESTAMOS  DESEXANDO  QUE  SE  REPITA, pero mentras tanto

podes recordar todas as imaxes deste día no seguinte enlace

GALERÍA DE IMAXES.

ANIMACIÓN Á LECTURA

13/05/2015 12:30
Europe/Madrid

ESTA  ACTIVIDADE  TIVO  QUE  CAMBIAR  DE  DATA  POR  MOTIVOS  ALLEOS  A  NÓS.

A  NOVA  DATA  É  O  MÉRCORES  13.

    Héctor Lorenzo, músico e compositor compostelán aínda que afincado en Ourense; será o protagonista desta sesión na que os nenos poderán achegarse ao encanto da poesía cun espectáculo poético - musical. A continuación vos deixamos un dos seus poemas musicados

A serra de papá

ris ras ris ras

é a serra de papá

ras ris ras ris

a que fai este ruído

ris ras ris ras

cando cantan pola mañá

ras ris ras ris

os paxaros no seu niño

ris ras ris ras

porque o sol se levantou

ras ris ras ris

cun sorriso no fociño.

CONCERTO DIDÁCTICO: Escola Municipal de Música de Sober

08/05/2015 11:00
Europe/Madrid

CHEGA O ENTROIDO A CLASE DE INFANTIL

   Comezamos a semana de entroido na clase de infantil e que mellor para comezar que...

uns bonitos antifaces?

e unha alegre canción?

 

CONCERTO DIDÁCTICO SANTA CECILIA - 2014: O ACORDEÓN

Para conmemorar o Día de Santa Cecilia, patroa dos músicos, imos a celebrar no colexio un concerto didáctico sobre o acordeón; para o que contaremos coa presenza da acordeonista Andrea Grande Rodríguez que conta cunha larga traxectoría neste instumento participando en certames nacionais e internacionais, na gravación de varios discos e gañadora do 1º Premio do XXXVII Certame Nacional de Acordeón.

Ela foi a encargada de explicarlle aos nenos e nenas todo o referido a este instrumento: historia,  funcionamento, partes principais... e de respostar as preguntas que os nenos e nenas lle fixeron.

 

Despois foi o momento de que o alumnado puidera tocar este instrumento... haberá entre eles algún futuro acordeonista?

   

 

  E mentres uns tocaban, outros coloreaban uns acordeóns que quedaron moi fermosos

Aquí vos deixamos un vídeo resumen deste concerto para que poidades disfrutar tanto coma nós

 

Para ver todas as imaxes deste concerto preme aquí: GALERÍA  DE  IMAXES

 

A continuación podes encontrar moita información sobre o acordeón. Cando creas  que  sabes  o necesario fai click no seguinte enlace para que poidas realizar un test on-line. Serás quen de superalo?

O  ACORDEÓN

O acordeón é un instrumento de vento formado por fol, teclado, baixos e dúas caixas armónicas de madeira.

       A historia do acordeón é curta pero rápida e intensa, quen rexistrou este instrumento como acordión en 1829, foi un austríaco; pero parece que o primeiro que inventou un instrumento como este foi o emperador chinés Nyu-Kwa, 3000 anos antes de Cristo; ou sexa, fai uns 5000 anos.

 

PARTES  PRINCIPAIS:

-  Fol: é a parte máis característica do acordeón; con él movemos o aire e regulamos a intensidade do son.

O fol está protexido por cantoneiras metálicas e bandas de protección para protexer as unións e evitar que haxa fugas de aire.

-    Teclado:  tócase coa man dereita e é similar ao teclado dun piano; o único que varía é o número de teclas.

       As teclas comunícanse respectivamente con palancas que moven unhas tapas de madeira. Ao presionar unha tecla, a tapa de madeira ábrese e deixa pasar o aire producindo o son desexado.

        Hay acordeóns chamados de botóns porque en vez de teclas teñen botóns para producir o son.

 

-       Baixos: é o conxunto de botóns que se tocan coa mano esquerda. Os acordeóns poden ter 12, 48, 72, 80 o 120 baixos. Serven para dar acordes e acompañar a melodía.

O botón que ocupa a posición central é o Do, é fácil de recoñecer por ser un poco distinto aos outros.

 

-     Voces: Unha característica esencial de todo acordeón é o número de voces. Cada tecla ou botón pode facer vibrar máis dunha lingüeta de metal ao UNÍSONO producindo un acorde. O acordeón terá un número de voces concreto para o teclado (chamadas voces cantables) e outro número de voces para os baixos.

 

-       Rexistros: serven para activar ou desactivar as voces de xeito que o músico pode tocar con só unha voz, con dúas, con todas, ou facer combinacións entre elas para obter sons distintos.

 

           Os rexistros levan uns puntos que indican qué voces activan:

          Un rexistro que active tres voces tería impresos uns símbolos semellantes a:

          Un rexistro que active dúas voces, a central e a aguda:

           Un rexistro que active só as graves:

 

 

A LINGUA A P(L)ACER

    No marco das actividades realizadas para conmemorar o Día do Libro contamos no centro coa compañía de teatro infantil 'A trastenda dos contos' que representou 'A lingua a p(l)hacer'.

    Esta  actividade chega dende o ciclo Cultura no Camiño, que patrocina nun 50% a Xunta de Galicia a través do AGADIC, e no outro 50 % o Concello de Sober.

    Nesta actividade, Caxoto, o gran director da Orquestra Poli-afónica de Santiago de Con-pistolas contounos a historia de Sabela; unha nena que quería aprender a tocar un instrumento pero non sabía cal. A través desta nena e deste conto; puidemos coñecer moitos instrumentos musicais.

  Caxoto

 

Esta actividade, foi noticia nos xornais da nosa comarca:

A  VOZ  DE  GALICIA:

O  PROGRESO

    A continuación podedes ver varios momentos desta sesión nos seguintes vídeos:

1. A orquestra poli-afónica formada polos nosos nenos:

2. A saia da Carolina interpretada con diferentes instrumentos:

- O birimbao:

- A ocarina:

- A frauta de nariz

3. Aquí tedes un par de vídeos sobre as castañolas:


4. Escoitamos un novo instrumento: a gaita

 

Máis vídeos estarán dispoñibles proximamente

CANTOS ANIMALES - Susa Herrera

   Achégase o día do libro, e para celebralo teremos varias actividades na biblioteca.

   A primeira é a presentación do libro "Cantos animales" de Susa Herrera.

  Tivemos a sorte de contar nesta presentación coa presenza da autora á que os nosos nenos e nenas puideron preguntar todo o que quixeron.  Ademais ela ensinounos algunhas das cancións que compuxo para este libro de animais.

Susa Herrera na biblioteca  Susa Herrera na biblioteca

Susa Herrera na biblioteca  Susa Herrera na biblioteca

     Ao final da sesión Susa Herrera adicounos os seus libros.

Susa Herrera na biblioteca  Susa Herrera na biblioteca

     A súa visita foi recollida no xornal O Progreso do día 23/04/14

Susa Herrera na biblioteca

  Se queredes comprobar o ben que o pasamos e recordar as cancións aprendidas, podedes ver os seguintes vídeos:

O CROCODILO

O GATIÑO

THE PONY

O ELEFANTE

A XOANIÑA


O  OSO  PANDA

O  CANGREXO

CONCERTO DIDÁCTICO DE PIANO

    Hoxe 22 de novembro é Santa Cecilia, patroa dos músicos. Para conmmemorar esta data asistimos a un concerto didáctico de piano.

Concerto didáctico

    Neste concerto, aprendemos moitas cousas sobre o piano e a súa historia que queremos compartir con vós:

- O piano tal como o coñecemos hoxe en día foi inventado máis ou menos no ano 1700 por Cristofori. O estilo musical correspondente a aqueles anos era o Barroco.


- É un instrumento de corda percutida que consta aproximadamente de 88 teclas (36 negras e 52 brancas) e de 170 cordas de metal.


- As cordas percútense a través dun mecanismo que se acciona ao tocar as teclas. Este mecanismo consta de dúas partes: unha é a que acciona os macillos que golpean as cordas e outra retira os apagadores que impiden que as cordas vibren.

- O piano consta con tres pedais:

     1. Celesta: é o pedal da esquerda, ao pulsalo o sonido é máis suave xa que acerca os macillos ás cordas.

     2. Sordina ou pedal de estudio: é o pedal central. Ao accionalo, baixa unha tela de fieltro entre as cordas e os macillos para conseguir un sonido moi suave.

     3. Pedal de resonancia: é o pedal da dereita. Retira todos os apagadores para que as cordas poidan soar libremente.

Ademais tódolos alumnos puidemos converternos en aprendices de pianistas por un ratiño:

pianistas  pianistas  pianistas

pianistas  pianistas  pianistas

Distribuir contido