Partillamos o excelente traballo do alumnado da escola, con debuxos inspirados no poemario "Nosoutras" da grande escritora Marica Campo e o persoal e magnífico estilo do ilustrador Xosé Cobas, a quen o domingo 27 de marzo, se lles rendiu unha merecida homenaxe no Salón do Libro Infantil e Xuvenil de Pontevedra. Grazas a escritora Eva Mejuto, responsable do Salón e a Pilar Sampedro por confiar en nós e por nos deixar aportar o noso pequeno grao de area. Todo unha honra e un agasallo. Montaxe realizada por Carme García Álvarez. 

Marica Campos - Google Fotos

 Tamén podedes clicar nesta imaxe para velo. 

DEBUXAMOS A NOSA ÁRBORES.

En folios en tamaño A3, plasmamos unha árbore, froito do noso imaxinario, posto que por sorte vivimos nunha contorna onde existen múltiples especies. Realizamos o debuxo con rotuladores de cores e a maioría decidimos corolealo con témperas sólidas.

Mirade canta variedade e orixinalidade aquí ou na fotografía.  

PAISAXES VARIADAS.

Debuxamos no noso blog unha gran variedade de paisexes de todo tipo: marítimas, camprestres. montañosas, boscosas, de río..., utilizado distintos tipos de pintura, a alección de cada quen.

Coma sempre, primeiramente documentámonos, observamos e analizamos unha chea de obras pictóricas ben famosas.

Mirade as nosas, accedendo desde aquí ou desde a imaxe.

CERTAME DE ARTE ESCOLAR DA FUNDACIÓN EUGENIO GRANELL.

Por sorte, este ano poidemos volver participar no Certame de Arte escolar da Fundación Granell e gozar co agasallo de poder visitar no museo as nosas obras e creacións e compartilrlo coa familia e a sociedade.  Nesta nova edición o tema a traballar nos nos podía acaer mellor, posto que o eixo era sobre o pintor surralesta, natureza e medioambiente.

E puxémonos mans á obra utilizando distintos medios de expresión e técnicas como pintura, debuxo, collage, escultura e fotografía. Mirade as nosas naturezas surrealistas e o proceso de creación, marcando aquí ou na fotografía.

CREACIÓNS NAVIDEÑAS.

Incriblemente xa pasaron tres meses desde o inicio do curso, e temos ás portas as ben merecidas vacacións de Nadal e non podían faltar os nosos debuxos-postais para conmemoralo. Ademais, grazas á colaboración das imaxinativas e creativas familias, o derradeiro día, lucimos os nosos xerseis decorados con materiais de reciclaxe, como actividade dentro do noso proxecto ambiental. Tamén podedes ver, unha pequeniña mostra.  Mirade aquí ou na imaxe, estas dúas actividades.

CON ELEMENTOS NATURAIS, ARTE PODEMOS CREAR,

Como seguramente sabedes, este ano o centro está a traballar ao redor de dous proxectos na Escola verde, sobre o medioambiente e a a sostenibiliade do programa PROXECTA +.

Por suposto no Obradoiro de arte de Educación Infantil, tamén quixemos sumarnos a esa interesanter iniciativa e aportar o noso granciño de area. E quixemos comezar o máis axiña posible. 

Ahí vos deixamos as actividades realizadas no 1º trimestre. E continuará...

O BOSQUE ANIMADO.

Pareceunos unha idea magnífica, crear o noso propio bosque no corredor das nosas aulas. Cadanseu fixo unha árbore en papel de embrullar castaño, coas súas ponlas correspondentes. Comezamos rachando coas mans os anacos de papel para realizar logo a composición. No tronco voltamos a utilizar a técnica do frottage sobre os das árbores do patio exterior e unha vez colocados os ramallos, estes, estampámolos con diferentes obxectos.

Neste caso a creación, foi unha adaptación da proposta por Salvador Cidrás e Vicente Blanco no seu blogue Escola imaxinaria, que vos animamos a que visitedes polas excelente experiencias que comparten sempren.

Visitade o noso bosque ramalloseiro.

COMPOSICIÓNS NATURAIS

Realizamos collages individuais enriba dunha cartolina cos elementos naturais que cada nena e neno trouxo dos seus paseos e saídas coas súas familias a distintas contornas como monte, parque, praia, campo, río.  Ademais da capacidade creativa que amosaron, e que podedes ver nas imaxes, deunos moito xogo para aprender nomes e características pois cada criatura amosaba os seus tesouriños e a súa procedencia. E deixando ben claro a importancia de non modificar os espazos naturais.

Arte efímera pero da que quixemos deixar a lembranza realizándolles unha fotografía. 

Aquí  ou na imaxe, podedes ver estas orixinais obras.

DE PASEO POLO BOSQUE.

Non hai mellor aprendizaxe que a que se produce no contexto real da experiencia, por iso non quixemos deixar de visitar a carballeira e o bosque que temos a carón da escola. Observamos, investigamos, formulamos hipóteses, aprendemos unhas de outros cousas novas, respectamos  o espazo e mesmo recollemos algún lixo. Por suposto, gozamos moitísimo.

Clicade na fotografía ou aquí para consultalo.

FROTTAGE

Comezamos en contacto con distintas tipos de follas de diferentes procedencia, tamaños e formas, á vez que iamos aprendendo o nome da árboreá que pertencía e as características máis sobresaíntes. Nesta actividade o sentindo do tacto foi fundamental para detectar a parte onde están os nervos que colacamos enriba da mesa cara arriba. A continuación, colocamos un papel branco A3 e cunha cera mol, frotamos aparecendo a impresión da folla. Auténtica maxia! Fomos cambiando de cores e de follas ata completar a nosa vistosa composició, Mirade aquí ou na fotografía o resultado.

O FILLO DO HOME, A NOSA INSPIRACIÓN.

Como colofón, pechamos o círculo cunha nova proposta surrealista inspirada no cadro de Rene Magritte, O fillo do home que podedes ver na imaxe despois do texto e que parece que era un autorretrato do autor que adoitaba vestir desa maneira. No noso caso en lugar dunha mazá, decidimos traer un obxecto significativo para ocultar o rostro.

Para deixar constancia dese intre, fotografiámonos e imprimíronse os posados.

E a partir de aquí, comezamos a crear e interpretar ao noso xeito a nosa obra. Como veredes, realizamos dúas actividades utilizando unha copia en cor e outra variación coa fotografía en branco e negro,

No primeiro caso, utilizando a técnica de collage, recortamos a nosa silueta da imaxe ata a cintura, utilizando distintos recortes de revistas de moda, de roupas e complementos como o calzado e ao igual que Magritte, un sombreiro e fixemos a composición nunha cartolina A4.

Coa copia en branco e negro, copiamos o mesmo proceso de recortar a silueta ata a cintura e pagala noutra cartolina pero nesta ocasión, pernas, roupas, sombreiro e calzado foron debuxados.

E para facer unha xeitosa presentación de ámbalas dúas obras, pegáronse a modo de díptico nunha cartolina de cor.

Mirade aquí neste enlace ou na imaxe do cadro, todo o proceso e o resultado final.

E nesta outra imaxe ou premendo aquí,  veredes ese momento inmortalizado na fotografía. 

SURREALISMO RAMALLOSEIRO.

Comezamos un novo proxecto artístico no Obradoiro e tendo en conta que ocupamos a aula Maruja Mallo, non podiamos deixar de traballar co surrealismo, posto que a grande pintora galega foi unha das súas figuras destacadas. O surrealismo é un movemento artístico do século XX que forma parte das vangardas. Baséase no mundo dos soños, da fantasía e a imaxinación e vai máis alá da realidade. As composicións surrealistas adoitan mesturar obxectos que normalmente non irían xuntos.

  Maruja Mallo.

Como sempre, o primeiro que fixemos foi saber de máis artistas desta corrente como o tamén galego Eugenio Granell, Dalí, Frida Kahlo, René Magritte, Chagall ou Marcel Duchamp entre outros, e ver moitos exemplos en láminas, libros e na pantalla para nos inspirar nas nosas producións.

O MUNDO DOS SOÑOS.

Pois como xa comentamos, o surrealismo, baséase fundamentalmente no mundo onírico, da fantasía e a imaxinación. E iso é o que fixemos para quentar motores, debuxar algo relacionado con estes tres mundos. E así de creativas quedaron as nosas porducións.Mirade aquí ou premendo na fotografía.

OS CADÁVERES EXQUISITOS.

 A seguinte actividade plantexada foi esta de curioso nome posta en práctica polos surrealistas e que é un xogo colectivo de consecuencias no que alguén escribe ou debuxa algo e outra persoa continúa esa composición, so vendo un pequeno fragmento do anterior.  E así cada mesa de traballo fixo o seu.

Mirade aqui ou na fotografía, a ver que vos parecen os nosos.

AUTORRETRATOS SURREALISTAS

Nós tamén quixemos ser protagonistas deste mundo de soños, fantasías e absurdos e realizamos mediante a técnica de collage e utilizando unha fotografía da nosa cara estes delirantes autorretratos con recortes de revistas de propaganda. Mirade aquí ou na imaxe,  que divertidos quedaron.

MÁSCARAS INSPIRADAS NAS DE MARUJA MALLO.

A artista surrealista ten unha colección de pinturas variadas con máscaras e clicando aquí podeses ver exemplos.Quen nos ía d¡cir a nós que estarían de novo de actualidade. Pois aver se vos gustan as nosas interpretacións. Mirade premendo na foto ou aquí.

BINOMIOS SURREALISTAS.

Os surrealistas, tal e como falamos adoitaban combinar o mundo da imaxinación e a fantasía, e existen moitos exemplos de mesturar dous conceptos en principio antagónicos ou que non teñen moito en común. Nós inspirámonos no "paxaro- flor" de Granell e máis na obra "flor-cuncha" de Max Ernst e  que alberga o museo Thyssen de Madrid. Imaxinación ao poder! Mirade na imaxe ou aquí os nosos creativos resustados. Flor- cuncha.

COMEZAMOS !

Tiñamos moitas de ganas de comezar, e de poder facelo xuntos e xuntas no cole. É verdade, que este curso moitas cousas teñen que ser distintas e que no caso concreto do noso obradoiro vai limitar poder facer certo tipo de actividades, pero por suposto, sempre seguiremos a botarlle imaxinación pois sen arte, a vida é moito más triste e escura. 

Como novidade, este ano, o noso centro de creación, está na aula Maruja Mallo no mesmo corredor do resto das aulas de inantil e non, no salón de actos como fora desde o principio.

AUTORRETRATOS CON MÁSCARAS.

Un ano máis, e iso xa é un clásico, a primeira proposta é facer un autorretrato, intentando que cada curso vaia variando o soporte e o material empregado. Os que hoxe vos presentamos, están realizados en cartolina branca con fondo de acuarela e debuxados con rotulador. E é que non podía ser de outra maneira, adaptándonos á realidade presente. Mirade aquí ou na foto os nosos fantásticos autorretratos con máscaras.