Normalización

PALABRAS CON MEMORIA

 

Prezadas familias,

 

Dende o Equipo de Dinamización da Lingua Galega (EDLG) do cole poñémonos en contacto convosco para solicitar a vosa colaboración nunha actividade que xa a Asociación de Escritoras e Escritores en Lingua Galega titulou “Palabras con Memoria”. A actividade ten por obxecto recuperar palabras nosas en desuso, ou sexa, en perigo de extinción e así darlles a oportunidade de manter a súa vixencia.

 

Propoñemos que durante o presente curso escolar recuperemos aquelas palabras ou expresións que non hai moito tempo estaban nas nosas conversas cotiás, pero pouco a pouco foron perdendo o seu espazo e se viron substituídas por outras. Seguro que se facedes memoria atopades aquelas palabras ou expresións que, sen ter porque figurar actualmente nos dicionarios, si tiñan un significado moi próximo a nós, porque nolas dicían as nosas avoas e avós ou llas escoitabamos a elas... Ao longo do curso, sen ter que facer esforzo, seguro que nos veñen a memoria algunhas verbas ben fermosas.

 

Durante este segundo trimestre, dentro do noso proxecto de centro “Planeta San”, imos focalizar a atención no segundo dos erres: Reutilizar polo que dende o EDLG imos facer un mural con esas palabras que nos acheguedes e así darlles visibilidade e permitir que sexan reutilizadas.

 

Podedes enviarnos esas palabras, acompañadas do seu significado e da situación na que eran empregadas, por distintos medios:

 

  • En notas escritas a través das vosas fillas e fillos.

  • A seguinte dirección de correo electrónico EDLGSOUTODONAS@gmail.com

  • Na páxina web do cole no apartado de Normalización atoparedes un formulario para enviárnolas

 

As palabras ou expresións terán que ser en galegas.

 

A data límite para a recollida será o 29 de maio.

 

De novo moitas grazas por participar nesta actividade. Abofé que atoparedes palabras e/ou expresións tan fermosas como:

 

“Andar en carrancho”, “porfiar”, “aciacú”, “estribillar”, “deloirar”, que che trouxo teu pai da feira: un estentalá e un correverás par as pernas de atrás, un tiverás.

 

Un saúdo do EDLG

 

Acceso ó Formulario

24 de febreiro, DÍA DE ROSALÍA DE CASTRO

 

Como vén sendo cada ano, no centro estamos a  preparar algunhas actividades para celebrar  o Día de Rosalía de Castro. Deixámosvos, dende a AELG, os programas de actividades en diferentes lugares de Galicia para o día 24 (premendo nesta imaxe)

 

 

Máis abaixo,  botamos man destas estupendos LIMS para aprender sobre Rosalía.

Para os máis maiores:

 

 

LIM para os máis pequenos elaborado por "Peques no cole":

 

 

ESTAMOS NO ENTROIDO

 

 Xa entrados no Entroido, estade ben atentos ás ordes do Meco nesta semana.

Se queredes saber sobre o festa do Entroido en Galicia, premede na imaxe

 

 

O APALPADOR

 

Que sabes  do Apalpador?

Recursos da Coordinadora Galega de Equipos de NDL

 

 

Distribuir contido