Camiño do Pazo, s/n (Sober) Tfno. 982 87 08 41 e 982 87 08 42.

APADRIÑAMENTOS LECTORES

    Para conmemorar o Día do Libro outra das actividades que vimos facendo desde fai varios anos e que ademais é unha preferidas do noso alumnado, é a dos apadriñamentos lectores.
      
       Nesta actividade, os biblioaxudantes organízanse en cinco grupos que se reparten polo colexio con candanseu libro para lerlles ao resto do alumnado que tamén dividido en 5 grupos, vai percorrendo a senda dos libros:
 
    Na biblioteca estaban Laura G, Laura R. e Pablo contando O sastriño valente dos Irmáns Grimm (Ed. Sieteleguas); unha historia que nos fala de que a astucia e da intelixencia poden derrotar á calquer forzudo.

  No corredor de infantil, esperábannos Mara e Loïc para lernos Tomás o bromista de Jorge Rico (Ed. Kalandraka); un neno que sempre están gastando bromas que non lle fan graza a ninguén ata que un día o que leva un bo susto e el!!

   Ao chegar ao Salón de actos, Francesca e Xoán tíñan preparada a historia dunha eiruga moi lista e tan intelixente que consegue salvarse de ser comida por varios paxaros: Paso a paso de Leo Lionni (Ed. Kalandraka)

    No comedor Uxía e Gisela emocionáronnos co libro Un neno na emigración, que ten que emigrar coa súa familia a Nova Iork pero que segue estando moi orgulloso da nosa Galicia de Francisco Álvarez (Ed. Fervenza)

  E para rematar, no noso xardín do corredor principal Aitana, Adrián e Jorge esperaban para contarnos A horta de Simón de Rocío Alejandro (Ed. Kalandraka); unha horta na que ao principio só había cenorias pero ao final acabou habendo de todo.

VIAXE AO FONDO DAS PREGUNTAS (23/4/2019)

    Para conmemorar o Día mundial do Libro e dos Dereitos de Autor desde a Consellería de Educación, cada ano editan un díptico cun texto dunha persoa referente da literatura galega actual.
 
   Nesta ocasión o texto ao que lle poñen voz os nosos biblioaxudantes Mara e Loïc, é de Marilar Aleixandre unha escritora, narradora, mestra e membro da Real Academia Galega que escribiu o poema Viaxe ao fondo das preguntas no que nos quere facer reflexionar sobre o papel da lectura como estimuladora da imaxinación, e da curiosidade e como instrumento para facernos pensar e reflexionar.
 

AS FAMILIAS CONTAN: Familia de Lorena (23/4/2019)

   Hoxe 23 de abril é o Día do Libro, e para conmemoralo tivemos na biblioteca unha nova sesión de As familias contan.
 
   Pero esta é unha sesión diferente porque non é a familia dun alumno a que ven a contar, senón que é a familia da profe Lorena.
 
 
  Lorena veu co seu sobriño O mago Iago e os seus pais, Nery e Iván, que tiñan preparado un espectáculo sorprendente.
 
   Comezou Nery coa lectura do libro Os Bolechas fan maxia que serviu como introdución de todo o que ía acontecer.
 
   E despois  O mago Iago, abraiounos cos seus trucos de maxia: 
 
obxectos que aparecen e desaparecen diante dos nosos ollos
 
trucos con voluntarios que non saían do seu asombro
 
 xogos de naipes
 
e ata unha caixa máxica que parecía baleira pero da que non paraban de saír un montón de obxectos!!
 
E agora...apetécevos volver a escoitar o conto e saber máis sobre este gran mago de tan só 5 anos?
Pois escoitade atentos a seguinte emisión de Radiuvín

MOITAS  GRAZAS  POR  VIR  Á  NOSA  BIBLIOTECA  E  POR  ESTA  SESIÓN MARABILLOSA   QUE  NOS  RECORDA  A  MAXIA  DOS  LIBROS  NUN  DÍA  TAN  ESPECIAL!!


VIAXE AO FONDO DAS PALABRAS

    Para conmemorar o Día mundial do Libro e dos Dereitos de Autor desde a Consellería de Educación, cada ano editan un díptico cun texto dunha persoa referente da literatura galega actual.
 
   Nesta ocasión o texto ao que lle poñen voz os nosos biblioaxudantes Mara e Loïc, é de Marilar Aleixandre unha escritora, narradora, mestra e membro da Real Academia Galega que escribiu o poema Viaxe ao fondo das preguntas no que nos quere facer reflexionar sobre o papel da lectura como estimuladora da imaxinación, e da curiosidade e como instrumento para facernos pensar e reflexionar.
 

DETECTI 5º - 6º. RETOS FINAIS (12 - 4 - 2019)

   A axencia de detectives de 5º e 6º, chega ao seu fin por este curso cos dous últimos retos.
 
O último prantexado nas aulas era o reto nº 11, un reto de lóxica.
 
 
    E o reto definitivo, fíxose o último día antes das vacacións coa axuda de todos os nenos e nenas do colexio. Se lembrades, ese día fixemos un circuíto con diferentes probas polas que todo o alumnado repartido en grupos tiña que pasar: escornabots, lecturas, carreira de ovos, poesía, carreira de sacos, poñerlle a cola ao coello, tangram e carreiras con globos.
 
   Por cada proba superada, o grupo conseguía un par de pezas dun quebracabezas e sendo capaces de montalo, encontraban o reto final:
En Melilla hai tres,
en Madrid ningunha
e en Castela e Galicia unha.
Que é?
   
    Á solución deste reto dáballes tamén a ubicación do tesouro que consistía nun ovo de Pascua para cada membro do equipo.
 
    Queredes saber a solución de ambos retos? Pois escoitade atentos!

   Para rematar esta actividade todos os participantes recibiron un agasallo da impresora 3D cun deseño de Sherlock Holmes de  RunningUtes ao que lle quitamos a pipa e lle engadimos unha lupa e o texto Detecti 5º ou Detecti 6º.
 
 
   Os alumnos que, ademais de participar, conseguiron resolver 10 ou máis retos levaron como premio o libro Abremente da Editorial Catapulta correspondente ás súas idades; un libro para aprender e divertirse con preguntas e respostas desafiantes e entretidas.
 
ATA  O  PRÓXIMO  CURSO, DETECTIVES!!

 

XINCANA DE PASCUA (12/4/2019)

      Para irnos de vacacións de Semana Santa con bo sabor de boca, organizamos unha xincana na que todos os nosos alumnos e alumnas repartidos en equipos debían superar varias probas organizadas polo Equipo de Biblioteca e pola mestra de Educación Física.
 
   ESCORNABOTS  EN  INGLÉS: nesta proba a teacher preparou varias tarxetas de vocabulario con imaxes e palabras xa traballadas na aula que estaban realacionadas con estas datas .
 
   Con estas tarxetas de vocabulario colocadas no taboleiro, ela foilles facendo preguntas e dándolles definicións para que o alumnado adiviñara a qué casilla do taboleiro debían dirixir o escornabot.
 
 
 
    OBRADOIRO  DE  POESÍA: neste obradoiro os grupos atopaban varias palabras coas que debían facer escribir unha poesía.

    Despois de darlles unhas cantas voltas, saíron poesías ben rimadiñas!!

 
 
 
 
   CARREIRA DE OVOS DE  PASCUA: este xogo tradicional consiste en levar os ovos de pascua nunha culler que se suxeita coa boca... diversión asegurada!!
 
 
 
  XOGANDO  CON  TANGRANS: os grupos de alumnos tiñan que enfrontarse a dous tipos de tangrans: o tangran clásico co que debían construír os coellos propostos e un tangran oval impreso na nosa impresora 3D que representaba o ovo de Pascua.
 
    RUGIDOS  Y  OREJAS (Chih-Yuan Chen): para superar esta proba os nenos e nenas tiñan que estar moi atentos á lectura deste conto no que coñeceron a Orejas que é unha coelliña á que desde pequena lle ensinan a buscar comida nos prados e a escapar dos leóns e a Rugidos que é un león ao que lle ensinan a cazar coellos; pero... que pasará cando os dous se encontran unha tarde chuviosa? 
 
 
 
    PONLLE  A  COLA  AO  COELLO: un xogo xa coñecido no que por quendas, un membro do equipo debe poñerlle a cola ao coello seguindo as indicacións dos seus compañeiros.
 
 
 CARREIRAS  CON  GLOBOS: para superar a pobra das carreiras con globos, debían correr por parellas suxeitando o globo coas partes do corpo propostas sen usar as mans.
 
 
   Por cada proba superada, o grupo conseguía un par de pezas dun quebracabezas e sendo capaces de montalo, encontraban o reto final que os levaría ao tesouro de ovos  de Pascua.
 
En Melilla hai tres,
en Madrid ningunha
e en Castela e Galicia unha.
Que é?
 

 

 

V CERTAME DE DEBUXO - FEIRA DO VIÑO DE AMANDI (11/4/2019)

    O alcalde de Sober, Luis F. Guitián, entregou no Centro Sociocultural da localidade o premio ao debuxo gañador do V Certame de Debuxo da Feira do Viño de Sober correspondente a súa XXXIX Edición. 

 
    Os nenos participantes do noso centro, do CEIP Monte Baliño de Ferreira de Pantón e do colexio de Currelos; asistiron ao acto de entrega  no que Julia Fernández deu a coñecer o nome do ganador lendo a acta do certame  do que foron xurado Rodrigo Coucheiro, gañador do certame de carteis da XXXIX Feira do Viño de Amandi e Eva Abal, empresaria e emprendedora da localidade especializada en deseño e interiorismo.

 
  Entre os máis de 100 debuxos presentados, a gañadora foi Uxía Trail Bates que recibiu un premio valorado en 150 euros e viu convertido o seu debuxo nunha tarxeta postal prefranqueada que o Concello enviará aos Centros Galegos de Europa e América co obxectivo de conseguir unha difusión internacional.
 
 
  Estas tarxetas postais impresas por Correos estarán á disposición do público na Oficina de Turismo de Sober a un prezo de 1,5 euros.

  Concedeuse un accésit de 50 euros ao mellor debuxo de cada colexio participante: Patricia López, de Currelos; Celia María García, do Monte Baliño de Pantón e Xoán Pérez, de Sober.

 
  O resto dos participantes tamén tiveron premios: unha postal e unha mochila para colorear que recolleron os representante de cada centro.

   
   Para rematar, no seguinte enlace podedes acceder a todos os debuxos que presentaron os alumnos do noso colexio ordenados por cursos.

 
 
  Esta entrega de premios foi publicada pola prensa escrita da nosa comarca:

La Voz de Galicia, 11/04/2019
El Progreso, 11/04/2019

GALERÍA  DE   FOTOS

ENTREVISTAMOS AO ALCALDE (11/4/2019)

O alumnado de 4º de Primaria do colexio entrevista a Luis Fernández Guitián, alcalde do noso concello, para falar dun dos eventos máis importantes do Concello: a Feira do Viño de Amandi.

   Con el falaremos tamén doutras actividades e da actualidade da nosa localidade que estes días pasa polas actividades que o concello propuxo para nós no Mes de Amandi e pola declaración da Ribeira Sacra como candidata a Patrimonio Mundial da Unesco.
 
   Para saber todo o que falamos con el e as novidade que nos contou, podedes escoitar o seguinte programa.
 
Desde o colexio queremos agradecerlle ao alcalde esta entrevista
e esperamos escoitalo en novas ocacións!!

CIENCIA EN MOVEMENTO (10/4/2019)

  A través dos Contratos programa achegouse ata o cento o Museo Científico  Ciencia en Movemento  para instalarse na nosa biblioteca baixo o lema "prohibido non tocar".

 

    Un científico e a súa axudante foron os encargados de explicarnos de maneira moi amena e divertida todos os sorprendentes obxectos científicos que este museo traía nas diferentes áreas: movemento de corpos, electricidade e magnetimso, natureza, minerais, efectos ópticos, fractais, propiedade dos líquidos e dos gases, medicións, motores, enxeño, informática....
 
   Con esta actividade achegamos ao noso alumnado ás matemáticas e ás ciencias dunha maneira diferente e fascinante intentando fomentar a súa curiosidade científica: que forma fan as abellas no seu panal? cal é a proporción do corpo humano?
 
 
   Ademais os científicos facían preguntas para que os nosos alumnos formularan hipóteses e posteriormente puideran verificalas ou rectificalas facendo os pertinentes experimentos para acadar a resposta correcta e aprender que os erros poden levarnos á solución adecuada.
 
 
   Para mostra deixámosvos un vídeo no que desde ciencia en movemento nos explican un dos obxectos que máis lles chamou a atención: un paxaro equilibrista que nunca caía!!
 

CUÑA FEIRA DO VIÑO DE AMANDI (8/4/2019)

    Desde Radio ECO FM Ribeira Sacra, puxéronse en contacto con nós para darnos a posibilidade de facer no colexio a cuña que publicitará a Feira do Viño de Amandi en todas as súas emisoras: ECO FM Valdeorras, Ourense e Pontevedra.
 
    A idea foi moi motivadora para o alumnado que decidiu facelo en verso. Cada un dos nenos e nenas de 5º e 6º de Primaria preparaou unha estrofa ou pareado sobre a feira e despois, nunha posta en común, seleccionamos as rimas, pareados, tercetos... que máis nos gustaron e fixemos un poema completo.
 
XXXIX Feira do viño de Amandi
 
Se o queres pasar ben
 
ven a feira do viño de Sober!
 
 
Para o pregón
 
virá María do Ceo,
 
seguro que o fai xenial
 
vide aquí a velo!
 
 
Con moita comida
 
para encher a barriga;
 
da nosa gastronomía
 
a rosca é a raíña!
 
 
e para beber,
 
viño de Sober
 
os adegueiros nos seus stands
 
darancho a catar!
 
 
Para respectar a tradición
 
podes bebelo nun xarro de Gundivós.
 
 
Se queres bailar na festa,
 
haberá charangas e orquestras.
 
 
O concerto de María do Ceo
 
e a banda de Sober
 
para os teus oídos
 
serán un pracer!
 
 
Do único que te tes que preocupar
 
é do xenial que o vas a pasar.
 

 
Ven a feira do viño o 13 e o 14 de abril
 
asegurámoste diversión sen fin.
 
 
Esperámoste aquí!!
 
    A cuña xa está no aire e pódese escoitar a todas as horas en punto e e media, aínda que unhas veces a emiten completa e outras por estrofas.

 
Distribuir contido