O VENRES 23 DE OUTUBRO tivemos unha sesión de contacontos no auditorio do concello para conmemorar o DÍA DAS BIBLIOTECAS que se celebra o 24 de outubro.

Os tres contos: O CONTO DE NICOLÁS, CON TANGO SOMOS TRES E A FAMILIA DOS PORCOS   versaron sobre os diferentes tipos de familias e o importante papel das nais na familia, moitas veces non recoñecido polos demáis membros da familia.

GRACIAS AO CONCELLO POLA INVITACIÓN.

Neste curso 2017/2018 na aula de infantil puxemos en marcha a actividade "AS FAMILIAS CONTAN". Foi unha actividade moi ilusionante e gratificante para os nenos e nenas que viron como se sumaron as súas familias á actividade escolar.

Dende aquí vaia o agradecemento da titoría para todos e todas vós pola vosa implicación e participación.

Aquí vos deixo unha pequena mostra fotográfica:

MOITAS GRAZAS A TODOS E TODAS POLA VOSA DISPOÑIBILIDADE E PARTICIPACIÓN. 

O 23 de abril celébrase o DÍA DO LIBRO, con tal motivo o día 24 recibimos no centro a visita do escritor, ilustrador e deseñador ANXO FARIÑA. 

Ademais de falarnos do seu traballo ensinounos moitos dos seus segredos como ilustrador, e aprendemos a facer "pelelliños":

Cartel realizado polo alumnado coa teacher Mila.
Debuxo realizado por Anxo Fariña, co que agasallou ao centro.

O 24 de febreiro celébrase o DÍA DE ROSALÍA, data do seu nacemento.

Os nenos e nenas da aula de infantil quixemos celebralo decorando uns poemas da autora, que logo deixamos na Galiña Azul, no Centro de Atención a Persoas Maiores, na Biblioteca Pública Municipal e no Restaurante O Meu Lar.

Dende aquí agradecemos o seu trato e atención. Grazas a todos e todas.

Para a súa elaboración empregamos unhas caixas a modo de libro, mirade como traballamos e que bonito nos quedou:

Ola familias.

A partir do VENRES 24 de novembro os nenos e nenas da aula de Infantil imos levar á casa a nosa mascota e o LIBRO VIAXEIRO. 

No arquivo adxunto ou premendo AQUÍ, podedes consultar a data na que irán a cada domicilio.

Saúdos.

Ola familias!

A partir do venres 17 de novembro comeza a súa andaina a MOCHILA VIAXEIRA da aula de Infantil.

Adiantamos o calendario coas datas en que a levará cada neno ou nena á casa e o día que ten que regresar á escola.

Se queredes consultar o CALENDARIO da mochila premede AQUÍ, para ver o CONTIDO da mochila preme AQUÍ ou no arquivo adxunto. 

A partir do pasado martes 21 de novembro engadimos na mochila un libro que mercou a mestra Mila e se titula: "Book for making lists of things on your mind and in your heart" (Libro para facer listas de cousas que temos na cabeza e no corazón).

Espero que vos guste e desfrutedes dela en familia!

Saúdos.

Émili

Ola de novo a todos e todas!!

Quero darvos as grazas a todos e todas os que vos ides animando a participar na actividade da Biblioteca "O MEU LIBRO FAVORITO..." e como unha imaxe, ou dúas, vale máis que mil  palabras...

De novo moitas grazas aos e ás que xa estades participando e espero que vos vaiades animando os e as demais.

Ao final aínda vos animastes bastantes:

E agora, unha vez pasado o día, imos poñer aquí unhas fotos de mostra do acto co que pechamos o DÍA DA BIBLIOTECA.

Pola tarde xuntámonos todos os cursos na Biblioteca e os compañeiros e compañeiras que trouxeron algún libro, e quixeron, foron explicándonos a todos e todas o motivo que os levou a escoller ese libro.

A verdade é que foi moi enriquecedor e os motivos diversos: porque é un libro bonito..., porque ten o meu nome..., foi o meu primeiro libro..., regaloumo..., ten moitos debuxos..., conta unha historia que me gusta moito..., regaláronmo antes de nacer eu... 

Puidemos comprobar que hai libros que só teñen letras, libros que case todo é debuxo..., libros con letra e debuxo ou foto, libros para darlle cor, libros sen letras..., e o que máis nos chamaou a atención a todos foi un libro con aromas!!

MOITÍSIMAS GRAZAS A TODOS E TODAS AS PARTICIPANTES!! Aprendemos moito de vós!!

a

Saúdos.

Émili.

Ola a todos e todas.

O vindeiro 24 de outubro celébrase o DÍA DA BIBLIOTECA. Este ano na escola gustaríanos que cada neno ou nena traia o seu LIBRO FAVORITO cunha pequena explicación, dunha extensión máxima da cariña dun folio, para logo poder poñelo en común con todos os compañeiros e compañeiras.

Os que queiran participar DEBERÁN TRAER OS LIBROS ANTES DO DÍA 24, permanecerán expostos no corredor de entrada ata o venres 27.

Moitas grazas pola vosa colaboración.

Émili.