Camiño do Pazo, s/n (Sober) Tfno. 982 87 08 41 e 982 87 08 42.

O DESCUBRIMENTO DE AMÉRICA

      Os alumnos de 5º de primaria estiveron a estudar a Idade Moderna
 
 
     Un feito importante desta época foi o descubrimento de América en 1492 por  Cristobal Colón.
 
Imaxe: vinilo decorativo Mapa Mundi Infantil
 
 
 
      Ao mesmo tempo, os alumnos de Infantil A fixeron un proxecto sobre Colón, no que aprenderon moito sobre
 
esta viaxe e o importante que foi, posto que de alí se trouxeron moitos dos alimentos que temos hoxe en día.
 
 
 
     Por iso, decidimos facer unha posta en común na que ámbolos dous cursos intercambiaron o aprendido.
 
 
 
     Para rematar, os alumnos e alumnas gravaron este conto tomando como base as imaxes do libro El huevo de
 
Colón de Violeta Monreal (Ed. Bruño) que resume aquela viaxe feita nas tres carabelas. 
 
 
 
Esperamos que vos guste!!
 
 

LETRAS GALEGAS. O TRAXE REXIONAL GALEGO (15/5/2019)

   Antonio Fraguas foi o impulsor da creación da "Asociación do traxe galego" para investigalo e difundilo. 
 
    Desde o centro quixemos poñer tamén o noso gran de area para que o alumnado coñecese de primeira man o noso traxe rexional.

   Para iso contamos coa colaboración especial de Mara, Gareth, Libertad e Yanira que lles ensinaraon aos compañeiros os seus traxes ademais de preparar un Power Paint con información sobre el.

 

    Tamén nos ensinaron uns puntos básicos para bailar, comenzando por como colocar ben os brazos.

      As ensinanzas continuaron polo corredor porque a biblioteca se nos fixo un pouco pequena...

 
 
 Mirade que bos aprendices foron!!
 
 
 
MOITAS  GRAZAS  A  MARA, GARETH, LIBERTAD  E  YANIRA
POR  ESTA  CLASE  MAXISTRAL!!

E  AS  SÚAS  FAMILIAS  POLA  SÚA  COBORACIÓN!!

 
 

LETRAS GALEGAS. CERTAME DE INVESTIGACIÓN ANTONIO FRAGUAS (15/5/2019)

   Como cada ano, desde a biblioteca convocamos un Certame de Investigación Letras Galegas sobre o autor homenaxeado no que lle propoñemos ao alumnado unha batería de preguntas sobre a súa vida e a súa obra.
 
   Dependendo do nivel ao que ían dirixidas, as repostas ás preguntas podíanse encontrar nos carteis recibidos ou ampliando información a través da investigación.
 
 
  Os alumnos participantes recibiron un premio que consistiu nuns rotuladores e lápices e os gañadores recibiron ademais unha libreta q levaba na portada un Mapa de Galicia impreso coa nosa impresora 3D partindo dun debuxo do mapa que pasamos polo programa Selva 3D.
 
 

LETRAS GALEGAS. COÑECENDO A ANTONIO FRAGUAS (15/5/2019)

    Son varias as actividades que fixemos este ano para conmemorar o Día das Letras Galegas adicado a Antonio Fraguas: programas radiofónicos, participación na II Escaleira Literaria, lecturas compartidas na Residencia Virxe do Carme, achegamento aos monumentos do noso Concello...
Imaxe RAG
 
   Pero para coñecer mellor a este autor, lemos o libro As miñas primeiras Letras Galegas. Antonio Fraguas de Os Bolechasda que se encargaron os biblioaxudantes Adrián e Pablo e na que nos enteramos de moitos contos de cobras que parece que Antonio Fraguas oíu de pequeno: cobras que rodan, cobras que hipnotizan, cobras que matan... 
 
   Ademais o libro inclúe unha pequena biografía do autor co que coñecemos moitos máis detalles da súa vida.
 
 
 

PREVENCIÓN DO TRABAQUISMO. PROGRAMA FUMATAS (15/3/2019)

   Como cada ano, Luisa Astray, educadora social e responsable de prevención da Unidade Asistencial de Prevención de Drogodependencias de Monforte de Lemos, adicou dúas sesións aos rapaces e rapazas de 5º e 6º de Primaria sobre os riscos e tipos de dependencias sendo o tema principal o tacabo: riscos, consecuencias, composición...
   
    Na primeira sesión, ademais de conversar e concienciar aos nenos e nenas sobre todos os inconvintes deste mal hábito coñecendo algunhas das substancias que se encontran nun cigarro, o alumnado levou a cabo un experimento co que puideron decatarse dos residuos que un só cigarro deixa no algodón e que son os mesmos que deixaría no noso pulmón.

   Na segunda sesión coñeceron máis detalles sobre o tabaco e fixeron unha práctica na que tiñan que rechazar una invitación a fumar dando argumentos en contra do tabaquismo.

     Para rematar firmaron un Contrato de Compromiso, no que se "comprometen" a non fumar ao chegar ao Instituto. 

Esperemos que o cumpran!!
 
  Si insisten....RESISTE!!!
   

LECTURAS COMPARTIDAS COA RESIDENCIA VIRXE DO CARME (13/5/2019)

    Como Antonio Fraguas, quixemos achegarnos á nosa cultura e á nosa tradición; por iso, o alumnado de 5º e 6º de Primaria fixo un traballo de recompilación de lendas da nosa zona e compartiunas cos anciáns da Residencia Virxe do Carme de Sober; pasando así con eles un ratiño de lecer.
 

   Pero as lecturas e coñecemento foron en ambas direccións porque tamén os residentes nos contaron historias a nós.

 

   Despois desta pequena convivencia, eles agasalláronnos cunhas pulseiras feitas nos obradoirto que realizan e nós levámoslles uns chaveiros do colexio deseñados na clase de INEIN.
 

 

 Unha experiencia diferente que esperamos repetir en vindeiras ocasións!!
 

II ESCALEIRA LITERARIA DE SOBER

    Este sábado 11 de maio, celebrouse a II Escaleira Literaria de Sober organizada por Moncha Prieto coa colaboración do Concello de Sober na que participaron alumnos do noso colexio.
 
    A escaleira comezou cunha breve achegamento á vida e obra de Antonio Fraguas a cargo de Xose manuel Fernández.
 
 
   Despois os nosos alumnos Senén, Laura G., Mara, Uxía e Aitana leron os traballos realizados sobre o medio ambiente para o certame das Letras Galegas convocado pola Biblioteca Nodal de Lugo.
 

    O acto continuou con Sara González e Neus Canadell que representaron a lenda ‘A lavandeira da noite’.

 
     A continuación houbo un recital no que varios autores compartiron as súas creación literarias: Luis Fernández Guitián, Ramón Sandoval, Mercedes Marcos, Alfonso Campos, Paco Ledo, Rosa García e Moncha Prieto
 


    Tamén estivo presente a Escola Municipal de Teatro de Sober coa posta en escena da obra de Manuel Lourenzo ‘Margot na residencia’, dirixida por Eva F. Ferreira. As actrices foron Ana Somoza e María Trigo.

 
 
    Para rematar o recital houbo unha actuación do grupo musical O Trícole que xa estivera acompañando musicalmente  os recitados dos poetas.

COÑECENDO OS NOSOS CONCELLOS. 5ª EMISIÓN (10/05/2019)

     Aquí está a nova emisión do programa Coñecendo os nosos concellos, que xa é a quinta!!
 
     Na última emisión dos alumnos do CEIP da Pobra do Brollón, contáronnos moitas cousas sobre as singularidades da viticultura da súa zona e preguntáronnos sobre os monumentos que hai en Sober.
 
     Pois ben, a raíz desta pregunta, quixemos achegarnos ao patrimonio do noso Concello para coñecer mellor o lugar onde vivimos, darlle o valor que se merece e difundilo para que non se perda e que outros tamén poidan coñecelo.
 
       Así que, en colaboración co Concello de Sober e a Oficina de Turismo, o centro organizou a saída didáctica Na procura dos tesuros de Sober para achegarnos a algúns dos monumentos máis importantes da nosa localidade a través dunha busca do tesouro na que tiñamos que estar moi atentos ás explicacións da nosa guía Mari Fé.
 

 

 Con todos os datos obtidos nesta excursión, elaboramos o guión deste programa radiofónico. Escoitade atentos!!
 

 
 Esperamos que esta emisión vos gustase tanto como a nós! Ouvímonos  na  próxima  edición na que esperamos escoitar a vosa resposta!

Ata pronto!!
 
 
 

QUE É A DENSIDADE? (9/5/2019)

    Dentro da materia de Ciencias da Natureza, o noso alumnado traballa os conceptos de masa, volume e densidade
 
    Para clarificar estes conceptos e traballalos de xeito práctico, o alumnado de 5º de Primaria na zona de argallar da nosa biblioteca; realizou unha práctica con obxectos diferentes e logo unha columna de densidades da que podedes ver o proceso e o resultado máis a explicación correspondente no seguinte vídeo.

CONVIVENCIA A GÁNDARA - MONSTRO ROSA (7/6/19)

   Cando estiveron de visita dos nenos de Infantil do CEIP A Gándara de Monforte de Lemos, deixáronnos en préstamo o libro Monstro Rosa de Olga de Dios e a mascota da súa aula que é, precisamente, este monstro rosa.
   Este libro conta a historia dun mostro rosa que vive nun mundo onde toooooodo é branco. 
 
     O noso monstro é diferente desde que era un ovo: é moi grande, redondo, rosa, positivo e alegre e, aínda que intenta adaptarse aos demais e ao mundo no que naceu, chega un momento no que decide emprender viaxe buscando un lugar no que sentirse mellor.
 
    Por sorte, acaba encontrando un lugar cheo de cores, onde todos son de formas diferentes e fará novos amigos máis parecidos a el.
 
   Hoxe fomos a devolverlles a visita, e quixemos facer un traballo con este libro que lles puideramos levar de agasallo. Comezamos facendo papel reciclado que, por suposto, tinguimos de rosa para o noso monstro.
 
   Despois os alumnos pasaron polos estudos de Radiuvín para poñer voz a esta historia e polo croma para formar parte das páxinas do conto.

 

E  ASÍ  FIXERON  ESTE  MARABILLOSO  VÍDEO
QUE  PODEDES  VER  DÁNDOLLE AO  PLAY!!

 

 

   E con estos agasallos preparados, fómonos de excursión ao seu colexio para pasar unha xornada de convivencia na que eles nos tiñan preparado un obradoio de xabón.
  Por suposto, tamén houbo tempo para xogar e como non, para compartir mesa e mantel!!
 
MOITAS  GRAZAS  POR  ACOLLERNOS  NO  VOSO  COLEXIO!!
Distribuir contido