Skip to Content

Rematamos o curso

O noso patio.

Este ano estivemos a dinamizar o noso patio, para iso debuxamos no chan diferentes xogos.

Desde aquí queremos agradecer o traballo da ANPA e das nais que viñeron a axudar.

 

"Introdución á robótica educativa en educación primaria"

Este ano participamos no programa de innovación educativa promovido pola Consellería: "Introdución á robótica educativa en educación primaria" dirixido ao alumnado de 5º e 6º. O primeiro que fixeron os nenos e nenas foi montar o kit de robótica. 

Rebumbio matemático.

O vindeiro día 26 algúns nenos e nenas de 6º do noso centro participarán no XIX Rebumbio Matemático que terá lugar no IES de de Mugardos.

MOITA SORTE CHICOS/AS!

 

I LUDIS MUGARDENSIS

O pasado xoves día 11, acudimos ás primeiras olimpiadas escolares organizadas polo Concello de Mugardos no Centro de Interpretación de Caldoval. Alí os nenos e nenas de 5º e 6º practicaron xogos e deportes típicos da antiga Roma. Foi unha mañá moi divertida!

Edusolidaridade á mugardesa

Deixámosvos por aquí máis información sobre este proxecto de solidaridade

 

EXPLICACIÓN DO PROXECTO

 A ONG elixida foi: UNICEF

Formulario votación ONG

O curso pasado estreouse  "Edusolidariedade á mugardesa I", o proxecto de solidariedade e convivencia da rapazada, profesorado e familias dos centros educativos de Mugardos.

Grazas á colaboración dos centros educativos, do Concello e das empresas foi posible organizar un evento no que se conseguiron case 1600 euros que foron destinados a "Nico contra o cancro infantil". 

Nós non puidemos participar, porén este ano xa estamos cos preparativos para a segunda edición...

Os cartos recaudados irán para a ONG escollida por maioría polos catro centros participantes:

  • IES Mugardos
  • CEIP Santiago Apóstolo
  • CEIP Unión Mugardesa   
  • CPR Loyola

Para a elección os nosos nenos e nenas votarán a través da seguinte enquisa que elaboraron desde o IES de Mugardos: 

https://docs.google.com/forms/d/e/1FAIpQLSekrDT19hQEf73oYbSTq3UnOHr5frLd

Informarémosvos da que resulte elixida!

MATRÍCULA

PERÍODO DE MATRÍCULA DO 1 AO 20 DE MARZO. 

MATRÍCULA

PROCEDEMENTO ADMISIÓN DE ALUMNADO E MATRÍCULA 2019-2020

 

CALENDARIO DE ACTUACIÓNS:

Regulado por: 

 

  • Decreto 254/2012 do 13 de decembro polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei Orgánica so 2/2006, do 3 de maio de educación. 

  • ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

  • Corrección de erros. ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
  • Orde do 25 de xaneiro de 2017 pola que se modifica a O. do 13 de marzo de 2013. 

 

 1- 15DE FEBREIRO

RESERVA DE PRAZA NO CENTRO DE ORIXE (CENTROS ADSCRITOS: Escola Infantil de O Seixo: Centro adscrito ao noso// CEIP. Santiago Apóstolo: Centro adscrito ao IES de Mugardos).

O alumnado matriculado ten garantida a praza de permanencia. De presentar solicitude noutro Centro deberá comunícalo ao mesmo tempo ao Centro de orixe.

 
 ÚLTIMA SEMANA DE FEBREIRO

SORTEO PÚBLICO A EFECTOS DE DESEMPATE (feito pola Consellería)
 ANTES DO 1 DE MARZO

 PUBLICACIÓN DAS VACANTES DISPONIBLES NO CENTRO
 1 AO 20 DE MARZO

 

PRESENTACIÓN DE SOLICITUDES DE ADMISIÓN (asinada polos titores que teñan a patria potestade) 

Poden cubrir o formulario de admisión na páxina https: //www.edu.xunta.es/admisionalumnado/a través do menú Solicitudes - Admisión - Crear solicitude de admisión.

Feito iso poden optar por:

Imprimir dito formulario e achegalo ao centro educativo que escollan para o seu fillo ou filla en primeiro lugar.

Se dispoñen de certificado dixital, presentalo en Sede Electrónica a través da aplicación.

Tamén poden cubrir o formulario ED550A proporcionado polo Centro escolar

 

 

 23 DE MARZO AO 13 DE ABRIL

PRESENTACIÓN DE DOCUMENTACIÓN PARA A APLICACIÓN DO BAREMO NO CASO DE MAIOR DEMANDA QUE OFERTA DE PRAZAS

 ANTES DO 25 DE ABRIL.

 PUBLICACIÓN PROVISIONAL DE ADMITIDOS PRAZO DE 5 DIAS PARA RECLAMACIONS. Prazo de 5 días para a resolución das reclamación.

 ANTES DO 15 DE MAIO

PUBLICACIÓN DAS LISTAXES DEFINITIVAS

0-30 DE XUÑO

FORMALIZACIÓN DE MATRÍCULA

 

NOTA INFORMATIVA:

 

Cada alumna e alumno só pode presentar unha única solicitude no centro no que solicite praza en primeiro lugar, a infracción desta norma determinará a perda dos dereitos de prioridade que poidan corresponderlle. 

O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.

Día da Paz

O pasado día 30 de xaneiro celebamos o Día da Paz. Este ano fixémolo dun xeito moi especial, seguindo a Rivane Neuenschwander creamos a nosa propia instalación artística baseada na súa obra: Eu Desejo ou Seu Desejo” . Para iso, cada neno e cada nena pensou palabras relacionadas con esta conmemoración que plasmamos nunhas pulseiras, estas colgámolas no hall do colexio. Que tiñamos que facer despois para collelas? Pois deixar unha mensaxe positiva e de paz.  Ollade que bonito quedou!

Distribuir contido


by Dr. Radut