Benvidas e benvidos

 

CEIP ROBERTO BLANCO TORRES

Enderezo: A Peroxa, 3, 32150 A Peroxa, Ourense

Código Postal: 32150

Provincia: Ourense

Concello: A Peroxa

Localidade: A Peroxa

Teléfono: 988206600

E-Mail: ceip.roberto.blanco@edu.xunta.es

Ver o cole no mapa

 

21 de marzo, Día da Poesía

Festexamos o día da Poesía cunha búsqueda do tesouro.

A profe Marta escribiu un poema sobre o noso cole, pero algunhas palabras fuxiron e agocháronse polo patio e os corredores. Pasámolo en grande buscándoas e tratando de atinar de que verso saira cada unha, para o que nos tivemos que fixar na rima.

Ao final, entre todos, creamos unha poesía ben bonita!

Xornada de Escalada

Da man do programa XOGADE puidemos desfrutar dunha mañá chea de aventura. Enfrontámonos ao rocódromo da Pista Central do Pavillón dos Remedios, que conta con case 10 metros de altura.

Recibimos unhas pequenas nocións básicas e enseguida nos puxemos cascos e arneses para comezar a escalar. Os medos iniciais foron dando paso á ambición de querer subir un pouco máis en cada intento. Quedamos con ganas de máis!

De seguro será unha experiencia para recordar. 

Quedan todas as fotos da xornada na nosa Galería.

Contacontos "Monstro de Cores"

O pasado martes o alumnado de infantil e 1º de primaria asistiu a un contacontos moi emocionante.

Para participar no "Proxecto Emocióna-T", as familias do cole viñeron a interpretar co guiñol "O Monstro de Cores".

Ao rematar, fixeron un mural colaborativo e cada alumno/a fixo o seu monstro preferido.

Xornada de Promoción de Xogos Populares

No día de onte participamos no programa de Promoción de Xogos Populares da Deputación de Ourense.

Desfrutamos dun feixe de xogos como a rá, a chave, os zancos, os aros guía, xogos de mans, trabalinguas, etc.

Quedan na galería as fotos da xornada.

Día de Rosalía

O pasado venres día 23 realizamos diversas actividades para coñecer e homenaxear á nosa escritora máis ilustre: Rosalía de Castro.

Os máis pequenos do cole fixeron un mural. O alumnado de 1º, 2º e 3º elaboraron un minilibro cos datos máis relevantes da vida e obra da escritora. Os maiores visualizaron unha presentación sobre Rosalía para despois completar un "Pasapalabra" demostrando os seus coñecementos.

Coñece o noso cole!

Semana de Entroido

Menuda semana levamos!

Comezamos o luns coa visita de Cigarróns e Felos. Coñecemos de primeira man estes traxes tan típicos do Entroido ourensán, facendo fincapé nas diferenzas entre uns e outros. Ademais, xa que tivemos que adiantar o noso desfile, estivemos apurados para rematar os disfraces no noso taller.

Continuamos o martes co noso desfile polas rúas da Peroxa. Finalmente acompañounos un tempo solleiro e puidemos lucir os nosos disfraces relacionados co Proxecto de Emocións "Emociona-T"

 

Hoxe visitounos o Poli Marchoso, co que estivemos cantando e bailando un bo anaco coas súas cancións sobre a seguridade vial. Seguiremos enganchados á súa canle de Youtube.

 

E aínda nos queda a xuntanza de mañá cos demais colexios da contorna!

Deixaremos todas as nosas fotos na galería da web.

 

Feliz Entroido!

 

 

 

Programación de febreiro e Ordes do Meco

Conmemoración do Día da Paz e da non violencia

No día de onte escoitamos con moita atención as historias que nos contou Manuel Fontemoura, todas elas relacionadas cun día moi importante para nós: o día da Paz.

Xa levabamos moitos días enchendo o noso cole con distintos cartaces nos que expresabamos os nosos desexos dun mundo sen violencia.

Continuamos hoxe elaborando pulseiras con mensaxes de respecto e amor.

Distribuir contido