Actividades

O alumnado de 6º manda unha mensaxe moi clara a todas as mulleres: "Non estás soa!" e as animan a chegar onde queiran.

O 11 de Febreiro conmemórase o Día Internacional da Muller e a Nena na Ciencia.

Este curso fixemos un mural no que destacamos o papel dalgunhas das mulleres máis relevantes en distintos campos da ciencia: Química, Física, Bioquímica, Medicina...  Tamén destacamos algunhas das mulleres máis representativas do noso país, e como non, algunhas das mulleres galegas que xa están facendo historia no campo da Ciencia.

A Área de Igualdade-CIM do Concello de Vilagarcía convoca cada ano os Premios para a igualdade: boas prácticas na escola.

O curso 19-20, grazas ao proxecto MULLERES DE PELÍCULA, fomos merecedores deste galardon, e aínda que xa é o quinto que recibimos, alegrámonos tanto coma co primeiro.

Os premios non son o motor do noso centro pero si son un indicador de que imos por bo camiño.

A igualdade é un dos alicerces da nosa escola. Traballamos en prol da igualdade de oportunidades e facemos moitas actividades para visualizar o papel da muller, que en moitas ocasións quedou solapado por figuras masculinas. Nesta ocasión profundizamos no papel da muller no mundo do cine, os estereotipos sexistas e as mulleres destacadas en moitos máis campos que na interpretación que, a priori, parece ao que están relegadas.

Traballamos para que as nosas nenas se decaten de que unha muller pode facer o que queira, ao igual que un home, e  que loiten polo que elas queiran e tamén para que os nenos as respecten e sexan conscientes das dificultades que teñen para conseguir as mesmas cousas.

Cada ano conmemoramos o 8 de marzo, Día Internacional da Muller, cunha charla con algunha muller relacionada co noso proxecto anual.

Este ano dedicado ao cine, non era doado atopar unha muller relevante que viñese ao cole. Por sorte, Isabel Blanco, actriz e produtora aceptou a nosa invitación aínda sendo a véspera da gala dos Mestre Mateo, os Óscars galegos, dos que foi gañadora por partida dobre en pasadas edicións.

Isabel non só falou da sua traxectoria no mundo do cine e da televisión se non que tamén contou anécdotas da súa vida coas que arrincou gargalladas a todos os presentes.

Tamén nos fixo reflexionar sobre a igualdade a cultura e a importancia da educación.

Respondeu a todas as nosas preguntas, que non foron poucas, con cariño e sentido do humor e ata tivo tempo de asinarnos autógrafos e facer unhas fotiños de recordo para as profes que son fans dende os seus comezos como María Ares en Mareas Vivas.

Foi unha ledicia ter a Isabel no cole!! Mil grazas!!

Repercusión nos medios:

Faro de Vigo| A actriz Isabel Blanco visita el colegio de Rubiáns

Un ano máis para conmemoramos o 11 de febreiro, día Internacional da muller e a nena na ciencia.

Nesta ocasión, relacionado co noso PDI, "Sabela cámara e acción" realizamos unha actividade que mestura ciencia e cine.

Buscamos películas que tiveran como protagonistas a científicas, tanto reais como de ficción. Imprimimos os carteis das películas e escribimos un pouco de información de cada unha. Ademais todos os carteis teñen un código QR co que podemos ver o trailer da película (ou un anaquiño onde sae a nosa protagonista)

No están todas as que son pero son todas as que están ;-)