Cada alumno/a disporá dun equipo para traballar na aula e na casa (mediante acordo de cesión). Este equipo está dotado coa maqueta Abalar/E-Dixgal que trae configurada o software libre necesario para a implementación dos contidos dixitais.
Todo o alumnado participante dispón dun Lenovo ThinkPad Yoga 11e 5Th G, que pode ser utilizado tanto en modo portátil como en modo tableta.
Os equipos son táctiles e traen integradas un amplo conxunto de aplicacións educativas agrupadas por categorías como imaxes en 3D de planetas, táboa periódica ou editor de moléculas para ciencias; dicionarios para as materias de lingua; apps de experimentos e circuitos eléctricos para física ou de operacións e gráficas para matemáticas, programación con Scratch (materia de Libre Configuración de 6º de EP)... Dende o equipo pódese acceder ao entorno virtual de aprendizaxe (EVA), tanto en modo conectado (on-line), como en modo sen conexión (a través do cliente off-line instalado no equipo).
