Aquí tendes o manual de Navio para coñecer de maneira máis detalada o seu funcionamento.

O pasado día 10 de Outubro os alumnos de 6º curso fomos de excursión.

Foi unha aventura diferente, algo que non tiñamos feito nunca. Fomos a un centro de Inmersión Lingüística en Peares. 

Lembraredes que o curso pasado estivemos traballando a Picasso, era un proxecto necesario porque era o ano coruñés do artista e había que sumarse á celebración.

Este curso tamén temos un camiño por diante. Os equipos de linguas, xuntamente co equipo de biblioteca e o de actividades extraescolares imos tratar de afondar un pouquichiño nas nosas raíces castrexas. Trataremos de indagar sobre a nosa orixe celta e o que nos une e nos diferenza doutros pobos de orixe celta espallados por Europa. 

É un longo camiño o que temos por diante pero habemos ir pouquiño a pouco. De momento empezamos con Carina e con ela partimos da Torre de Hércules hacia Irlanda acompañados de Ith, un dos fillos de Breogán.

Alá imos!!!

Benvidos de novo á nosa páxina e a este novo curso que comenza cargado, coma sempre , de novas ilusións e novos proxectos . 

Para empezar queremos presentarvos a Germain Calix, o noso novo auxiliar de conversa. Chegou ao colexio o día 1 de Outubro e quedarase connosco ata o 31 de Maio.

Ven de Houston, Texas e contounos moitas cousas interesantes que nos pareceron "alucinantes" . Falounos dos rodeos e dos cowboys pero tamén nos deixou abraiados falándonos da NASA  e das visitas que alí fixo co colexio cando era coma nós. 

Temos moita curiosidade e imos aprender moito con el.