Skip to Content

Ed. Infantil

Venres, 17 de Abril

 

OLA DE NOVO, CAMPIONAS E CAMPIÓNS DE INFANTIL DO CEIP DE PRÁCTICAS!!

TÉMOSVOS QUE DAR A NORABOA POLO BEN QUE VOS ESTADES PORTANDO E AGUANTANDO TANTAS HORAS NA CASIÑA SEN VER ÁS VOSAS E AOS VOSOS AMIGOS. CANDO COMECE O COLE ÍMOS VOLVER XOGAR E PASALO MOI BEN, RECUPERANDO AS HORAS PERDÍDAS.

AS PROFES NON DEIXAMOS DE PENSAR EN VÓS, QUERÉMOSVOS ABRAZAR E ESTAR DE NOVO NA AULA…ÁNIMO, XA QUEDA MENOS.

TAMPOUCO NON ESQUECEMOS O DURO TRABALLO QUE ESTADES OS ADULTOS A PASAR NA CASA COAS VOSAS CRIANZAS, APLAUDIMOS O VOSO MERITAZO. MERECEDES ESES APLAUSOS QUE DAMOS ÁS OITO DA TARDE. VAI POR VÓS!!!!.

PARA AXUDARVOS, FAMILIAS, NESTES TEDIOSOS MOMENTOS , NAS QUE AS HORAS SON INTERMINABLES, CARGAMOS OUTRA TANDIÑA DE EXERCICIOS. PERO COMA SEMPRE CON CALMA, SEN AGOBIOS…CANDO SE POIDA, XA BASTANTE TENDES DE TRABALLO.

MANDAMOS UNHA MOREA DE BICOS E ABRAZOS. MOITÍSIMO ÁNIMO, FORZA (QUE XA VAN FRAQUEANDO).

 

Teletraballo na casa 2ª tanda

PROPOSTAS 6º EI - 1ª QUINCENA ABRIL

MÉRCORES 25 DE MARZO DE 2020


QUERIDAS CRIANZAS!!
 
PRIMEIRO DICIRVOS QUE SODES UNHAS CAMPIONAS E CAMPIÓNS POR ESTAR NA CASIÑA HOOORAS E HOOOORAS. RAQUEL, LARA, MARÍA E IRIA BOTÁMOSVOS MOITO DE MENOS E ESTAMOS AGARDANDO VERVOS CANTO ANTES.
 
PARA QUE ESTEADES UN POUCO ENTRETIDOS E ENTRETIDAS, AQUÍ COLGAMOS ACTIVIDADES CHULAS PARA FACER. IREMOS POUCO A POUCO POÑENDO MÁIS PARA QUE XOGUEDES COA CABECIÑA E COAS MANS.
 
MOITAS GRAZAS A VÓS FAMILIAS E MOITO ÁNIMO CON ESTE “ ENCERRO”. ESPERAMOS QUE VAIA QUEDANDO MENOS.
 
MANDÁMOSVOS MOREÍÑAS DE BICOS.
 
 

Educación infantil

A HORTA DOS NENOS E NENAS DE INFANTIL

Ao longo deste último trimestre, estamos desenvolvendo un proxecto sobre plantas. Por iso, despois de recabar información, comezamos a preparar unha pequena horta.

Primeiro de todo foi preparar a terra, houbo que sachar. Aprendemos que hai diferentes ferramentas con diferentes funcións.

Ao principio a terra estaba moi dura, pero co esforzo de todos e todas fomos mellorando o terreo.

Unha vez, preparada a terra houbo que pensar en sementar. Que cultivos serían máis doados e darían mellores resultados?

Os nenos e nenas pronto comezaron a achegarnos cousas dende a súas casas: plantas de amorodos, tomates, xirasois, perexil, leitugas, etc..
Pouco a pouco, a horta vai despegando. Hai que regar, esperar,... Etiquetamos todo para recordar o que é cada cousa.

E como podedes ver, pouco a pouco, o traballo e dedicación dos nenos e nenas de infantil vai dando os seus froitos.

 

Que fermosas leitugas! Que fermosa horta!


E se queres ver máis fotos, preme sobre esta.

 

CONTO INVENTADO CONXUNTO

Para o Día do Libro estamos a desenvolver algunhas iniciativas. En Educación Infantil, decidimos crear un conto entre todos e todas. Partimos dunhas ilustracións elaboradas polos cativos e cativas de Primaria.

Comezaron co conto os alumnos e alumnas de 6º de Educación Infantil. Velaquí o seu relato:

HABÍA UNHA VEZ UNHA NENA QUE SE CHAMABA SILVIA. TIÑA TRECE ANOS E ERA MORENA, GUAPA E BAIXIÑA. VIVÍA NAS ILLAS CANARIAS. 

UN DÍA, SAIU PASEAR POLA PRAIA DA SÚA VILA COA SÚA CADELA, PIPA. SOLTOULLE A CORREA PARA QUE CORRESE MELLOR E MARCHOU CARA UNHAS DUNAS.

PASOU UN TEMPO E, COMO NON VOLVÍA, SILVIA CHAMOUNA PERO NON APARECÍA. FOI BUSCALA POR TODA A PRAIA E ATOPOU, TIRADOS AO CARÓN DUNHA PALMEIRA, UN ESCUDO E UNHA ESPADA MOI ANTIGOS. SILVIA ESTRAÑOUSE E COLLEUNOS COA MAN.

Continuaron a historia os nenos e nenas de 4 anos (5º nivel).

A NENA FIXOUSE QUE, ENTRE AS FOLLAS DA PALMEIRA, HABÍA AGOCHADO UN CABALEIRO. SILVIA COLLEU O ESCUDO E A ESPADA E SAIU CORRENDO. O CABALEIRO, QUE SE CHAMABA DAVID, CANDO VIU A SILVIA, BAIXOU DA ÁRBORE E FOI ONDA ELA. XUNTOS MARCHARON A BUSCAR A PIPA.

MENTRES A BUSCABAN, ATOPARON UN CASTELO E, DENTRO DEL, ESTABA A CADELA.

 AO SAÍR DO CASTELO... ATOPARON UN DRAGÓN.

LOITARON: O CABALEIRO CO ESCUDO, SILVIA COA ESPADA E PIPA COS LADRIDOS. DE SÚPETO, A CADELA MORDEULLE UNHA PATA AO DRAGÓN QUEN, CO MEDO, SAÍU VOANDO.

E, logo, tocoulles aos de 3 anos rematalo.

ESCAPOU ATA A MONTAÑA ONDE VIVÍA. SILVIA, O CABALEIRO E PIPA PERSEGUÍRONO.

—FÓRA DA MIÑA CASA! —BERROU O DRAGÓN E SAIU VOANDO A CAPTURAR A SILVIA.

A NENA ESQUIVOUNO PERO PIPA, QUE ESTABA AO SEU LADO, NON PUIDO E O DRAGÓN COMEUNA DUN SÓ BOCADO. PIPA ESTABA NA BARRIGA DO DRAGÓN E QUERÍA SAÍR.

QUIXO FACER UN FURADO COS DENTES NELA PERO NON O CONSEGUIU. SILVIA, ENTÓN, PROBOU COA ESPADA E ABRIU UN OCO NA TRIPA DO DRAGÓN. PIPA SACOU UNHA PATA; LOGO, DÚAS; DESPOIS, TRES PATAS; E AS CATRO; E, FINALMENTE, COLOU A CABEZA E O RESTO DO CORPO.

POR FIN, PIPA ERA LIBRE E, COA SÚA PATA TAN QUENTIÑA, QUEIMOU O DRAGÓN QUE ESCAPOU VOANDO CARA A PRAIA ONDE TODO COMEZARA.

ENTROIDO ARTÍSTICO EN INFANTIL

A vindeira semana imos celebrar o Entroido na  nosa escola. 

Como xa sabedes, este trimestre en Educación Infantil, comezamos a investigar ao artista Urbano Lugrís e... que mellor que disfrazarnos de pintoras e pintores?

http://museobelasartescoruna.xunta.es/

Enviaremos un bando de Entroido, pero adiantamos algunha información para preparar todo con tempo.

Pedimos a colaboración das familias para que cada neno ou nena traia da súa casa:  

  • O luns, 1 de febreiro, unha paleta de pintor/a xa recortada e feita con cartón duro (mirade o modelo do debuxo). Non fai falta que a pintedes, iso xa o farán eles  na clase ao longo da semana. Non a recortedes moi grande (pouco máis de medio folio DIN-A4).
  • O martes: mandilón da clase abotoado cara atrás.
  • O mércores: igual que o martes e cun lazo ancho e longo no pescozo (de papel, plástico...).
  • O xoves: igual que martes e mércores e con algún material  de pintor (pincel, lenzo, maletín... co seu nome escrito).
  • O venres: co disfrace que queiran.

https://pixabay.com/es/paleta-pintura-color-madera-30125/

https://pixabay.com/ 

ENTRE MANS

 

ENTRE MANS

Iniciamos neste trimestre un proxecto coas mans como centro de interese, a partir do cal desenvolveremos numerosas actividades e tarefas. Nestes primeiros anos as mans son, para todos os nenos e nenas, o principal medio de comunicación co medio que os rodea e un instrumento esencial para coñecelo. Coas mans tocan e collen aquilo que desexan, experimentan, acarician, sinalan… En definitiva, son unha parte do corpo que lles proporciona multitude de experiencias e que constitúen unha ventá ao mundo.

Partindo pois do propio corpo dos nenos e nenas, das súas mans, levaremos a cabo actividades coas que traballaremos multitude de capacidades:

As mans serán o punto de partida dalgunhas creacións artísticas coas que desenvolverán a súa creatividade.


Igualmente servirannos para traballar a cooperación, a amizade, o compañeirismo...

Non esqueceremos tampouco a importancia da súa hixiene, e aprenderemos cando e como debemos lavar as mans.

Ademais, teremos ben presente que as mans sonnos de moita axuda cando queremos saber o que é algo e non podemos velo… Pechando os ollos por un tempo e valéndose unicamente do tacto, os nenos e nenas comprenderán que aquilo que percibimos a través das mans é tan importante como o que chega a través dos ollos e dos oídos, e achegaranse un pouco máis á realidade daquelas persoas que carecen do sentido da vista.


 

Por outro lado, as mans son tamén un elemento esencial de comunicación. Non só porque nos valemos delas e, a través dos xestos, acompañamos a nosa linguaxe falada; senón tamén porque moitas veces as mans substitúen aquelas palabras que algunhas persoas non poden emitir ou oír, a través da linguaxe de signos.

En definitiva, as mans dos nenos darán pé a numerosas actividades coas que os nenos e nenas aprenderán acerca de temas variados.

Distribuir contido


by Dr. Radut