Skip to Content

Visita Susa Herrera

No CEIP de Rubiáns encántannos as visitas e nesta ocasión, tivemos a sorte de contar coa visita de Susa Herrera.

Susa veu presentarnos o seu traballo "Cantos animais" un libro-disco cheo de alegres cancións nos que os protagonistas son os animais que tanto nos gustan: o cangrexo, o crocodilo, a xoaniña o elefante e ata un poni que falaba "inglés do que se entende"

Coa súa música, fixo as delicias non só dos máis pequenos do cole se non tamén dos mestres (moitos antigos alumnos de Susa na Universidade)

Día do libro 2018

Hoxe, como cada 23 de abril, conmemoramos o Día do Libro.

Fixemos unha actividade que nos encanta. De 3º a 5º apadriñamos a un neno/a ao que lle lemos un conto escollido por nós.

Este ano tivemos moita sorte,  fixo un día marabilloso así que puidemos gozar da lectura ao aire libre.

Ao rematar os nosos "afillados" agasalláronnos cun marcapáxinas de "Sabela viaxa no tempo" moi chulo.

Tamén fixemos un minilibro sobre os castros.

Lembra: “Un libro aberto é un cerebro que fala; pechado, un amigo que espera; esquecido, unha alma que perdoa; destruído, un corazón que chora”.
Proverbio Indú.

 

 

 

Visita Antón Paz

Non todos os días visita o cole un campión olímpico, por iso estabamos ansiosos por saber o que nos ía contar.

Antón, falounos dos seus comezos, das súas aventuras no mundo da vela e dos seus plans de futuro. Ademáis animounos a probar este deporte nun marco espectacular como é a nosa ría e que, grazas á Escola Municipal de Vela, resulta moi doado e económico. 

8 de marzo: Día Internacional da Muller

Co gallo do Día Internacional da Muller visitounos Dona Maria del Carmen Roca, primeira muller en España en ser Xefa da Policía Local. 

Contounos un montón de cousas moi interesantes sobre o seu traballo e tamén dos inicios da muller na Policía e da loita que levaron a cabo para defender os seus dereitos.

Moitas grazas pola visita!

 

Hoxe visítanos: Luis Sampedro

Hoxe visitou o cole, Luis Sampedro, investigador do CSIC

 Contóunos un montón de cousas moi interesantes sobre a Antártida.

Día Internacional Muller e Nena na Ciencia

O 11 de febreiro, co gallo da conmemoración do Día Internacional da Muller e a Nena na Ciencia, no cole fixemos un pequeno vídeo para concienciar de que as nenas podemos dedicarnos a calquera cousa que nos propoñamos.

Podes coñecer mulleres científicas e máis datos desta iniciativa nos seguintes enlaces:

Entroido 2018

Neste Entroido viaxamos no tempo con Sabela e o cole enchéuse de trogloditas, exipcios, gladiadores, centurións, vikingos, damas, cabaleiros, guerreiros, reis, raíñas, indios, cortesanas, mesoneiras, piratas, cardenais, nobles, meninas e ata o mesmísimo Napoleón!!

Coma sempre pásamolo moi ben e enchemos as barrigolas cos doces de Entroido que as familias aportaron. Grazas pola colaboración!

 

As coplas deste ano estiveron cargadas de enxeño e orixinalidade.

Día Escolar pola Non Violencia e a Paz

O 30 de xaneiro celébrase o "Día Escolar da Paz e a Non Violencia"

Como sempre, no cole, non desaproveitamos a ocasión para bailar e cantar, que tanto nos gusta!!!

Este ano bailamos a "Danza da Esperanza" de Mamá Cabra, que nos ensinou o profe Antonio.

Quedounos moi chula!!

Tamén fixemos un mural coas nosas mans cheas de desexos de Paz porque "a Paz está nas nosas mans" e se queremos  cambiar o mundo e facelo un lugar mellor onde vivir temos que poñer todo das nosas mans!!

Guardar

Visítanos Antonio García Teijeiro

Hoxe tivemos unha visita excepcional!

Grazas ao proxecto O Faro da Escola, do Faro de Vigo, visitounos Antonio García Teijeiro, poeta e gañador do Premio Nacional de Literatura Infantil e Xuvenil polo seu libro "Poemar o mar".

Con el poemamos o mar, cantamos, borramos as cousas malas do mundo coa nosa goma máxica e gozamos da poesía como nunca!

Tivemos unha conversa moi agradable, na que xurdiron preguntas moi interesantes.

Aproveitamos a ocasión para amosarlle o pequeno vídeo que os cativos de 3 anos fixeron o curso pasado co gallo do Día da Poesía.

Moitas grazas, foi un pracer recibilo no noso cole!

REPERCUSIÓN NOS MEDIOS

23/01/18 - Faro de Vigo - El mar hecho poesía y música en Vilagarcía

24/01/18 - Faro de Vigo - El hombre que hace poemas con sirenas y gomas de borrar

Guardar

Viaxando pola Prehistoria de Vilagarcia

Unha vez máis alucinamos!

Despois de dar saltiños no tempo dunha época a outra da Prehistoria e ver que utensilios empregaban puidemos ver o Castro de A Xaiba dende o ceo, e enterámonos de que existe unha lenda que fala da existencia dun túnel dende o castro ata Castroagudín.

Tamén puidemos ver obxectos de cerámica, hastas de cervos... que nos fixeron entender mellor como vivían naquela época.

Grazas, Beatriz por vir de novo contarnos tantas cousas interesantes!

Distribuir contido


by Dr. Radut