Neste mes de maio veu visitarnos Antón Cortizas. Estivo en diferentes sesións con alumnado de todo o cole.

A nós, aos alumnos/as de 5º e 6º ensinounos os seguintes xogos:

O BICO DO GALO, que é o que nós lle chamamos "comecocos".

Un paxaro con papel reciclado ... que podía mover as ás!

Ensinounos a facer un chifre de papel... aínda que non todos o conseguimos!

Cun anaco de lata fixo outro chifre.

Tamén fixo "falar" un globo.

E MOITOS XOGOS MÁIS. FOI MOI DIVERTIDO!

Premer na foto superior para acceder á galería.

Enlace á entrada sobre os obradoiros de Antón Cortizas no blog da biblioteca.

DANIELA, LÍA, RITA (5ºA)

O luns, 5 de marzo, o alumnado de 3 anos recibiu a visita da nai de Nolan para a realización de xogos musicais con vasos. Canto ritmo e canta diversión!

Moitas grazas, Elena!

Premer na imaxe ou no álbum da galería En familia onde están publicadas as fotos da participación das familas no proxecto "Os xogos".

Unha vez máis, Iria, nai de Rosalía de 4 anos, volve ao cole. Amósanos o xogo "pasimisí, pasimisá". Pasamos un ratiño moi divertido e aprendemos a canción pasando por debaixo da ponte.

MOITAS GRAZAS POR VIR!

Máis fotos con outros grupos e outros pais/nais no álbum: En familia

  O luns 27 de novembro veu Iria, a miña nai. Ensinounos un xogo que se chama "Mónaco declara a guerra contra..."

   O xogo é moi sinxelo e divertido. Estivemos xogando un bo anaco e, ademais de pasalo ben,  aprendemos os nomes de moitos paises de Europa. Moitas grazas, Iria!

                                                                                                                                          Mario Santalla Rico 5ºB

(Premede neste enlace para ir á galería de fotos de xogos das familias).

Segunda persoa animada a participar na actividade "En familia". Lembrades que a primeira foi un pai de 4ºEP? Pois ben, nesta ocasión foi unha nai de 3ºEP.

Foi o luns 6 de novembro e xa que o venres iamos celebrar o magosto ... invitou aos nenos/as a saír ao patio e participar en xogos de magosto!

Outra sesión moi divertida pola que lle damos as grazas a esta nai.

Familias, seguimos animándovos a vir xogar cos vosos fillos e os seus compañeiros!

As fotos estanse publicando na galería, no álbum "En familia".

O pai dun alumno de 4ºB foi o primeiro que se animou a participar na actividade "En familia". 

Explicou a todo o alumnado de 4º curso como xogaba na rúa na súa infancia, que xogos de mesa tiña e os que máis lle gustaban, os programas infantís que emitía a televisión, cousas que coleccionaba, ....e ata agasallounos  cunha lambetada que era moi popular na súa época de rapaz e que aínda perdura.

Foi unha sesión moi divertida, os nenos e nenas quedaron moi contentos.

Queremos expresar o agradecemento a este pai e animar ao resto das familias a participar.

Este curso no Centro vaise traballar o proxecto "XOGOS". Neste marco gustarianos contar coa vosa colaboración na actividade "EN FAMILIA".

Trátase de que vós: nais, pais, avoas, avós, tías, tíos, ... veñades á aula dos vosos fillos/as a explicar un xogo (tradicional, de mesa, de exterior, de internet...) e a xogar cos rapaces.

Sería o primeiro luns de cada mes na HORA DE LER (11:55 a 12:20).

Agardamos que esta iniciativa sexa do voso agrado, pois a través dela pretendemos un maior achegamento das familias ao Centro.

De estares interesados/as cubride a parte de abaixo da circular entregada ao alumnado o 26 de setembro e darlla á titora.

Moitas grazas pola vosa colaboración.

O Equipo de Dinamización de Convivencia.