Agra de San Marcos s/n. 15318 Abegondo - A Coruña. Teléfono: 881 880 201. Fax: 881 880 207. Correo electrónico: ceip.san.marcos@edu.xunta.es
Act. extraescolares
ENTROIDO 2016
E chegou o Entroido!!!
Este curso todos nos disfrazamos seguindo a temática do proxecto que temos para este curso , RAÍCES CELTAS.
Os nenos e nenas de Infantil representaban varias comunidades celtas de distintas parroquias.
Os de primeiro ían disfrazados de lumes fatuos.
Os de segundo eran os castrexos de Baroña e de Santa Tegra, que viñeron visitar aos abegondeses.
Os de terceiro e cuarto representaban os clans
escoceses e irlandeses. Viñan coa cara pintada
e ata representaron unha batalla!!!
Os de quinto vestíronse de druidas, bruxos , meigas.. e demáis persoeiros encargados de sanar e axudar aos habitantes dos castros.
E os de sexto representaron aos deuses e deusas da natureza que tanto coidaban e veneraban os nosos antergos
Non deixedes de visitar a Galería para ver a chea de fotos que temos!!!!
VISITA A PRESEDO
O pasado xoves día 4 fomos a Presedo a visitar o mesón Museo Xente no Camiño. Alfredo Erias foi un gran anfitrión e adicounos toda a mañá. Contounos como os galegos fomos sempre xente de mundo, que fixemos grandes cousas, e que temos que seguir a facelas para non defraudar aos nosos antergos. Grazas Alfredo |
|
Día da PAZ 2016
O 29 de Xaneiro celebramos o día da paz.
Este ano o noso lema era "amiguiños todos" , así que fixemos bonecos de papel representando a poboadores de todos os rincóns do planeta.
Agora están pegados no noso mural e polos corredores , portas e ventás, todos xuntos, dándose a man os uns aos outros. Sen importar a cor, o país, a relixión... AMIGUIÑOS TODOS.
Tamén fixemos unhas árbores decoradas con flores de cores e pombas brancas coas que quixemos transmitir e expresar os nosos desexos de paz para o mundo.
NADAL 2015
E chegado o 18 de Decembro toca celebrar o Nadal
Este ano contamos cunha colaboración moi , pero que moi especial, nada máis e nada menos que Rosa Cedrón que acompañou a Educación Infantil cantando unha fermosa panxolina. Grazas de novo
Os demais tamén aportamos o noso graíño de area. Houbo panxoliñas, houbo bailes, houbo teatro mudo e teatro convencional... Foi moi divertido á vez que entrañable.
E como non podía ser doutro xeito tamén contamos coa visita do carteiro real que coa súa infinita paciencia escoitou os desexos dos nosos pequenos e pequenas.
|
Samaín // Halloween 2015
Cada ano temos máis nivel na decoración de cabazas. Menos mal que non facemos concurso, sería imposible decidir cal podería ser a gañadora !! No San Marcos gañamos todos, non hai outra..
Este ano, de novo, Samaín e Halloween no colexio. Que medo!!!
Xa sabedes que, como sempre, tedes máis fotos na Galería
MAGOSTO . Setembro 2015
Aló polo mes de Setembro , como todos os anos, e por xentileza do Sr. Claudino, que nunca se esquece de nós, fomos ao Souto a coller castañas.
Foi unha mañá moi agradable. Quentaba o soliño e non vos facedes unha idea da cantidade de castañas que alí había, e qué boas eran!!!
Tamén tivemos unha xornada especial para comelas, por suposto, polo que debemos dar as grazas ao noso querido Luis que sempre ten tan boa man no asado e pola tardiña, xogos especiais, para facer a homenaxe completa a este froito que tanto nos gusta
- 1
- 2
- 3
- seguinte ›
- última »