Novas

Libros para soñar

Sara e Alex viñeron a visitarnos ao noso Colexio desde o lugar onde se fabrican os libros para soñar.

Álex é músico e anda cunha chea de instrumentos. É capaz de inventar ou de atopar as melodías que mellor lle acaen ás palabras que saen dos contos. O seu instrumento favorito ten un fol moi grande que estira e encolle, encolle e estira. Sabedes cal é?  A ver quen o adiviña! 

A Sara encántalle ler, por iso coñece moitos contos. Algúns lévaos na maleta para poder compartilos con vós. É o que máis lle gusta! 

Estivemos moi atentos e gozamos xuntos dunha mañá fantástica na que espertaron a nosa imaxinación. 

Clica na imaxe para ver as fotos.

 

Magosto, Samaín e Halloween

Clica na imaxe para ves as fotos da festa do Magosto, Samaín e Halloween

 

 

Nace un novo blogue: O tarabelo

O tarabelo é o blogue do Equipo de Dinamización da Lingua Galega.

Clicade no seu enlace e seguide as súas novas: 

O tarabelo

 

Actividade intercentros: O libro viaxeiro de Illa Fantasía.

Os nenos e nenas do noso cole particpamos na elaboración do libro viaxeiro de Illa Fantasía. Tamén participan a Escola de Canoedo, o CEIP Pedro Barrié de la Maza, o CEIP O Mosteirón, o CEIP Sofía Casanpova de Culleredo e o CEIP Vales Villamarín de Betanzos.

Clica na imaxe para a ver as páxinas que fixo o noso colexio

Celebramos o Día das Letras Galegas

Fixemos murais dedicados a Carlos Casares e á Galiña Azul, expuxemos os carteis que nos contan a súa biografía, participamos no programa de Convivencia coas pulseras solidarias da bandeira galega e cantamos todos xuntos o Rap de Carlos Casares.

Pica na imaxe para ver as fotos.

 

O rap de Carlos Casares

Día do Libro: A curuxa Catuxa visita o noso cole

A mascota da biblioteca Suárez Picallo visitou o noso colexio animando a todos a visitar a biblioteca municipal polo Día do Libro.

Para ver as fotos da visita pica na imaxe.

 

Festa do Entroido

Este ano celebramos o Entroido pequeno en Illa Fantasía cun grande baile que  todos os anos se organiza no Castelo do Gobernador.

Damas e cabaleiros, trasnos e fadas, piratas, sereas,quenllas, cabaliños de mar, mouchos e curuxas, magos… todos estaban invitados….todos agás as bruxas…que sempre tentan “fastidiar” a festa…mais iso é outra historia…..

Agradecemos a colaboración de Carlos Fernández que nos fixo un magnífico vídeo do Festival.

Picade na imaxe se queredes ver as fotografías.

A mestra Tomasa lendo e viaxando polo mundo

A Deputación Provincial da Coruña, en colaboración coa Concellería de Educación do Concello de Sada, leva a cabo a campaña "Coa lingua fóra" para a promoción e fomento da Lingua Galega. Dentro desta campaña os alumnos de 1º, 2º e 3º cursos de Primaria asistiron á representación da compañía teatral Duende Sico "A mestra Tomasa lendo e viaxando polo mundo".

"O primeiro día de clase, a mestra dona Tomasa díxolles aos seus alumnos que ela sempre trataba a todos por igual, que non tiña preferencias nin tampouco maltrataba nin desprezaba a ninguén. Axiña comprendeu o difícil que lle ía a resultar cumprir as súas palabras. Tivera alumnos difíciles, pero ninguén como Pedrito. 

Chegaba ao colexio sucio, non facía as tarefas, pasaba todo o tempo molestando ou dormitando, era unha verdadeira dor de cabeza.  Un día non aguantou xa máis e dirixiuse á dirección..."

Clique na imaxe para ver as fotos da actividade.

 

Día de Rosalía

O 24 de febreiro celebramos o Día de Rosalía. Este ano, por iniciativa do Equipo de Dinamización da Lingua Galega, todos o nenos e nenas do colexio fixemos un vídeo cun poema da cantante Uxía: "Rosalía pequeniña".

Esperamos que vos guste e que vos anime a falar na nosa lingua igual que fixo Rosalía.

A Real Academia Galega tamén rendeu a súa homenaxe a Rosalía.

 

Distribuir contido