CEIP Plurilingüe Souto-Donas

Xuño 2018

Chegou ó seu fin  a "viaxe" dos libros de experimentos que os alumnos de cada curso , dende 6º de Infantil a 6º de Primaria, realizaron en familia. Esta actividade, iniciada a raíz do proxecto de centro deste curso " Síntome científic@", botouse a andar no mes de xaneiro e, ó longo deste tempo, foise nutrindo dos experimentos que realizaron na casa os alumnos coas súas familias. Quizáis algún non se decatou de que a proposta se facía en lingua galega, xa que este proxecto xurdiu coma unha actividade do Equipo de Dinamización Lingüística do centro, co obxectivo de concienciar de que en lingua galega tamén podemos facer pescuda e divulgación científica  de igual xeito que en castelán ou en inglés.

Traballouse moito vocabulario en galego relacionado cos experimentos e a ciencia, ó tempo que os nenos e nenas desfrutaron da actividade nas súas casas.

Moitísimas grazas, familias, porque sen a vosa gran colaboración non se podería levar a cabo!!

E, malia que o libro rematou a súa andaina, así como tamén o curso escolar, non deixemos de "sentirnos científicos" e ... a seguir cos vosos experimentos nos longos días de verán!!

Por certo, para que lles sigades botando un ollo a todos os interesantes e magníficos traballos que realizastes, na biblioteca do centro atoparedes o libro viaxeiro de cada curso.

 Maio 2018

Como ben sabedes, este ano está adicado a María Victoria Moreno. Ó longo das últimas semanas, alumnado e profesorado do centro, viñemos desenvolvendo diversas actividades relacionadas coa homenaxeada: lecturas, gravacións de vídeos, debuxos, preparación de murais, achega de información e recursos ó profesorado dende o EDLG, unidades didácticas, xogos en liña,etc.

Na semana das Letras Galegas, celebramos esta data coas seguintes actividades:

 XOGOS COS ESCORNABOTS E MARÍA VICTORIA MORENO:

O EDLG elaborou cinco taboleiros para aprender sobre a biografía e a obra da autora:  " Como se chama?"e " Na busca dos libros perdidos", para os máis pequenos, e" Atopa as obras de Mª Victoria Moreno", "Atopa a resposta" e "Identifica os autores", para os máis maiores. Organizámonos por quendas para xogar todos,  Infantil a Primaria.

Cada taboleiro tén unha ficha explicativa da actividade nunha carpeta, así como o material necesario para desenvolver a actividade.

Previamente, os nenos puideron  coñecer a Mª Victoria Moreno  a través das actividades e xogos online publicados máis abaixo nesta páxina web do centro. 

 Abril, 2018

Xa preto o 17 de maio, Día das Letras Galegas, aquí deixamos unha man de recursos para ir mergullándonos na vida e na obra de María Victoria Moreno Márquez, profesora e escritora en galego a quen este ano se homenaxea.

Aínda que non era galega de nacemento, decidiu quedar a vivir en Pontevedra, onde daba clases no Instituto; axiña aprendeu a nosa lingua e converteuse nunha firme defensora do noso idioma.

   "Por isto penso que a situación do galego non se pode ver con indiferenza.

   Se estou coa xente que amasa o meu pan

   e mais colle no mar os peixes da miña mesa,

   tamén quero falar con eles, falar a súa fala."            

                                                                   M.Victoria M.         

    SEMINARIO GALÁN, con actividades en liña para todos os niveis  

             FICHA E OBRA, EN EDITORIAL GALAXIA      

BIOGRAFÍA NA GALIPEDIA

E, como non, non deixedes de ler estes libros que atoparedes na biblioteca

Febreiro 2018

Estes son os experimentos que chegaron ó colexio durante o mes de febreiro, no libro "Síntome científic@: experimentos viaxeiros".

Noraboa, familias, polos interesantes experimentos que estades a realizar na casa cos vosos fillos. Realmente, están a aprender moitísimo, ó tempo que disfrutan, séntense motivados e comparten descubrimentos cos compañeiros da clase. 

Grazas, familias, e... a seguir investigando!

 Febreiro 2018

Hoxe, 23 de febreiro, celebramos no centro o Día de Rosalía de Castro. Os alumnos de Primaria intercambiáronse un dobre agasallo: unha rosa e un poema de Rosalía. Os cativos de Infantil fixeron unha preciosa rosa que levaron para agasallar as súas familias.

Outubro 2017

Os días 30 e 31 as terroríficas cabazas do Samaín apoderánronse por completo do noso centro. Aquí vos amosamos a exposición de cabazas, a cal formou parte da programación de actividades que se desenvolveron no centro para celebrar esta data.

Moitísimas grazas, familias, pola vosa colaboración! 

Maio 2017

Ademais de diversas actividades realizadas na aula....

Abril 2017

Ó longo deste curso escolar vimos realizando no centro diversas actividades en relación co autor homenaxeado nas Letras Galegas.

Aquí deixamos algunhas páxinas útiles para traballar sobre este escritor. Clicade en cada unha delas para acceder ós recursos:

• CARLOS CASARES NO VAL MIÑOR  
  

   

"No Val Miñor"

Accede á ficha interactiva de Primavera das Letras, da RAG clicando

nesta imaxe.

• SEMINARIO GALÁN

Está a disposición dos centros escolares o material das Letras Galegas 2017,

para Infantil e Primaria, elaborado polos grupos de traballo de Seminario

Galán.Na páxina do Seminario poderedes atopar unidades didácticas para

cada curso,  actividades interactivas sobre Carlos Casares, en PDF, carteis da

exposición e cuestionario, díptico, marcapáxinas, biografía en PDF, fotos,

biografías en lingua de signos... 

Clica na imaxe 

Aquí tedes biografías e actividades en liña para: 

                                  EDUCACIÓN INFANTIL                        1º E 2º DE PRIMARIA  

    3º E 4º DE PRIMARIA                      5º E 6º DE PRIMARIA

• R A G

A Real Academia Galega acaba de poñer en marcha a segunda edición do

proxecto web Primavera das Letras , con recursos didácticos e lúdicos e

actividades interactivas arredor do protagonista.

Clica na imaxe

"O máxico mundo do Principiño" é unha das actividades interactivas. Carlos

Casares foi o tradutor ó galego desta famosa obra de Saint-Exupéry

Clica na imaxe

• FUNDACIÓN CARLOS CASARES

   

• GALIPEDIA