Camiño do Pazo, s/n (Sober) Tfno. 982 87 08 41 e 982 87 08 42.

OS ESCORNABOTS TAMÉN SABEN DE EUROS (21/3/2017)

     Os escornabots tamén nos axudan a reforzar o coñecemento da nosa moeda.

 
     Nesta actividade traballaremos tanto cos billetes como coas moedas de euros e de céntimos.
 
     BILLETES: colocamos os billetes nun taboleiro ao azar e ímoslle pedindo aos alumnos que acaden un ou otro billete. Para facelo un pouco máis complicado, en vez de pedirlle un só billete podemos pedir cantidades que resulten da suma de varias: 70 €, 40 €...
 
     MOEDAS: facemos o mesmo pero agora coas moedas de 1 €, 2 € e as de céntimos
 
    MOEDAS  E  BILLETES: o terceiro paso, foi mezclar moedas e billetes pedindo cantidades que combinen ambos como 12,50 € ou 8 € e 30 céntimos...
 

TRABALLANDO A IGUALDADE ENTRE SEXOS (Vídeo Día da Muller - 2017)

   Unha das actividades que se levaron a cabo o 8 de marzo no centro para conmemorar esta data foi un debate - coloquio para traballar a igualdade entre sexos como base fundamental na educación dos nosos nenos e nenas: igualdade legal en dereitos e deberes, igualdade cultural e igualdade social.
 
 
 
    A partir desta reflexión e do traballo feito no colexio, convocamos ás familias para que lles fixeran fotos aos seus fillos/as facendo algo que tradicionalmente se asociaría ao sexo contrario: tarefas da casa, tarefas na horta, oficios, xogos... reforzando a idea de que todas e todos podemos facer de todo como di a letra da canción escollida:
 
"Puedes hacer, lo que quieras hacer
sin importar que seas hombre o mujer"
 
 
 
MOITAS  GRAZAS  Á  COMUNIDADE  EDUCATIVA  E  ÁS  FAMILIAS QUE  COLABORARON !!

SCRATCH JUNIOR CON ELÍAS E ROCÍO (13/03/2017)

  O alumnado de 1º e 2º comeza hoxe a súa andaina cpara coñecer fundamentos básicos de programación a través de Scratch junior.
 
    Para isto contamos coa axuda de Elías e Rocío, os papás de Antía, que son programadores informáticos e de forma completamente voluntaria e altruista veñen a adicarlles unhas sesións ao noso alumnado.
 
   Comezan explicándonos que é iso de programar e onde podo atopar programación informática no meu día a día.
   Despois achegámonos ás ordes básicas de Scratch a través duns carteis que elaboraron e que serven para programar a Elías que se nos transforma nun robot levando a cabo o que os nenos e nenas programan.
 
 
 
   E despois disto pasamos a Scratch junior nas tables onde poñemos en práctica o aprendido e moitas cousas máis subindo a dificultade inicial: bucles, escenarios, personaxes interactuando... 
 
UNHA  SESIÓN  MOI  INTERESANTE!!
MOITAS  GRAZAS!!

ARTE ESCORNABÓTICO

Seguimos traballando coa arte; esta vez cos escornabots.
O primeiro é elaborar unhas tarxetas con obras representativas de cada arte
 
 
 
 
     Repartimos as tarxetas polo taboleiro grande e a cada xogador/a asignámoslle unha arte.

    Tiramos os dados e programamos tantos movementos como puntos obtemos co obxectivo de rematar a tirada nunha imaxe correspondente a miña arte.

    Acaba o xogo cando algún dos xogadores consegue todas as súas obras de arte.
 

OS BIBLIOAXUDANTES CONTAN - Ángel e Mateo (10/03/2017)

     Comezamos esta actividade de "Os biblioaxudantes contan" con Mateo e Ángel de 5º de Primaria.

     Eles léronnos Conto ata dez do libro Do, Re, Mi Fantasía de Concha Blanco

 
Un relato moi divertido...tanto que a eles mesmos lle daba a risa cando nolo estaban contando.
 
Podedes escoitar o seu relato no seguinte vídeo
 
Moitas  grazas pola vosa participación!!

ARGALLANDO...

    Os escornabots non descansan pero os legos, os xogos de construción e o mecano levan días que tampouco...

 
 
Creatividade na máxima expresión!

DÍA DA MULLER - 8/03/2017

     Para conmemorar esta data, os nenos e nenas do centro participaron en varias actividades:

    -  Acto conmemorativo do “8 de marzo, Día Internacional da Muller” na Praza de España: o alumnado de 5º e 6º de Primaria participoun nun acto no que a Concelleira de igualdade de Monforte de Lemos, Marina Douton Rajo: procedeu á lectura dun manifesto pola igualdade. Cada un dos participantes, levaba un cartel na man con lemas a favor da igualdade.
 
 
 
- Entrega do libro "Lola de Penelas. Unha muller para o 8 de marzo": o CIM entregou varios exemplares deste libro elaborado no obradoiro do mesmo nome que se levou a cabo nos centros escolares de comarca. Neste obradoiro, o alumnado fixo un traballo de reflexión dobre a vida das mulleres artesás galegas e plasmaron en imaxes esta reflexión a través da súa vida.

 
- Debate e reflexión sobre a igualdade entre sexos: este ano no colexio quixemos traballar a igualdade entre sexos como base fundamental na educación entre nenos e nenas. Igualdade legal en dereitos e deberes, igualdade cultural e igualdade social.

    Tamén convocamos ás familias para que lles fagan fotos aos seus fillos /as facendo algo que tradicionalmentes se asocie ao sexo contrario: tarefas da casa, tarefas na horta, oficios, xogos infantís...para elaborar unha presentación e que eles sexan conscientes de que todos e todas podemos facer de todo.

 
- Visionado do conto "Lola de Penelas. Unha muller para o 8 de marzo": rematamos os actos deste día co visionado deste conto; no que a xornalista Manola Porto puxo voz ao texto ilustrado polos nenos e nenas da comarca.
 

LINGUA DE SIGNOS ESPAÑOLA (19/01/2017)

  A lingua de signos española (LSE) é a lingua xestual que utilizan principalmente os sordos españois e personas que viven ou se relacionan con eles.
 
  Hoxe achegouse ao noso centro Jessica, unha intérprete de signos, que nos ensinou un pouco desta lingua: algúns dos seus xestos e algunhas curiosidades e características.
 
 -Sabías que a Lingua de signos non é universal?
 
- E que está recoñecida como unha lingua máis de España como o castelán, o galego, o catalán ou o vasco?
 
- Por que os intérpretes de signos visten con roupa escura?
 
 
 
 
    Moitas grazas a Jessica; quen antes de marchar deixounos unha dedicatoria no libro da biblioteca e unha mensaxe en LSE:
 
 
    No seguinte enlace, podes seguir aprendendo lingua de signos mentres disfrutas do signo - conto "La ratita presumida"
 
 

FELICITACIÓN NAVIDEÑA

     Cos mellores desexos para estas festas, o Equipo de Biblioteca e toda a Comunidade Educativa do CEIP Plurilingüe Virxe do Carme; elaboramos este vídeo no uqe non podía faltar a biblioteca nin a música como unda das artes traballadas este trimestre.
   
    Con el, queremos desexarvos a todos...
  
BO NADAL E PRÓSPERO 2017!!
 
Distribuir contido