Benvidos

As Clases de segundo

Benvidos a noso Blog

VILA IMAXINARIA 2030

Este é o resumo do fermoso traballo da alumna de prácticas do TFM nas aulas de 1º A e B de EP dentro do PDI do centro "Descubrindo Carral: temos moito que contar." A través de diferentes microaccións crearon entre todos unha instalación artística de nome "Vila Imaxinaria 2030" que mostra a través da fotografía e da pintura o paso do tempo (presente, pasado e futuro) da vila de Carral e dos nenos e nenas. Algúns do referentes artísticos que utilizou Noemi para esta instalación foron o fotógrafo carralés Cardoña e outros como Irina Werning, Boltansky, Esther Ferrer, Manuel Sendón, Carla Andrade, Hundertwasser ou Bego M. Santiago.  Esta é outra forma de traballar a Educación Artística na aula con referentes que achegan ao alumnado á arte contemporánea. Este traballo estará exposto no Toñito Espiñeira dende o venres 26 de abril. Invitámosvos a que a visitedes! Aquí deixamos unha pequena mostra e a xustificación teórica do traballo.  

 

 

Vila imaxinaria 2030 from CEIP VICENTE OTERO on Vimeo.

COIDESE MOITO!

Este vídeopoema está enmarcado dentro da tarefa de "Poesía na Panadaría" e dentro do PDI do centro: "Descubrindo Carral, temos moito que contar!. Ten como referentes a artista francesa Sophie Calle e o artista hindú Dakú (picade nos enlaces dos seus nomes para saber máis sobre eles). Pretende ser un alegato ao respeto pola natureza da contorna e unha expresión de emocións e sentimentos que nos despertan eses animais e plantas a través do noso corpo. Así traballamos nas aulas de 1º as "Poéticas diversas" que nos propoñen dende Bibliotecas Escolares de Galicia: con abecegramas e videopoemas.

COIDESE MOITO 1º A from CEIP VICENTE OTERO on Vimeo.

 

VISITA MALIBÚ

Hoxe visitounos unha cadeliña moi especial! Foi abandoada polos seus donos e agora adícase a ser mestre e a concienciar aos nenos e nenas sobre a necesidade de coidar dos animais. Das fotos dedúcese claramente ese dito popular que di que "o can é o mellor amigo do home". Xulgade por vos mesmos. 

Visita de Malibú from CEIP VICENTE OTERO on Vimeo.

GRUPOS INTERNIVEL

Nas últimas horas dos venres, profes e alumnado de 5º, 6º e 1º intercambiámonos. Cada aula convértese nun taller diferente: COMUNICACIÓN ORAL, AUDIOVISUAIS, PRENSA, HORTO, ROBÓTICA E CIENCIA. Os grupos son rotatorios e mensuais de maneira que todo o alumnado pasará por todos os talleres. Aquí vedes un resumo deste primeiro mes: moitos experimentos; recomendacións lectoras a través de reseñas e con códigos QR; comunicación utilizando os diferentes sentidos; construción, robótica, enxenería e imaxinación; natureza, observación e agricultura e elaboración de noticias para publicar no xornal do Concello de Carral. Pretendemos crear comunidade a través de tarefas entretidas, dinámicas e didácticas que melloran a convivencia no centro e potencian a aprendizaxe entre iguais.  

25 N

Os nenos e nenas de 1º A interpretan a canción de Rozalén "La puerta violeta" en LSE no recreo, aquí vos deixamos a gravación do traballo destas últimas semanas dentro da materia de Valores Cívicos e Sociais. No CEIP Vicente Otero Valcárcel dicimos NON á violencia! 

PUERTA VIOLETA EN LSE from CEIP VICENTE OTERO on Vimeo.

25N na biblioteca from CEIP VICENTE OTERO on Vimeo.

A EDITORIAL PINGÜI CHEGA AO CONCELLO

Xa se poden consultar algúns dos exemplares dos libros feitos dentro da Editorial Pingüi na Biblioteca Municipal.

Acceso