Skip to Content

5º EP

DESPEDIDA 5ºA

Este ano tiven a sorte de compartir unha chea de experiencias e emocións con 16 personiñas que son moi grandes. Grazas por todos eses bos momentos.

A dalo todo en 6º !!

Bo verán!!

Aquí tendes o vídeo de despedida. Biquiños


COREOGRAFÍAS E TALENTS SHOWS

Ademais de todo o traballado durante o curso relacionado co deporte citar que tamén nas conmemoracións e festivais se apostou por introducir actividades físicas e lúdico deportivas empregando como recurso o baile e traballando o movemento do corpo e a coordinación co resto dos compañeiros e compañeiras (bailes de entroido, de festival de letras galegas e fin de curso).

Aquí vos deixamos algúns exemplos da nosa última festividade.

 
 

RECOMENDACIÓNS LECTORAS XEVE CLUB 5ºA

Os nenos e nenas de 5ºA fixemos de BookTubers e recomendámoslles a todos os compañeiros do colexio os libros do autor Pedro Mañas, autor que foi todo un descubrimento para nós.

Ademais aconsellamos ler outras coleccións interesantes que podedes atopar na biblioteca do cole.

Aqui tendes o vídeo!



FINAL DE ATLETISMO

O día 28 de maio, os nenos de 5ºA competimos con outros coles de primaria na final de atletismo en pista no Centro Galego de Tecnificación Deportiva, nas modalidades  de: lanzamento de peso, lanzamento de vórtex, salto de lonxitude, 60 m lisos, 500m lisos e relevos 4x60m lisos.

Disfrutamos moito desta experiencia.

Aquí deixámosvos algunhas fotiños


CLUB DE CIENCIA. PARTE II

Continuando co noso club de ciencia, ao longo do 2º trimestre, os alumnos/as de 5º aproveitando os contidos curriculares decidimos facer experiencias prácticas sobre estes:

  • Creamos o noso Xardín botánico.

 

  • Construimos os nosos robots debuxantes traballando circuitos. 

 

  • Experimentamos con diferentes mesturas:

            Cores primarias e o sal

        Leite, colorante e fairi para experimentar a tensión superficial

 
       Skittles e auga quente, creando un fermoso arco da vella.
 
 
 A auga, a glicerina e o deterxente creando fermosas pompas de xabón. 
 
Que ben o pasamos!!!

Visita de Miguel!!

Antes das vacacións de Semana Santa, tivemos a grata visita do noso compañeiro Miguel que agora disque que anda por Terras Suizas.

Puidemos desfrutar das súas historias, vivenzas e coñecer algunha palabriña en alemán.

Ata a próxima Miguel!!!

Vivenciando aprendizaxes

Seguimos traballando os contidos curriculares a través de tarefas e retos divertidos.

En Mates:

  • Carreiras de avións de papel, no que empregamos como instrumento de medida o metro, calculando así a traxectoria de cada avión.

  • Mural, Canto mides?

  • Operacións explosivas para reforzar o cálculo.

  • Versión do precio xusto da televisión para que aprendan a estimar prezos e calcular a diferenza.

En lengua:

  • Discriminación das distintas categorías gramaticais a través da ficha máquina de chicles.

  • Traballo das partes dun xornal nos equipos cooperativos (Portada, contraportada, seccións, tipos de xornais..) e transformación das historias dos contos clásicos en noticias.

 

O Salón do Libro

Durante o 2º trimestre pescudamos información sobre a temática "do mar". O noso traballo para o salón do libro consistiu en: 

Por un lado, nun libriño de bandeiras náuticas, no que xogamos co código morse e o de bandeiras.

E por outra banda, traballamos a evolucion do comercio  pasando polo comercio trasatlántico vinculando así este traballo co proxecto eduemprende e o porxecto do centro "o Mar".

Deixámosvos unha mostra deles: 

 

RESULTADOS DAS PROBAS DE ATLETISMO NO CGTD

O día 4 de abril, os nenos e nenas de 5º acudiron ó Centro Galego de Tecnificación Deportiva (CGTD) onde tamén asistiron outros colexios da provincia de Pontevedra para competir en diferentes probas de atletismo. 

Aínda que o importate foi a participación e o ben que o pasaron, temos que felicitar ós rapaces e rapazas de 5º polo ben que o fixeron.

PARABÉNS POR ESE 1º E 3º POSTO NA CLASIFICACIÓN FINAL!!!

CLUB CIENTÍFICO

Neste segundo trimestre, os nenos/as de 5º puxémonos mans a obra e comezamos a experimentar, converténdonos en auténticos científicos e científicas.

Para ir abrindo boca deixámosvos algúns vídeos titoriais e fotos dos experimentos realizados...Esperemos que vos gusten!!

Continuaremos experimentando...xa que nos encanta.

 

 
 
 
 
 
 
 
 
 
 
Distribuir contido


by Dr. Radut