Skip to Content

Festival Nadal

Un ano máis despedimos o primeiro trimestre de curso co noso popular "Festival de Nadal"

Como sigamos así imos ter que empezar a facer os festivais no Auditorio pois non cabía un alfinete.

Esperamos que as actuacións que con tanto agarimo preparamos fosen do voso agrado.

BOAS FESTAS E FELIZ 2018

Chegou Papá Noel!

Este ano recibimos a Papá Noel a ritmo de tambores..... bueno de caldeiros ....

Como xa vos contamos o outro día estivemos preparando unha actuación de percusión e así foi como hoxe amenizamos a chegada ao noso cole do home de vermello.

Os máis pequenos coma sempre con esa sensación que non saben se  rir ou chorar, entre nerviosos e asustados pero en definitiva felices!

Os maiores querendo aparentar, pero no fondo encantados de recibir os caramelos da man do viaxeiro do Norte.

Grazas á ANPA pola súa colaboración para  manter a maxia destas datas!

 

Recomendacións de lectura

Como cada Nadal o equipo da Biblioteca do cole, xunto con Sabela, realiza unha selección de libros moi intersantes para todas as idades.

Dende os máis cativos aos máis maiores non esquezades incluír na vosa carta algún libro porque xa sabedes que "Ler non pasa de moda"


 

Obradoiro de percusión

Hoxe tivemos un obradoiro moi divertido.

Aprendemos percusión!

Ao principio non se nos daba moi ben pero pouco a pouco collemos o ritmo.

 

Estade atentos porque gracias a este obradoiro ides levar unha boa sorpresa un día destes!

Graciñas Didier.

Recollida alimentos

Como cada ano as familias do cole colaboran con Amigos de Galicia na recollida de alimentos.

Coa nosa aportación  agardamos axudar a que estas datas non sexan tan duras para as familias máis necesitadas.

Moitas grazas ás familias do centro pola vosa solidariedade e xenerosidade.

 

CEIP de Rubiáns espazo libre de violencia machista

No CEIP de Rubiáns estamos convencidos de que a educación é a arma fundamental para rematar coa violencia machista.

Xa que as condicións meteorolóxicas non nos permitiron participar na Andaina organizada dende o Concello, sumámonos á iniciativa "Vilagarcía en negro" a través da imaxe.

Hoxe lembramos a cada muller golpeada, a cada muller menosprezada, insultada ou asasinada polas súas parellas ou exparellas.

NON Á VIOLENCIA DE XÉNERO! 

Carreira de campo a través!

Hoxe participamos na carreira de campo a través que nesta ocasión se celebrou en Catoria. Aló fomos con moita ilusión e enerxía!

Tras un gran esforzo varias alumnas e alumnos dos equipos benxamíns feminino e masculino e alevín masculino conseguiron clasificarse para a fase provincial.

A pesares do frío pasamos unha mañá moi divertida, na que ademais de facer deporte aproveitamos a area da praia fluvial para facer xogos e construccións.

Parabéns a todo o alumnado polo seu esforzo!

Magosto 2017

E como non! Un ano máis celebramos o Magosto no noso colexio. A chegada do San Martiño fainos sacar os trompos ao camiño e asar as castañas que tan ricas nos saben na compaña dos nosos amigos.

Despois de sorprendernos coñecendo a importancia das castañas na alimentación dos nosos antepasados antes de traer as patacas e o millo do outro lado do Atlántico, non podiamos facer máis que quentar as nosas manciñas con elas e despois botar uns bailes para que todo o corpo se puxera en movemento.

 

 

Guardar

Convertémonos en periodistas

Quen no lo ía dicir? Este curso imos converternos en xornalistas e para saber como tiñamos que facer, o importante que é un bo titular ou unha boa fotografía viñeron os responsables do programa, Bruno Rodríguez e Sonia García, acompañados da redactora María López e o fotógrafo Iñaki Abella da delegación de Arousa de Faro de Vigo.

Nesta visita aprendemos moitísimo, dende a importancia que ten un titular para chamar a atención do público, como a elección das noticias que se publicarán por ter maior repercusión. Ademais fixémonos conscientes do necesario que é contrastar unha noticia antes de publicala, pois todos os días o len miles de persoas tanto en papel coma na versión dixital.

E agora tocanos a nós poñernos mans á obra e escribir o Faro do noso colexio!

 

 Faro de Vigo 11/10/2017

Faro de Vigo 08/11/2017

 

Distribuir contido


by Dr. Radut