TEST DE ANTÍXENO EN SALIVA
Cando a Central de Seguimento de Contactos confirme algún caso positivo de COVID-19 nunha clase de PRIMARIA, E SE CONSIDERE NECESARIO, ofreceráselles aos posibles contactos estreitos a posibilidade de realizar VOLUNTARIAMENTE, NA SÚA CASA, un test rápido de antíxeno en saliva.
terán que cumprir 3 requisitos:
• Non atoparse en situación de illamento por ser caso confirmado de COVID-19.
• Non atoparse en situación de corentena por ser contacto estreito dun caso confirmado.
• Non ter padecido COVID-19 nos 3 meses previos.
Pode consultar a información sobre a utilización do test, PREMENDO NA IMAXE. Tamén está no propio envase do test.
ORDENANZA REGULADORA DOS PREZOS E DO FUNCIONAMENTO DO SERVIZO DE COMEDOR
O Concello de Betanzos publicou a ordenanza reguladora do prezo público do servizo de comedor e mañanceiros, cos prezos actualizados e o regulamento do funcionamento deste servizos; para información das nais e pais das nenas e dos nenos usuarios deste servizo; previo a aprobación polo Pleno da Corporación para a súa aplicación.
1. Ordenanza reguladora do prezo.
RESERVA DE PRAZA NO INSTITUTO PARA O CURSO 2022-2023
Segundo a Orde do 12 de marzo de 2013 e posteriores modificacións sobre o procedemento de admisión nos centros docentes:
· O alumnado de 6º de Primariado noso colexio ten prioridade para a admisión no IES Francisco Aguiar ao que estamos adscritos.
· Se desexa continuar os seus estudos no citado instituto deberá presentar a solicitude (ANEXO I) no CEIP Francisco Vales Villamarín.
· O prazo para facer a reserva é do 11 de xaneiro ao 8 de febrero.
· O CEIP Francisco Vales Villamarín remitirá ao IES Francisco Aguiar as solicitudes de reserva de praza do alumnado que faga uso da prioridade de admisión como centro adscrito.
· O alumnado que desexe continuar os seus estudos NOUTRO CENTRO DIFERENTE ao IES Francisco Aguiar, NON TEN QUE PRESENTAR O ANEXO I e deberá presentar a súa solicitude de admisión (ANEXO II) no centro escollido entre o 1 e o 20 de marzo.
· O alumnado admitido no IES Francisco Aguiar e nos outros centros escollidos deberá formalizar a matrícula nos citados centros entre o 25 de xuño e o 10 de xullo.
REPARTO DE MÁSCARAS ENTRE O ALUMNADO DE PRIMARIA
Vai comezar o reparto de máscaras entre o alumnado de E. Primaria que ten dereito segundo a Orde do 28 de outubro de 2021, publicada no DOG do 12-11-2021.
É necesario pedir cita en Secretaría e terá que recollelas a persoa que solicitou a axuda (de material ou de máscaras) ou autorizar a outra persoa.
NADAL 2021
Enviado por paula o Mér, 22/12/2021 - 12:59Un ano máis o Nadal deixouse sentir no noso cole. Durante estas semanas fixemos un montón de actividades... Aquí vos amosamos algunhas delas....
Visitade, tamén, o BLOG DE MERO para botar unha ollada aos adornos navideños que fixeron os nenos e as nenas con material de refugallo.
PLENO INFANTIL
Durante estes días, os nenos e nenas de 6º de Educación Primaria, celebraron o Pleno Infantil. Dado que nesta ocasión non puideron visitar o Concello, a alcaldesa, María Barral, xunto co Concelleiro de Educación, Andrés Hermida, visitaron o colexio para recoller as distintas propostas que o alumnado lles trasladou.
Os nenas e as nenas, como veciños de Betanzos que son, fixéronlle chegar distintas ideas para mellorar o noso Concello e, se é posible, trasladalas ao Pleno "dos maiores". Algunhas destas propostas foron: darlle "cor" ao cole, posto que hai zonas escuras e con manchas, abrir a Ludoteca, poñer colectores á beira dos ríos, pintar murais nas paredes dalgúns edificios,... Tamén quixeron trasladar o seu agradecemento polos xogos pintados no patio, polo rocódromo que instalaron no patio cuberto e outras melloras levadas a cabo na nosa vila...
TEMPO DE NADAL...
Dende o colexio queremos agradecer á familia Encinas-Carella o agasallo que fixeron para adornar o centro neste tempo de Nadal. Esta familia, coa axuda da súa filla Amanda e a súa amiga Marta, fixeron esta bonita árbore. Moitísmas grazas!
DÍA DA CONSTITUCIÓN
Nenos e nenas de 2º E estiveron a aprender "Que é iso da Constitución?" Botádelle unha ollada aos seus traballos!!
DÍA DA DISCAPACIDADE
Nenos e nenas de Infantil e de 1º Primaria traballaron o Día da Discapacidade baseándose no PDI da bilioteca "A Terra". En infantil traballaron sobre os planetas e en 1º sobre as plantas. Aquí está o resultado...
Non deixedes de visitar a BIBLIOFEIRA do 3 de DECEMBRO no blog de Leo e Mariña!!
- « primeira
- ‹ anterior
- …
- 20
- 21
- 22
- 23
- 24
- 25
- 26
- 27
- 28
- …
- seguinte ›
- última »