Skip to Content

6º EP

UN DÍA DE VELA

Nun curso atípico rematamos cunha actividade entrañable, o profe Carlos convidounos a pasear pola ría e coñecer o deporte de vela.

Desfrutamos como nunca e aprendemos a manexar un veleiro.

Grazas profe Carlos por agasallarnos con este fin de curso tan especial!!!

Women Too! segue...

Presentamos a segunda parte: máis mulleres valiosas que fan cousas máis valiosas aínda para toda a humanidade. Buscade máis info sobre elas, investigade sobre os seus traballos. Sorprenderédesvos!

 

Women Too!

Na clase de inglés o alumnado de 6º estivo investigando sobre a vida e os logros de mulleres que case ninguén coñece, pero son importantísimas: científicas, investigadoras, loitadoras,... Mulleres que traballaron e traballan dun xeito constante, calado, "contra vento e marea". Mulleres admirables ás que todos debemos coñecer. Estas son algunhas.

 

               

             

              

               

 

 

SAÍDA A SILLEDA

O pasado 15 de maio, o alumnado de 6º de E. Primaria realizamos unha saída ata Silleda para participar, xunto con outros coles, nuns xogos tradicionais. Xogamos aos bolos celtas, á billarda e á chave e quedamos en moi boa posición, na chave participamos na final. Desfrutamos moito e pasamos unha xornada moi agradable.

Aquí vos deixamos unhas instantáneas dese día.



Cristina Fernández, fareira de Vilán.

Para rematar co proxecto dos faros que traballamos durante o curso, na clase de inglés de 6º investigamos sobre a fareira de Cabo Vilán, Cristina Fernández.

Foi unha das primeiras mulleres que traballaron nun faro en España e unha das últimas que todavía traballa e segue vivindo nel. Se facedes a Ruta dos Faros podedes ver o faro (uns dos máis espectaculares de Galicia!) e falar con Cristina que vos pode contar anécdotas super interesantes.

 

 

I’M JANE...YOU TARZAN.

Teatro en inglés para 5º e 6º! Pasámolo xenial coas aventuras de Tarzán e Jane para liberar a Cheetah dos seus malvados secuestradores. E aínda resultou moito mellor porque os nosos compañeiros Adrián López e Angélica subiron ao escenario como improvisados actores por un día! Que ben o fixeron! Un aplauso!!

          

      

 

Un día con Brincabois!

O xoves 22 de novembro os alumn@s de 6º de EP realizamos unha saída ao monte próximo ao noso colexio para recoller diferentes especies de setas e cogomelos, coa importante axuda de Jaime (representante da asociación Brincabois) que nos foi orientando e informando das distintas especies que iamos recollendo polo camiño. Gozamos moito do día e recollemos moitas cestas de diferentes variedades que despois quedaron expostas na entrada interior do colexio para que todos as puideran  observar e apreciar. Para recordar esta actividade temos unhas fotiñas que ilustran marabillosamente esta lúdica xornada micolóxica. 

 

Distribuir contido


by Dr. Radut