Animación á lectura

DÍA DAS LETRAS GALEGAS 2019: ANTÓN FRAGUAS

Para homenaxear a Antón Fraguas, as nenas e nenos de educación infantil recitaron o "Cancioneiro de Cotobade" a ritmo de rap.

Agardamos vos guste!!!

 

PREMIOS CERTAME POESÍA

Tras celebrar en marzo o Día Mundial da Poesía, puxemos en marcha un concurso de poesía para todos os niveis de primaria. No festival das Letras Galegas entregamos os premios, un por cada nivel e unha mención especial á mellor poesía en galego.

Os/as gañadores/as son:

Aroa de 1º primaria, Miriam de 2º, Daniela de 3º, Lucía de 4º, Marcos de 5º e Critina de 6º. A mención especial foi para Noa de 5º.

 

    

   

 

 

NORABOA ÁS GAÑADOR@S!!!

DÍA MUNDIAL DA POESÍA

Hoxe, 21 de marzo, celébrase o día da Poesía. Das árbores do patio brotaron palabras coas que vos invitamos a crear poesías, que mañá recolleremos para decorar o recuncho da biblio.

Se a creatividade se apodera de vós, non a deixedes escapar e aproveitade para prepararvos para o concurso de poesía que comezará axiña!!

 

DÍA DE ROSALÍA

 

O 24 de Febreiro celébrase o día de Rosalía de Castro, por ser a súa data de nacemento. Como este ano cadrou en domingo, celebrámolo o venres 22.

Os equipos de EDLG  e biblioteca organizaron as seguintes actividades:

 

O alumnado dos cursos superiores de primaria recitáronlle poemas de Rosalía aos cursos inferiores e a infantil.

    

 

 

Tamén escribiron os versos de Rosalía  e pegáronnos nas cristaleiras das entradas para regalar ás familias.

 

 

 

 Os/as alumnos/as de infantil elaboraron un marcapáxinas.

 

 

 

ü

Os/as alumnos/as de 6º de primaria fixeron un pequeno estudo sobre a vida e obra da escritora e representárono en forma de entrevista.

 

 

 

 

DÍA EUROPEO DAS LINGUAS

Cada 26 de setembro, dende o ano 2001, celébrase o Día Europeo das Linguas, por iniciativa do Consello de Europa. O obxectivo desta celebración é  promover  a riqueza da diversidade lingüística e cultural de Europa e a aprendizaxe de linguas tanto dentro como fóra dos centros educativos.

 

O CEIP Plurilingüe San Pedro de Visma sumouse á súa celebración elaborando un mural, no que colaboraron todos os grupos. O alumnado de infantil e cursos inferiores de primaria debuxaron nenos e nenas. Os cursos superiores pintaron o mural e buscaron a palabra <OLA> en moitas linguas europeas ás que acompañaron coa súa bandeira. 

 

 

MASCOTA BIBLIOTECA

Comezamos o curso buscando unha mascota para a nosa biblio. Para elixir o gañador, valoramos tanto  a orixinalidade da mascota como a historia da mesma, ligada ao mundo dos contos. 

A gañadora foi TECA, feita polos irmáns Alex e Antía Pita. O segundo premio foi para "A señora piña", de Irene, Inés e Marta. E o terceiro premio foi para LIRO, de Paula Docampo.

 

Noraboa a tod@s os/as participantes e moitas grazas polo voso esforzo e colaboración!!! 

 

1º premio

 

  

2º premio

 

 

3º premio

 

 

APADRINAMENTO LECTOR

OS ALUMNOS E ALUMNAS DE 4 DE E.S.O DO IES "RAFAEL DIESTE" VISITARON O NOSO CENTRO E FIXERON UNHA ACTIVIDADE DE APADRINAMENTO LECTOR COS ALUMNOS DE 3 ANOS.

 

DÍA DO LIBRO

Hoxe, 23 de abril, é o Día do Libro e, por iso, a biblioteca do colexio preparou unha fantástica iniciativa. Botádelle unha ollada no seu blog: Ollos e mans que len.


FINA CASALDERREY

A MULTIFACÉTICA FINA CASALDERREY (MESTRA,ESCRITORA,CONFERENCIANTE,ETNÓGRAFA...) VISITOU O NOSO COLEXIO O PASADO 12 DE ABRIL.

SE QUEREDES COÑECER ALGO MÁIS DE ESTA AUTORA PREMEDE NA FOTO.

 

VISITANOS O AUTOR SILVESTRE GÓMEZ

O AUTOR DE LIBROS COMA "TI NON XOGAS" CONVERSOU COS NENOS E NENAS DE 3º CICLO.

 
   

PARA MÁIS INFORMACIÓN VISITADE O BLOG DA BIBLIOTECA.

Powered by Drupal - Design by artinet