6º Primaria

O alumnado de 5º e 6º de Ed. Primaria asistiu a unha charla o día 8 de marzo na que  se tratou un tema que suscitou controversia este curso entre estes alumnos e alumnas: As mulleres e o fútbol.

A capitana do R.C.Deportivo feminino, Miriam Rios, explicoulle como,  pouco a pouco, se van abrindo camiños para as mulleres neste ámbito tan restrinxido.

Miriam Ríos Barreiro é a capitá do Deportivo da Coruña. Unha futbolista que viviu todas as caras do fútbol. De pelexar case toda a súa carreira pola permanencia para ser un dos alicerces dun proxecto ambicioso que busca o ascenso á 1ª división. Leva case unha década ao máximo nivel, mesmo para superar unha lesión de xeonllo que puxo en perigo a súa carreira deportiva e levouna a reconverterse de dianteira a central. “Chorei moito as dúas tempadas que estiven sen poder xogar, pero ao final a ilusión e o amor por este deporte pódeno todo”, conta a Dixital  Football  Community.

Hoxe día da muller traballadora, fíxonos un oco na súa apertada axenda e regalounos a súa sabedoría e entusiasmo. Falándonos desde a súa experiencia sobre un mundo no que todavía non se alcanzou a igualdade entre homes e mulleres. Pero como ela dixo: "é responsabilidade das seguintes xeracións conseguila".

5º A  participou no Día de Rosalía, celebrado no noso centro o venres, 22 de febreiro; recitamos poemas de Rosalía en 6º A de Ed. Infantil e tamén deixamos pequenos anacos da súa arte na cristaleira exterior do centro para compartir este día con quen quixera recollelos.

O alumnado de 5º e 6º de Educación Primaria acudimos ao Palacio da Ópera para presenciar o concerto "La fábrica de sueños". É un concerto que ofrece a Orquesta Sinfónica de Galicia cunha presentación de bandas sonoras de diferentes películas, vai acompañado de material audiovisual e dun contacontos. A experiencia é grandiosa e moi adaptada ao público asistente.