Día do Libro

Día do Libro

O EMOCIONANTE DÍA DE PITI O CARACOL

      Un dos grupos de padriños lectores era o formado por Mara, Loïc e Mateo para contar O emocionante día de Piti o caracol de Sandrine Lhomme; (Baía Edicións) pero por ausencia de Loïc no último momento, foi substituído por Laura Gómez.
 
 
  No seguinte podcast podedes escoitar a súa historia. 

APADRIÑAMENTOS LECTORES POLO DÍA DO LIBRO (23/4/2018)

    Unha das actividades preferidas do noso alumnado, é a dos apadriñamentos lectores que realizamos para conmemorar o Día do Libro.
      
       Nesta actividade, os biblioaxudantes organízanse en cinco grupos que se reparten polo colexio con candanseu libro para lerlles ao resto do alumnado que tamén dividido en 5 grupos, vai percorrendo a senda dos libros:

    Na biblioteca estaban Héctor, Laura Melinda e Aitana contando Quiero una mamá robot de Davide Cali (Ed. Laberinto) para o que elaboraron os seus propios títeres.

 

   No escenario do Salón de Actos Verónica e Laura Rodríguez, esperábannos co libro Chafarís de Xoán Neira e Ánxeles Ferrer (Ed. Émbora) para recitar varios dos seus poemas.

 

   Ao chegar ao comedor Uxía, Gisela e Manuel estaban dispostos a engaiolarnos coa intelixencia dos  Chibos, chibóns narrada por Olalla González (Ed. Kalandraka).

 

   A seguinte parada era no exterior do colexio, onde Francesca, Henry e Ángel recordáronnos a través do libro Nicolás va a la biblioteca, todo o que podemos facer nela. Este libro con pictogramas está escrito pola Asociación de Tratamento do Autismo (Ed. Kalandraka)

 

   No parque infantil Mara, Mateo e Laura Gómez (substituíndo a Loïc que non puido asistir), representaron O emociante día de Piti o Caracol de Sandrine Lhomme (Baía Edicións).


  Pablo, Brais, Adrián, Xoán e Valentina, foron os encargados de rematar a actividade explicando a orixe do día do libro e lendo o texto de Fran Alonso.
 

DÍA DO LIBRO (23/4/2018)

     O día 23 de abril, celébrase o Día Mundial do Libro e dos Dereitos de Autor dende que a Conferencia Xeral da UNESCO, celebrada en París en 1995, aprobou esta data co obxectivo de “fomentar a lectura, a industria editorial e a protección da propiedade intelectual por medio dos dereitos de autor” 

 
        Escolleuse este día xa que é a data na que faleceron autores como Cervantes, Shakespeare ou Inca Garcilaso de la Vega
 
      Cada ano, desde a Consellería de Cultura, Educación e Ordenación Universitaria a través da Asesoría de Bibliotecas Escolares de Galicia fannos chegar un díptico conmemorativo cun texto agasallado por un galego ou unha galega relacionada co mundo dos libros e das bibliotecas. 
 
Este ano o texto é de Fran Alonso, escritor, editor e periodista; que facendo uso da ironía explícanos algúns dos efectos da lectura.

 

      No seguinte podcast, podedes escoitar a Pablo, Brais, Adrián, Xoán e Valentina no programa radiofónico adicado a este día.

APADRIÑAMENTOS LECTORES

    Este ano organizamos a actividade de apadriñamentos lectores un pouco diferente.
 
   Os biblioaxudantes organizáronse en 5 grupos cun espacio e cun libro cada grupo. O resto do alumnado do centro repartiuse en 5 grupos que ían pasando dun libro a outro.
 
 
    Na biblioteca estaban Marco, Henry e Mateo para recitar poemas
de Plumilindo (El cisne que quería ser pato) escrito por Gloria Fuertes.

 

  No Salón de Actos, Ángel e Jazmin esperábannos con Un libro de Herbé Tullet.

 

No comedor estaban Loïc e Manuel para lerlles El pez de oro escrito por Alexander Pushkin.

 

 Xa no patio esperaban Rocío, Gisela e Héctor co libro Cinco minutos de paz de Jill Murphy.

 

   E no parque infantil Herbert e Laura Melinda narraban Onde viven os monstros escrito por Maurice Sendak.

 

DÍA DO LIBRO

   O Día Mundial do Libro, o 23 de abril, unha das datas máis significativas do calendario nas bibliotecas. 

 
    Coma en anos anteriores, a Consellería de Cultura, Educación e Ordenación Universitaria edita un pequeno díptico cun texto orixinal agasallo dun autor ou autora galega. Desta vez, o texto co que celebramos o Día do Libro é de Pedro Feijoo, un dos creadores galegos máis lidos nos clubs de lectura dos centros de ensino, quen afirma con rotundidade no seu texto Os libros son para valentes: "... eu tamén sei que para cada un de nós hai un libro. Un que nos explicará como é que funciona isto de vivir, como se sae adiante, como se avanza. Ou polo menos como poñerlle o rabo ás cereizas..." 
 
 
     Estes dípticos repartíronse entre o alumnado de Primaira, mentres que os alumnos de educación Infantil fixeron para sí, outros realmente monstruosos:

400 ANOS DESPOIS - CERVANTES Vs SHAKESPEARE

  A través do Programa Cultura no Camiño, o Concello de Sober ofreceunos a seguinte sesión de animación á lectura adicada ao Día do Libro:

 
    Nesta actividade o alumnado puido disfrutar con Caxoto Contacontos das aventuras e desventuras de Don Quixote e de moitas outras aventuras de cabaleiros; coma os cabaleiros do Rei Arturo
 
 
 
 
 
    A continuación podedes ver un poquiño da actuación. Neste caso, un vídeo-conto con cantiga no que un neno quería ir a cazar leóns; publicado polo Concello:
https://www.facebook.com/concello.desober/videos/959151370872923/
 
   Antes de marchar, Caxoto - Cervantes, adicounos unhas verbas no noso libro de biblioteca:
  
 

   A reseña desta actividade saíu publicada en El Progreso do día 22/04/2016:

DÍA DO LIBRO: 400 ANOS DO FALECEMENTO DE SHAKESPEARE e CERVANTES

 
    O Día do Libro; o mundo das letras ten unha cita moi importante xa que é o 400° aniversario do falecemento de dous autores importantísimos da literatura universal, o inglés William Shakespeare e o español Miguel de Cervantes
 
    Ambos morreron o 23 de abril de 1616 e por iso, o 23 de abril foi consagrado como o Día Internacional do Libro en homenaxe a estes dous autores que nos legaron personaxes tan emblemáticos e vixentes como Don Quixote, Otelo, Hamlet, Sancho Bandullo, Lady Macbeth, Dulcinea... 
 
   Se clickas nas seguintes imaxes poderás seguir aprendendo moito sobre Don Quijote: obras, personaxes, aventuras, xogos... como xa fixemos na biblioteca
http://nea.educastur.princast.es/quixote/index2.htm
 
http://www.educa.jcyl.es/educacyl/cm/gallery/Recursos%20Infinity/tematicas/webquijote/index.html
 
 
 

DÍA DO LIBRO: HORA DE LER

    Co gallo do Día - Mes do Libro, durante o mes de abril todos os nenos e nenas de Educación Primaria realizamos a Hora de ler na biblioteca.

 
    O resultado de estar lendo todos xuntos foi tan positivo que imos a seguir así durante todo o curso.
 

DÍA DO LIBRO: Carmiña Miudiña: "A pinga aventureira"

      Unha das actividades realizadas para conmemorar este día foi o contacontos Carmiña Miudiña: "A pinga aventureira".
 
    Esta actividade foi patrocinada polo Concello de Sober a través do programa Cultura no camiño.
 
    Durante este conto os nenos e nenas do noso centro e do PAI puideron disfrutar da narración ademáis de aprender moitas cousas con esta pinga científica e aventureira sobre a auga e o seu ciclo e sobre a importancia da reciclaxe para manter un mundo mellor.

 

    Durante esta actividade levamos unha gran sorpresa: a pinga aventureira fixo realidade a nosa mascota que chegou desde Nova Iork e que agora xa descansa nun dos nosos andeis.
 
No seguinte vídeo, podes revivir a chegada de Lectuvín á biblioteca
Distribuir contido