Club de convivencia

MERCADIÑO BENÉFICO A FAVOR DE “THE GREEN BELT MOVEMENT” EN ÁFRICA

OS/AS  PEQUENOS/AS COLIBRÍS ABREN O SEU MERCADIÑO BENÉFICO A FAVOR DE “THE GREEN BELT MOVEMENT” EN ÁFRICA.

Tras alcanzar o reto de 1.000 árbores conseguidas, cos que se pretenden reforestar os Montes de Vigo, os/as pequenos/as colibrís do CEIP Valle-Inclán abren un mercadiño solidario en beneficio de “THE  GREEN BELT MOVEMENT” que loita para promover a reforestación en África.

 

O mercadiño desenvolverase durante o xoves 17 e o venres 18 desta semana e durante o luns 21 de xuño, no que se regalarán árbores a todas as persoas que se acheguen ao centro e comprométanse a coidalas.  

Así mesmo haberá unha urna na que, quen queira, poderá deixar a súa doazón que se destinará en beneficio do “Movemento Cinto Verde de África”. 

O horario de apertura neses días será de 9:10-11:30 h. e de 12:20-13:40 h. 

 

Moitas grazas pola vosa participación.

VÍDEOS DO RETO CINTO VERDE

 Tráiler do proxecto:

 Reto Cinto Verde: 


Manifesto do Día da Paz:

A historia do Colibrí: 


 Wangari e as árbores da paz:

Canción do Colibrí: 

 

#OBXECTIVO5DEXUÑO. O MUNDO QUE QUEREMOS PROXECTO CINTO VERDE

O pasado 7 de xuño conmemoramos no centro o Día Mundial do Medio Ambiente, e orgullosas e orgullosos podemos afirmar que conseguimos o noso #obxectivo5dexuño.

Temos máis de 1.000 árbores listas para doar e conseguir plantar un auténtico cinto verde en Vigo como fixo Wangari Maathai en Quenia.

 

 Moitas grazas a todas as persoas que axudaron a cumprir este soño e aos convidados e convidadas, por compartir con nós un día tan especial. Xefe territorial, inspectora, Conselleiros de Educación e Medio Ambiente, Mancomunidade de Montes de Vigo, ANPA, FOANPAS, e como non, as nosas veciñas e amigas de Viveiros e Florería Flores, e a nosa asesora Araceli.

 

 

E non podemos rematar sen recoñecer o gran traballo dos protagonistas deste reto, os pequenos e pequenas colibrís do Valle-Inclán, profes e as familias. Sen o voso esforzo e dedicación isto non sería posible.

 

Tamén queremos recoñecer a implicación de particulares que vos sumastes a esta iniciativa.

 

Xunt@s conseguiremos o MUNDO QUE QUEREMOS.

 

Moita xente pequena, en lugares pequenos, facendo cousas pequenas, poden cambiar o mundo.

 

AQUÍ TENDES UNHA SELECCIÓN DE REPORTAXES DE PRENSA E TELEVISIÓN:

 

 

#OBXECTIVO5DEXUÑO. O MUNDO QUE QUEREMOS RETO CINTO VERDE

Os nenos e nenas do CEIP Valle-Inclán traballamos para construír o mundo que queremos. Cada ano no Club de Convivencia propoñemos un reto.

Este ano temos claro que queremos traballar para que a crise do coronavirus non se volva a repetir e para elo debemos coidar o noso planeta. Por iso este ano inspirámonos na Premio Nobel da Paz Wangari Maathai e o seu cinto verde en África.

Nós queremos facer un cinto verde nos montes de Vigo, e tamén no noso cole. No patio queremos mudar unha pista de terra, que parece un deserto, por un lugar onde a fauna e flora vivan en paz. A primeira das árbores plantámola o Día Escolar da Non Violencia e a Paz.

A maiores queremos crear un viveiro, como fixo Wangari, para coidar árbores e logo doalas. Queremos colaborar coa fundación Green Belt Movement en Quenia e a Mancomunidade de Montes de Vigo. Así como con calquera outra organización que se queira sumar ao noso pequeno cinto verde.

Temos de prazo ata o 5 de xuño, Día Mundial do Medio Ambiente. Para ese día soñamos con ter 1.000 pequenas árbores. O curso pasado queríamos 1.000 grúas, porque non este curso 1.000 árbores?

 

Para iso precisamos a vosa axuda: necesitamos sementes e brotes de árbores para poder coidar ata que estean preparadas e sexa o momento de levalas aos Montes de Vigo ou onde fagan falta.

Tamén precisamos terra, fertilizantes, macetas...

Axudádesnos a conseguir o noso reto? Facédenos chegar as vosas doazóns ao cole. Estaremos encantados e encantadas de recibilas e coidalas.

8 marzo: DÍA INTERNACIONAL DA MULLER TRABALLADORA 2021

 #XERACIÓN IGUALDADE

Hoxe estamos aquí para celebrar O Día Internacional da Muller. Estamos aquí para pedir a igualdade entre homes e mulleres, para reflexionar, para festexar os avances e para loitar pola superación dos obstáculos.

Sabemos que isto só se pode conseguir coa educación. Xa dende pequenos e pequenas temos que ser conscientes da importancia que ten convivir nunha sociedade xusta. Onde os nenos e as nenas teñamos as mesmas oportunidades, independentemente do sexo de nacemento. Isto nós o temos claro, porque somos da XERACIÓN IGUALDADE.

Queremos facer como Wangari Maathai, co seu exército de mulleres sementeiras, que crían nelas mesmas e no que estaban facendo aínda que algúns homes lles dixeran que iso non era un traballo para mulleres.

As nenas e nenos deste colexio comprometémonos a traballar pola igualdade entre homes e mulleres alí onde vaiamos.

Seguiremos loitando para vivir nun mundo máis xusto onde todos teñamos as mesmas oportunidades.

Non vos esquezades que somos a XERACIÓN IGUALDADE: POLOS DEREITOS DAS MULLERES!

Seremos colibrís. Farémolo o mellor que poidamos.

 

Este curso centramos a conmemoración no tema da IGUALDADE NO TRABALLO tal e como se acordou no Club de Convivencia. 

Para elo a fixemos un experimento social e debatemos sobre as desigualdade no traballo en función do xénero.

 

Podemos afirmar orgullosas e orgullosos que os resultados amosaron que os nenos e as nenas do Valle-Inclán son unha xeración moi concienciada coa igualdade de xénero.

      

SOMOS NOTICIA DE NOVO

Este ano volvemos ser noticia co novo Proxecto Cinto Verde #obxectivo5dexuño. Queremos conseguir 1000 árbores para plantar en Vigo. Queres saber máis? Descúbreo nas seguintes novas.

 

 

 

 

 

 

  

30 xan: DÍA DA PAZ 2021 #obxectivo:5xuño Proxecto Cinto Verde

Aquí mostrámosvos como celebramos este ano o DÍA ESCOLAR DA NON VIOLENCIA E DA PAZ. Esperámos que vos apuntedes ao novo reto #obxectivo5dexuño O mundo que queremos. Proxecto Cinto Verde.

 


Se queredes saber máis sobre Wangari Maathai non vos perdades o seguinte conto ao que lle puxeron voz os rapaces e rapazas do Club de Convivencia. E tamén o noso manifesto pola Paz.
 

    

2º Premio de Boas Prácticas en Educación Inclusiva

 

 

 Hoxe  estamos de parabéns e damos as grazas ao recoñecemento que se nos outorga como comunidade educativa en prol da diversidade.

 Grazas a todxs xs que fixestres este premio posible: nenxs, familias equipo docente e PAS.

 Sigamos traballando e camiñando xuntxs porque unha educación con corazón, diversa e sen fronteiras é posible.

 

Para CONSULTAR A RESOLUCIÓN DA CONVOCATORIA fai clic sobre a imaxe.

 

DÍA DA INFANCIA 2020. SEREMOS COLIBRÍS

 

O pasado 20 de novembro, co gallo da celebración do Día da Infancia, presentamos o lema deste curso, baseados no conto de Wangari Maathai: “Eu serei un colibrí”.

 

 

Os representantes do Club de Convivencia presentaron o novo reto. Aquí o tendes.

 

Un ano máis, estamos reunidos no Día da Infancia para reflexionar sobre o mundo no que queremos vivir.

 

Aínda que sexamos pequenos podemos facer cousas moi grandes.

 

Xa o amosamos o curso pasado, onde traballando xuntos e xuntas conseguimos un reto que ao principio parecía case imposible.Agora toca propoñer un novo.

 

O 2020 será o ano do coronavirus, pero nós intentaremos que non se volva a repetir.

Sabemos que este virus está relacionado co mal que tratamos á natureza. Facemos cousas mal, o planeta enferma, e nós con el.

 

Así que para evitar máis coronavirus, e que o planeta se vaia a porra, este curso queremos traballar para coidar o medio ambiente.

 

Así, amosaremos ás persoas maiores o 5 de xuño, o Día Mundial do Medio Ambiente,O MUNDO NO QUE QUEREMOS VIVIR.

 

Seremos colibrís. Farémolo o mellor que poidamos.

 

Aceptades o reto?

 

 

O PROXECTO #obxectivo30dexaneiro RECIBE UN PREMIO ACCÉSIT

Hoxe estamos de parabéns posto que acabamos de coñecer que o proxecto #obxectivo30dexaneiro foi galardoado cunha mención honorífica (accésit) na 7ª edición dos Premios “Grandes Iniciativas” organizados pola Fundación Atresmedia e Fundación “la Caixa” coa participación da Universidade Internacional de Valencia e a Fundación Orange que recoñecen proxectos innovadores e de gran impacto no curso 2019-2020. Concretamente na categoría de Convivencia na aula.

 

Se pinchades no seguinte texto podedes ler a nota de prensa.

 

NOTA DE PRENSA

 

 

GRAZAS a todos os nenos e nenas e aos que colaborastes con nós.

É un orgullo dicir que este é un proxecto de toda a nosa comunidade educativa

Distribuir contido