Esta semana estreamos unha nova vaixela!!

Unha vaixela doada pola ANPA do cole para tentar axilizar o servizo do comedor onde, por razóns obvias, o alumnado permanece a maior parte do tempo sen máscara. Por isto é tan importante reducir o período do xantar. 

Agradecemos esta doazón que sabemos que supón unha gran inversión económica.

 MOITAS  GRAZAS!!

    Hoxe compartimos unha nova colaboración da actividade  As familias contan.  

    Nesta ocasión  Cristina , a nai de  Leonor , veu a contarnos un par de contos na biblioteca pero para manter todas

  as medidas de seguridade e os protocolos derivados da situación sanitaria actual, tiveron que gravalos elas dúas

  soíñas e agora compartímolo para que toda a comunidade educativa poida velo.

  Despois leron un novo libro:Cincenta e as zapatillas peludas de Davide Cali. Unha reinterpretación do conto tradicional de Cincenta na que se lle da unha volta aos estereotipos tradicionais con moito humor para educar na igualdade de dereitos e oportunidades.

 

     Rematamos a semana dedicada a  Rosalía de Castro  co vídeopoema de  3º e 4º de Primaria: ¡Prá á Habana!  do libro  Follas Novas.

 O alumnado de 5º e 6º de Primaria tamén na conmemoración do  Día de Rosalía .

 Os nenos e nenas de 5º de Primaria recitan  Tecín soia a miña tea  e os de 6º recitan  Cando penso que te fuches ; ambos poemas do seu libro  Follas Novas .

   Para a celebración do Día de Rosalía de Castro nos centros de ensino a AELG (Asociación de Escritoras e Escritores en Lingua Galega) propón a creación dun vídeo curto para coñecer, reinterpretar e difundir a obra de Rosalía.

     O lema proposto para as clases de infantil foi A clase é un galiñeiro... sobre unha pequena versión que o grupo The Lelli Kellies fixo dos versos finais do poema Vente rapasa (Cantares Gallegos) de Rosalía: 

  Aquí vos deixamos a nosa versión dos nenos e nenas de Educación Infantil coas súas fermosas cristas para que pasedes un rato divertido, descarguedes adrenalina e botedes unha gran risotada!!

   A empresa soberina AN.DI.TEL Instalacións, S.C.  fixo hoxe unha doazón de 6 purificadores de aire para as dependencias do centro.

 Con estes purificadores acadaremos un aire máis puro e limpo xa que elimina o 99,95 % dos seus contaminantes.

Desde o centro agradecemos esta iniciativa da familia dunha das nosas alumnas.

MOITAS  GRAZAS  POLA  VOSA  DOAZÓN!!

 Preséntasnos a radio do teu centro?

 A proposta que recibimos da Asociación Cultural e Pedagóxica  Ponte... nas ondas!   para conmemorar o  Día Mundial da Radio  foi presentar a radio da nosa biblioteca: Como se chama? Onde está? Que fai? Que medios ten? Envíanos a túa saúda para o Día Mundial da Radio!

   E , por suposto, aceptamos participar nesta conmemoración presentando a  Radiouvín  a outras radios escolares galegas. No seguinte enlace podedes escoitar a nosa presentación feita por Diego e Germán de 3º de Primaria:

FELIZ  DÍA  MUNDIAL  DA  RADIO!!