Selección de actividades

1º premio "Creando Rural"

Este é o video co que participaron os nenos de segundo no concurso "Creando Rural" e quedaron gañadores! 

Hoxe visitounos o equipo de "Creando Rural" para facer entrega do diploma co premio, acompañados polo Alcalde de Gondomar e a Concelleira de Educación. Estade atentos á prensa!!

O venres 8 iremos de excursión ao parque de multiaventura Fervenzaventura, en Silleda.

                                 

 

DÍA DA PAZ 2017.

 

Como xa sabedes tod@s o 30 de xaneiro, coincidindo co aniversario da morte de Gandhi, é O DÍA ESCOLAR DA NON VIOLENCIA E DA PAZ.

 

Este curso imos solidarizarnos cos refuxiados e refuxiadas, persoas que tiveron que fuxir das súas casas, do seu país... deixando todo atrás somentes por ser como son, por sentir como sinten, por nacer onde naceron ou por atoparse no medio dunha guerra...

 

 

 Todos reflexionamos sobre a súa realidade e de xeito simbólico lles ofrecemos algo que deixamos plasmado na POMBA DA PAZ:

 

 


POMBA PAZ - Kizoa Editar Videos - Movie Maker

Podemos achegarnos a súa realidade, comprender mellor a súa situación mirando algún destes videos:

 

                

 

 

               

 

                       

 

Ou lendo algún destes libros na Biblioteca do colexio:

 

                      

 

                                                                     

 

OBRADOIRO RADIOFÓNICO DO 1º TRIMESTRE

 

 

As alumnas e alumnos do Obradoiro Radiofónico fixeron un traballo de recollida das novas máis destacadas deste primeiro trimestre. Neste noticiario ofrécennos información da nosa contorna sobre temas tan variados como as nosas conmemoracións, as obras, un traballo de investigación sobre as nosas mascotas máis comúns, o deporte e como non a meteoroloxía.

Non tés máis que premer nos micros e escoitarás as novas. Agardamos que a información sexa do voso agrado.

 

 Participantes:

 

Pablo Lorenzo Eva Joel
Miriam Lucía Pablo Vladimir
Alba Eduardo Breixo Lucas
Dani Alan Anxo Ismael

 

 

 

 

3 DE DECEMBRO- DÍA MUNDIAL DAS PERSOAS CON DISCAPACIDADE.

 

A ASEMBLEA XERAL DA NACIÓNS UNIDAS no ano 1992 declarou o 3 de decembro dia mundial das persoas con discapacidade.

O obxectivo desta conmemoración é facer visibles diante de tod@s, ás persoas con discapacidade e promover iniciativas para:

- Eliminar as barreiras que dificultan a súa integración, tanto físicas coma psicolóxicas (prexuízos).

- Facilitarlle a integración na sociedade proporcionando servizos sanitarios, educativos, sociais ... que fagan posible o seu maior desenvolvemento.

No colexio fixemos unha actividade, o  mércores 7 de decembro onde os nenos e nenas puideron vivenciar as dificultades que as persoas con discapacidade atopan no seu día a día.

Por outra banda o CEE JUAN MARÍA de Nigrán organiza moitas actividades para esta data, entre elas a difusión dun video coa canción “LATIENDO POR TI”, a proxección da película “LA HISTORIA DE JAM”, mañá 1 de decembro ás 19 h no auditorio de Nigrán, gratuita e un acto o sábado 3 na Praza do Concello de Nigrán a partires das 17 h con música en directo.

 

Invitan a toda a comunidade e piden a nosa colaboracion enviándolle fotos ou videos dos nenos, nenas, profesorado,familias ... con globos verdes (cor da inclusión) para logo publicalos, por iso animade aos nenos e nenas a vir o día 7 con camiseta ou xersei verde e a facerse a foto individual ou en grupo con globos verdes que haberá no colexio.

 


VISITAMOS O MUSEO DE PONTEVEDRA.

O martes, 22 de novembro, o alumnado de 3º e 4º de primaria visitamos o Museo de Pontevedra. Alí tivemos que facer de detectives para dar con pinturas e esculturas seguindo unhas pistas.

 

Para ser un bo detective debiamos observar con calma e concentración as obras de arte. Tamén tiñamos información nos carteles que acompañan as obras de arte.

Cada un de nós tiña que completar un caderniño.

 

Ao rematar a visita ao museo aproveitamos a saída para dar un paseo polas rúas da cidade de Pontevedra.

 
 

AXUDAR A ESTUDAR (ALUMNADO E FAMILIAS DE 5º E 6º DE E. PRIMARIA)

NESTA PRESENTACIÓN ATOPARÁS CONSELLOS INTERESANTES, así poderás ORGANIZARTE E APROVEITAR  MELLOR O TEMPO DE ESTUDO

 

 

 

Clica na seguinte imaxe e entra nunha interesante páxina web, nela atoparás consellos e estratexias para memorizar, concentrarte mellor, ...

 

Distribuir contido