Skip to Content

O mar de Sabela

Actividades do PDI

Día da Paz

Como cada 30 de xaneiro, conmemoramos o Día Escolar da Non Violencia e a Paz.

Este ano, enchemos o mar de Sabela de botellas con desexos de Paz.

Colgamos todas as botellas decoradas e  cheas de bos desexos nas entradas do cole, representando con elas un mar de solidaridade.

Despois cantamos unha canción en inglés, xa que  o desexo de Paz é común a todo o mundo e a todas as linguas.

Guardar

Baby Shark

En inglés, dentro do proxecto "O mar de Sabela" (Sabela´s Ocean, como di a teacher) todos andamos polo cole cantando unha canción moi pegañenta: Baby Shark. Por iso os nenos e nenas de 5 anos quixemos facer un video clip para que se vos pegue aínda máis ;-)

Esperamos que vos guste!

Guardar

Guardar

Festival de Nadal

Como cada ano o festival de Nadal é todo un acontecemento social en Rubiáns.

O salón queda pequeno para recibir ás familias que acoden a ver aos rapaces e rapazas na súa faceta máis artística.

Este ano, non podía ser doutro modo, o noso festival foi unha mestura de mar y tradición. Houbo un pouco de todo, dende as panxoliñas tradicionais ata todo un surtido do máis selecto dos fondos mariños.

Esperamos que todas as familias disfrutaran tanto coma nós.

Guardar

Guardar

Guardar

Guardar

O sabor está no mar

Como non podía ser doutor xeito, queremos animar a todas as familias a que dun xeito ou doutro os produtos do noso mar estean presentes nas mesas este Nadal. Dende un paté de mexillóns, ata un arroz con lumbrigante, pasando por vieiras, navallas, polbo, ollomol, ou pescada... ou as espectaculares ameixas de Carril, calquer produto (por sinxelo que pareza) pode vestirse de festa cun pouquiño de imaxinación.

O mellor do noso mar na túa mesa!!!

 

Guardar

Guardar

Guardar

Guardar

Limpeza de Praias

Hoxe o alumnado de 4º, 5º e 6º tivemos unha actividade extraordinaria! Fomos limpar a praia da Concha-Compostela!!!

Dentro do programa "Por un futuro sostible da nosa ría" que está a desenvolver o GALP e moi relacionado con noso Proxecto: "O mar de Sabela" puidemos realizar esta saída ben pretiño do mar. É unha actividade tan interesante que ata nos entrevistou a tele!!

Non só limpamos a praia, antes de comezar, Luis e Begoña de Corticata contáronnos por que a praia se chama así, os naufraxios que houbo na ría, a lenda do ouro dos mouros......e o máis importante indicáronnos que tipo de "materiais" tiñamos que recoller: primordialmente os microplásticos para que non os coman as aves nin os peixes, pero tamén vidro, cabichas, papeis.....

Abraiounos a cantidade de cabichas que atopamos e tamén uns pauciños de plástico que todos pensabamos que eran de chupa chups pero resultaron ser os pauciños dos bastonciños de limpar as orellas. Así que moito coidadiño co que tiramos polo váter!!!

Cando chegamos ao final tivemos a sorte de coincidir cun grupo de mariscadores, bueno principalmente mariscadoras, que foron moi amables e quixeron falar un ratiño connosco. José Ramón, moi amablemente, ensinóunos como se usa o raño e explicounos en que consiste o seu duro traballo. Para despedirse animáronnos a estudar moito para que de maiores poidamos optar a un traballo menos duro que o seu.

Despois disto, voltamos ao cole cheíños de frío pero moi satisfeitos polo traballo realizado e coa lección ben aprendida. 

COIDA O MAR, É DE TODOS!!

 

REPERCUSIÓN NOS MEDIOS:

La Voz de Galicia 19/12/16 : Niños de Rubiáns limpian la playa de A Compostela (vídeo)

La Voz de Galicia 19/12/16: Limpieza de la Playa de Compostela (fotos)

Guardar

Guardar

Charla Mexillón de Galicia

Hoxe visitounos Ángeles Longa, bióloga responsable do departamento de I+D do Consello Regulador do Mexillón de Galicia quen, dunha forma moi amena e divertida, contounos un montón de cousas sobre os mexillóns tanto dente o punto de vista biolóxico como histórico.

Aprendemos unha morea de cousas moi interesantes: que tipo de animais son, onde viven, como se alimentan, como se cultivan, o bo alimento que son, o seu consumo ao longo da historia....

Quedamos abraiados da cantidade de kilos que se producen nun ano!!!

Descubrimos que os galegos somos pioneiros non so na producción se non tamén  en poutras moitas cousas relacionadas coa industria do mexillón (bateas, barcos con grúa.....)

Canto aprendemos hoxe!!!

Sabiades que 9 mexillóns alimentan tanto coma un bistec? E que das máis de 3.000 bateas máis de 2.000 están na Ría de Arousa?

 

Repercusión en medios:

17/12/16 - Faro de vigo - Los escolares de Rubiáns conocen el proceso de roducción del mejillón

 

Guardar

Guardar

Guardar

IV Certame de Reciclaxe en Familia

Como cada ano ao finalizar o trimestre o cole énchese de orixinalidade e creatividade por parte das familias.

Nos últimos anos o Certame de Reciclaxe en Familia ten que ver co proxecto que estamos levando a cabo no cole e este ano, dentro do "Mar de Sabela" ocorréusenos facer "Acuarios de Refugallo".

Como podedes comprobar no seguinte vídeo a imaxinación non falta nas familias. O enxeño que demostran ano tras ano é impresionante.

MIL GRAZAS, FAMILIAS, POLA VOSA COLABORACIÓN

Coma o ano pasado, o Centro Comercial Arousa ofreceuse para facer unha exposición cos traballos realizados. Estos estarán expostos durante todas as vacacións de Nadal e o mellor valorado a través da súa web recibirá un agasallo.

 

REPERCUSIÓN NOS MEDIOS

La voz de Galicia, 17/12/16 "Los acuarios más originales están en Rubiáns"

Guardar

Guardar

Guardar

Guardar

Guardar

Charla "Coñecemos a nosa ría"

O pasado luns tivemos a sorte de paticipar nunha actividade na que coñecemos un pouco máis a nosa ría e algúns dos animais que viven nela da man do GALP, que está desenrolando o proxecto "Por un futuro sostible da nosa Ría".

Luis e Begoña, de Corticata, explicáronnos a importancia dun Parque Nacional e lembráronnos que na Ría de Arousa temos 2 illas pertencentes ao Parque Nacional das Illas Atlánticas, unha delas na nosa cidade. Despois, aprendemos a recoñecer as zamburiñas, ostras, mexillóns, navallas, ameixas... e a comprender que cada especie precisa un fondo diferente para vivir (rochas, area...). Rematamos a actividade cun xogo no que tiñamos que identificar diferentes especies de peixes e moluscos e deducir que tipo de fondo mariño precisan para vivir.

Chamounos a atención escoitar que ademais de faros de luz existen faros de son que están situados en lugares con moita néboa.

Tamén nos sorprendeu moito saber que ao carón da Illa de Sálvora se producira un naufraxio, no que houbo máis de 200 falecidos e uns heroes entre os que destacaban un grupo de mulleres que foron quen de rescatar 55 persoas, pese ao mal tempo que había aquela noite.

 

Repercusión nos medios:

Faro de Vigo 10/12/16

Pontevedraviva 7/12/16

Guardar

Guardar

Guardar

Guardar

Guardar

Guardar

Magosto 2016

O venres celebramos a tradicional festa do Magosto!

Que ricas estaban as castañas que Julio nos asou co seu novo trebello! Graciñas Julio!

Despois pasámolo en grande coas "Ondas de Xogos". Divertidos xogos ambientados no mar, no Mar de Sabela claro está.

Os maiores do cole fixeron de perfectos capitáns e guiáronnos aos demais nos diferentes xogos. O marisqueo, a pesca con cana e con redes, a pesca de "arrastre" e as nasas non faltaron neste día festivo, achegándonos a estes aparellos que imos coñecer. En fin, que entre castaña e castaña convertémonos por un rato en autenticos "lobos de mar".

 

Guardar

Guardar

Distribuir contido


by Dr. Radut