Skip to Content

Aliméntate ben

MEMORIA GRÁFICA ALIMÉNTATE BEN

Un ano máis estivemos inmersos no proxecto alimentate ben todas as activadades realizadas atópanse no documento adxunto.

Aliméntate ben polo teu ben!

Ao longo do curso, o alumnado participou nun montón de actividades relaciondas coa alimentación e o mar vinculadas ao Plan Proxecta "Aliméntate ben" no cal estuvo inmerso o centro educativo.Aquí vos presentamos  un resumo en imaxes de todo o que traballamos, que foi moito!!!!

 

Recetario mariñeiro

Ao longo do curso escolar 2018/2019, o alumnado concienciouse da importancia dunha alimentación saudable e equilibrada. Tras isto, os nenos e nenas foron elaborando algunhas receitas con productos do mar con degustación nas aulas incluida. Que rico estaba todo!!!! A continuación, podedes botar un vistaciño e practicar estas receitas tan saudables nas vosas cociñas!


OLLO, COIDADO QUE NON SE VOS QUEIME!!

 

 

Visitamos Clesa cos nosos amigo do "Polo correo do vento"

Os nosos amigos Carlos e Quique recibironos encantados no mes de marzo e abril na fábrica de Clesa de Caldas (a única en España). Alí fomos os alumnos de Educación Infantil e 1º,2º,3º e 4º de Educación Primaria. O primeiro que nos ensinaron foi o exterior da fábrica e o seu almacén coas etiquetas que empregan para facer os iogures. A continuación, entramos no recinto onde nos contaron un conto e nos deron instrucións para facer a nosa vaquiña. E por último, degustamos uns saborosos iogures de bombón. Ummmmmmmmmmmmmm................!!!!

 



Bon Appetit!

O día 27 de marzo, os alumnos de 3º e 4º foron a  AFundación (Pontevedra) para ver unha comedia en clave de humor  protagonizada por tres chefs moi simpáticos: Antuá de la Sardiní, Philip de Toucignon e Fransuá da Berenxem que mostraron aos escolares os segredos da cociña galega, dende a inspiración da obra  na que Álvaro Cunqueiro fala da cociña galega, das materias primas que a nutren e do receitario empregado naqueles anos.

 

Ponlle as pilas ao teu bocata!

O día 26 de marzo viñeron ao cole os representantes do programa educativo "Ponlle as pilas ao teu bocata" para contarnos dun xeito lúdico todos os nutrientes que conteñen os produtos do mar. Para isto, empregaron gafas 3D coas que o alumnado puido ver en realidade aumentada o fondo dunha batea e o proceso de recollida destes produtos. A continuación, os nenos e nenas puideron facer uns riquísimos bocatas ao gusto de cada un.  Todos os ingredientes aportaron  omega 3, vitamina B12...é dicir, grande enerxía. 

 

Que ricos, ricos debían estar eses bocatas atendendo ás caras dos comensais!!!



24 de Febreiro: Día de Rosalia de Castro. "Tuneando a Rosalia".

Con motivo da conmemoración  do día de Rosalía  os nenos e nenas do Sto. André de Xeve  decidimos celebralo tuneando unha das súas fotografías. Traballamos moito nesta actividade, dende os máis cativos, que hai que ver que retratos lle fixeron, ata os maiores que tamén nos esforzamos o noso. Homenaxeámola porque  Rosalía deulle prestixio ó galego cando o usou como lingua para “Cantares Galegos”, afianzando así o rexurdimento cultural da lingua galega.

Quen lle diría a Rosalía que algún día tantos rapaces e rapazas conmemorarían o 24 de febreiro para  lembrarse dela!

 Pareceríalle incrible, verdade ? 

Pois  agora, se vos parece ben, vexamos a nosa  exposición fotográfica e que a gocedes todos.  

                                                                      

 

 

 

Aquí vos mostramos os traballos de Educación Infantil e os seleccionados de Educación Primaria.

 

O sabor da aventura está no mar!

Dentro do Proxecto "Aliméntate Ben" está o denominado "O sabor da aventura está no mar", o cal nos levou a semana pasada a realizar unha saída mariñeira. A primeira parada o itinerario foi Poio, alí coñecemos o primeiro paso guiados polas mariscadoras, e vivimos con elas un día do seu traballo na recollida de moluscos bivalvos. Despois pasamos ao punto de control onde nos ensinaron unhas máquinas que seleccionan as ameixas por tamaños (clase A,B e C) e explicáronnos  a pesada dos colleitas para non exceder a cota. Logo fomos ao porto de Campelo onde aprendemos as partes dun barco, contemplamos o traballo dos mariñeir@s en terra, tales como a reparación das redes e presenciamos a chegada dun barco de pesca con productos frescos do mar (polbos, centolas, chocos, peixes lúa). Posteriormente, na visita a lonxa, puidemos simular unha poxa empregando os mandos destinados a tal fin. Por último, na casa do pobo de Campelo ofrecerennos un menú de degustación con pratos elaborados con peixes e mariscos que nos encantaron como podedes apreciar nas imaxes. Na despedida agasalláronnos cuns contos, carteis e adhesivos do evento. Foi unha experiencia increíble.

Despois desta saída viñeron ao cole dous dos representates do programa, para reforzar os contidos xa aprendidos a través das aventuras e xogos da "Panda dos Arroaces".

 

Froita na escola de Xeve!

Dentro do proxecto "Aliméntate Ben" tivemos no cole a semana da froita, dende o día 11 ao 22 de febreiro. Cada día lectivo repartiuse entre o alumnado unha peza dos diferentes froitos propios da tempada na que nos atopamos (pera, mazá, kiwi, mandarina, banana). Aínda que os gustos individuais son moi diversos, os nenos e nenas probaron e mesmo algúns repetiron as degustacións. No mes de maio volveremos retomar esta interesante cata. Aquí vos deixamos unhas fotos dos entusiasmados "froiteir@s".

 

Coñecendo un novo oficio!

Hoxe visitounos a nai de Román (6º de Educación Infantil) para contarnos como era o seu traballo. Ensinounos distintos tipos de peixes, como limpalos e algunhas outras curiosidades. Canto cousas aprendemos contigo Carina, moitas grazas!

Distribuir contido


by Dr. Radut