Iniciar sesión: Acceso

Guimariñoleo

DÍA DE ROSALÍA.

O 24 de febreiro  celebramos o cumple dunha gran muller, que a pesar dos anos pasados, as súas reflexións, compromisos, reivindicacións seguen a estar presentes  na actualidade para calquer persoa, pero en especial, para as mulleres galegas.

Rosalía de Castro é un referente de compromiso  e de loita polo progreso de Galicia, pola valoración da nosa lingua, polo valor da muller galega que quedou moitas veces soa con nenos ao seu cargo e que seguiu traballando, para manter Galicia en pé, mentras os seus homes emigraran en busca dun traballo que mellorase as súa calidade de vida.

Como cada ano seleccionamos poemas da escritora que acheguen aos nosos nenos e nenas á súa obra, que poidan entender a súa poesía, valorala e sobre todo tomala como un exemplo na importancia de construír pensamento crítico, emprendedor para ser capaces de construír sociedade sustentable.

Celebramos este día xunto coa biblioteca municipal do concello que organizou unha pequena conferencia para os nenos e nenas a cargo da escritora monfortina Mónica Sánchez. Asi que acudimos dando un paseo dende o centro a casa da cultura Olga Novo, donde nos agardaban Mónica e os responsables do concello.

A intervención de Mónica estivo acompañada pola recitación de poemas do noso alumnado que ían intercalando as poesías  segundo os temas que trataba Mónica acerca da vida e obra de  Rosalía.

Así falando da situación de penuria de Galicia e na búsqueda de traballo dos galegos:

Brais,  Senén  e Xulia  recitaron: “Castellanos de Castilla.”

Cando tocou o tema da emgración

Marcos e Aelfie recitaron: Pra Habana!!

E  Roi: Este vaise…

Cando falou da Muller Amanda e Eli recitaron “Tecín soia a miña tela”

Cando Falou da necesidade de revalorizar Galicia que era pouco menos que un recuncho menosprezado

Fabian e Aday recitaron “A gaita galega”

Cando falou da lingua galega os nenos e nenas de 1º e 2º recitaron “Has de cantar”.

Así pasamos unha hora, escoitando a Mónica e as poesías que leron os nenos e nenas. Voltamos para o colexio para o xantar, sabendo un chisco máis de Rosalía,  da importancia de expresar os nosos sentimentos con respeto e liberdade e co propósito de grabar estes poemas, así como as nosas reflexións sobre a vida e obra de Rosalia en radio Guímaro.

Podedes disfrutar das imaxes premendo no seguinte enlace: 

                              Día de Rosalía 

O xoves, 28  de marzo, toca reunión co centro de día; así que neste club de lectura, tocará Rosalia. Compartiremos con eles estes poemas  e falaremos da lingua galega, de cómo se usaba cando eles eran pequenos,  da emigración que seguramente lles tocou vivir a algúns.

SAMAÍN E HALLOWEEN NO CEIP DA POBRA DO BROLLÓN.

Chegan as datas de Samaín e Halloween, dúas festividades que nos achegan a cultura de dous países: o noso, coa celebración de Samaín e o culto aos antepasados e Halloween, festa  inglesa que celebramos para coñecer tamén a cultura do país do que estudiamos a lingua   relacionada tamén co Samaín.

Ninguén é alleo no centro a esta celebración. Entroncamos a materia de inglés, o EDLG, Activ. Complementarias e Extraescolares e a Biblioteca

Na biblioteca aparece no expositor da actualidade os contos e escritores de medo,  do que gardamos unha boa recopilación en Galicia  e que leremos na hora de ler ou no club de lectura durante este tempo. Alí temos a Agustín ferrnández Paz: “Malos tempos para os fantasmas”, “Fantasmas no corredor”; Xavier Docampo:  “O misterio das badaladas” “Corre corre cabaciña”, “Indo para o Samaín”, “A miña amiga a escuridade” obras de Marilar Aleixandre…

AS FAMILIAS CONTAN:

Durante esa semana o centro invita ás familias a vir contar un conto de medo  na hora de ler, Unha actividade que nos encanta a todxs ademáis de sorprender coa calidade do relato e ata as súas propias adaptacións e creacións. O certo  é que o alumnado de 3 a 12 anos queda  totalmente enganchado e  intrigrado mantendo a atención dun xeito asombroso.

O luns acudiron ao centro: Eva, tía de Marina e Lidia nai de Martín e Emma. Eva contounos  maxistralmente o conto de “Corre corre cabaciña”. Lidia contounos  unha historia de nen@s ambientada nun cemiterio “A alianza”. Mezcla de lectura e contar….pero mantívonos en suspense dende o principio ao fin no que nos deixou unha clara mensaxe:  “Nunca collas o que non é teu”.

O martes acudiou ao centro Sandra, nai de Senén. Contounos un conto de Anxel Fole, ambientado no Courel, a historia dun capador que despois da celebración da matanza se foi para a súa casa  noutro pobo nunha noite escura de inverno a pesar da invitación dos veciños a quedarse. Os lobos acompañárono todo o camiño….rodeábano…entón coñeceu o  medo.

O mércores   Toño, Silvia, Mª José e Pablo papás  e mamás de  Antía e Pedro  prepararon un conto de guiñol. Unha posta en escea de auténticos profesionales.  Unha historia de bruxas  que  fomentaba a lectura e que foi creada por Silvia e Mª José. Pasará a ocupar un lugar especial no recuncho das creacións. Podédela ver  neste vídeo.

Todos eles auténticos contacontos e de tal calidade, que nos deu mágoa non compartir estas historias. Así que as que non están en vídeo  serán contadas na radio escolar.  Teredes a oportunidade de   escoitalas próximamente en Radioguimariño.

Premendo aquí podedes ver as imaxes dos nosos contacontos.

MENÚ TERRORÍFICO

Ese día no comedor disfrutamos dun menú terrorífico. Comprobamos  as mañas e creatividade de Mercedes a cociñeira, e Óscar o encargado de comedor como podedes ver nestas imaxes.

HALLOWEN E SAMAÍN.

No tempo de lecer despois do xantar o alumnado de 5º e 6º disfrazouse para visitar as clases e asustar aos seus compañeiros. Deste xeito entroncamos as dúas festividades: halloween e Samaín. A fin de paliar os medos, os titores cóntanlles aos máis pequenos que o alumnado de 5º e 6º lles vai a dar unha sorpresa.  Nas visitas ás aulas, despois de intentar asustalos reparten caramelos para recompensar o primeiro susto, este ano chocolatinas….

Despois baixamos todos ao comedor e os nosos biblioaxudantes, o alumnado de 5º e 6º que recolleron relatos de medo da nosa zona contaránnolos  á carón da exposición das cabazas.

Aquí tedes as imaxes que resumen a nosa celebración.

CONCURSO DE CABAZAS:

Dende hai anos  convócase un concurso de cabazas con material de refugallo. Unha tarefa que fan nas casas. Acadamos unha exposición de creacións orixinais e de calidade donde de novo estiveron implicadas as familias. A calidade dos traballos era alta, difícil seleccionar unha por curso, así que o premio consisitiu nun lote de libros para cada aula, un diploma e chuches terroríficas para todxs.

Infantil: levou o premio das cabazas máis terroríficas.

Primeiro e segund levou o premio das cabazas máis ecolóxidcas  pois abundaban os elementos naturais.

Terceiro e cuarto levou o premio ás cabazas máis estrambóticas.

5º e 6º Levou o premio ás calabazas máis monstruosas.

A Cociñeira levou o premio á cabaza máis sabrosa.

Se premedes aquí podedes ver imaxes de todas as cabazas que chegaron ao centro.

Foron días de traballo colaborativo, no que estivo implicada toda a comunidade educativa. Moitas grazas especialmente ás familias que viñeron a contar, que axudaron a facer cabazas… Gracias á implicación de todxs vivimos días emocionantes, que romperon a monotonía  do dia a día das aulas, nos que non deixamos de compartir experiencias e aprender…

24 de Outubro: Día mundial da Biblioteca.

 

 

mércores 24 de outubro celébrase o día das Bibliotecas en todo o mundo. Dada a importancia que as bibliotecas teñen nas nosas vidas, consideramos que debíamos celebralo ao grande. Ademaisaproveitamos esta celebración para pór en marcha a biblioteca do noso centro así como as actividades que se van a desenvolver nela ao longo do curso.  

 

A biblioteca é un espazo de encontro e oportunidadePodemos…. 

 

FORMARNOS.  

Esta celebración é o resultado de semanas de traballo e formación por parte dos nenos e nenas de quinto e sexto. Eles fórmanse na xestión e organización da biblioteca, reflexionan sobre as normas e ata nos dan consellos para o seu bo uso converténdose nuns estupendos biblioaxudantes. A través dunhas xornadas de portas abertas para toda a comunidade escolar na hora de ler o xoves e venres desta semana, os cativos explicaron como atopar a información, o sistema de organización a través da CDU en Meiga, os distintos espazos da biblioteca (espazo fedelleiro, laboratorio de Radio Escolar, recunchos de lectura por idades, o recuncho de poéticas diversas…) así como os programas nos que participamos este curso como Biblioteca Creativa e a continuidade da Radio Escolar.  Aquí tedes un resumo en imaxes coas familias que nos acompañaron.

 

CONTAR E REPRESENTAR: 

A tarde do martes foi toda unha festa na biblioteca. Comezamos cos nosos biblioaxudantes que se estrearon como contacontos. Contáronnos o conto de “Os Bolechas queren saber como é unha biblioteca”, e aínda que era o estreo e os acompañaban os nervios, recibiron un merecido e caloroso aplauso.  

 

CREAR:  

Tamén creamos o nosa versión do “Principiño”. Utilizando as ilustracións do propio conto, os nenos de infantil comezaron a crear unha nova historia que viaxou ao longo de todas as clases para rematar en quinto e sexto, os encargados de poñerlle punto e final. Ademaisos debuxos foron ilustrados a través de diversas técnicas artísticas e o resultado non nos puido gustar máis. Aquí o tedes. Aproveitamos un anaco para ler o conto entre todos.  

 

XOGAR:  

A través do xogo, continuamos desfrutando da biblioteca.  

Os máis pequenos (infantil, primeiro e segundo) construíron diferentes crebacabezas de contos tradicionais.  

O demais nenos e nenas continuaron aprendendo sobre a biblioteca mentres xogabamos cos escornabot, uns pequenos robots que van dar moito xogo no noso cole. En equipos mixtos tiñan que percorrer co seu robot o tableiro e superando as probas e preguntas que lles plantexabamos. Aquí tedes unha mostra das probas ás que tiveron que enfrontarse os nosos valentes lectores.  

 

DISFRUTAR:  

Despois de tanto traballo, chegou a recompensa cunha visita moi especial: o doce Principiño chegou repleto de chuches e doces para os nenos e nenas (e para os profes tamén).  

Ademais, entregamos os marcapáxinas do colectivo Lemos Le que este ano está escrito por ¡Ramón Sandoval, un escritor da nosa comarca.  

 

Sen dúbida, pasamos un día moi fermoso. A Nosa biblioteca meréceo todo. Disfrutade das fotos que podedes ver premendo aquí 

Tamén tedes aquí este vídeo que o resume todo. Esperamos que vos guste.  

Día do libro

O luns,23 de abril, conmemórase o Día do Libro. Un libro é unha ventá aberta á diversidade de culturas, son fontes de información, novas oportunidades que nos permiten sentir, voar…

Ler, entre outras cousas, axúdanos a expresarnos mellor, a adquirir novo vocabulario, a ser creativos…

Durante esta xornada, realizamos as seguintes actividades:

“Apadriña un conto”. O alumnado de 5º e 6º contoulle un conto ao alumnado de 1º e 2º, e 3º e 4º fixeron o propio co de infantil.

Os contos centráronse nas emocións, xa que recoñecer e saber expresar emocións é moi importante para o desenvolvemento da personalidade.

Despois,  falaron sobre o que sucedeu, as personaxes que interviñeron, o que aprenderon do conto…

Nas últimas datas fixemos un traballo de investigación. Coincidindo que no 2018 se cumpren 500 anos da primeira volta ao mundo, nós tamén quixemos viaxar polo mundo adiante. Descubrimos Oceanía, Asia, África, América e Europa: os países de cada continente, as súas costumes, os seus principais escritores…

A verdade é que aprendemos moito e todo o traballo e esforzo realizado mereceu a pena. Aínda que quedaron moitos coñecementos dentro de nós, tratamos de plasmalos en diferentes murais, que nos próximos días servirannos para “compoñer” o mundo. 

 

Día da Paz

O 30 de xaneiro  conmemoramos o Día da Non Violencia e a Paz. É de vital importancia inculcar valores que sustenten  a tolerancia, a solidariedade, o respecto aos demais, a igualdade… e que deben reinar nunha sociedade que en moitas ocasións dista disto.

Por tanto, todos os días deben estar moi presentes.

Nestes días, reflexionamos co alumnado sobre os incendios; unha temática moi presente na nosa zona e que fai uns meses devastou a contorna. Está á vosa disposición no seguinte enlace o material que empregamos.

https://www.edu.xunta.gal/centros/ceippobrabrollon/aulavirtual2/pluginfile.php/1158/mod_resource/content/1/D%C3%ADa%20da%20paz%202018/index.html 

Con todas estas reflexións, elaboramos un mural no que plasmamos as nosas mellores intencións para seguir loitando pola Paz, pola comprensión, a igualdade de oportunidades…

A temática das lecturas destas semana tivo como eixe central a Paz; destacamos "O valo" de Carlos Labraña.
No medio dun deserto, que se estende até onde alcanza a nosa vista, o Soldadiño de chumbo, un neno soldado, chanta unha bandeira e coloca un valo de arame, xusto onde no seu mapa marca a fronteira. Do outro lado do valo, Sahara, a rosa do deserto, unha rapaza abandonada, que foxe da guerra, trata de convencelo de que a deixe pasar, xa que está procurando un pozo onde saciar a súa sede. Xaora, sentados de costas, mirando as estrelas fugaces no firmamento, Sahara e o Soldadiño comparten idéntico ceo e comprenden que só na procura dos seus soños atoparán a liberdade.
Por tanto, este libro propón unha emocionante reflexión sobre a igualdade e a paz entre todas as persoas e comunidades.

Outra das actividades foi cantar  unha canción que compuxo o noso mestre de música, Pablo, co alumnado de 5º e 6º.

Un novo proxecto...a radio chega ao centro

Dentro do proxecto de Bibliotecas Escolares acaban de concedernos un miniproxecto que consiste en crear na biblioteca un laboratorio de radio, o que nos vai permitir outras  posibilidades de traballar e abordar as aprendizaxes, pois elaborar e emitir programas de radio cos contidos de primaria supón traballo que indudablemente  mellorará non só os coñecementos senón tamén competencias clave do alumnado.

A primeira actividade que plantexamos é visitar un programa de radio para coñecer  de primeira man como funciona e como podemos enfocalo nós no centro.

Esta mañá o alumnado de 5º e 6º visitamos a emisora de radio principal de Monforte, cadena Ser, onde María e Rafa nos fixeron sentir coma na nosa casa.

Deixámosvos unhas fotos para compartir con vós este momento tan ilusionante. Estamos desexando poñer en marcha a nosa propia radio.

 Deixamos enlace ao noso debut dunha gravación na cadena Ser en Monforte con María e Rafa

A violencia non é o camiño

Este pasado venres, conmemoramos o Día Mundial da Non Violencia de Xénero, que cada ano se celebra o 25 de novembro. Quixemos ir un pouco máis alá, e facer fincapé na importancia dunha sociedade sen ningún tipo de violencia (nin de xénero, nin discriminatoria, nin psicolóxica…). Unha data que nos serve para lembrar como debe ser a nosa actitude todo o ano.

No mes de novembro seleccionamos contos en relación ao tema da violencia xa que procuramos que a biblioteca sexa sempre protagonista das conmemoracións.

• Infantil, 1º e 2º: Traballaron co conto de "Artur e clementina".

É a historia dunha parella de tartarugas. Clementina recibe desprezos de Artur que sempre lle di que non vale para nada. A súa cuncha cada día pésalle máis ata que consigue liberarse conseguindo a dignidade que lle corresponde como ser.  Traballamos valores como a igualdade, a autoestima.

• 3º, 4º:  Traballan co libro "Xela Volveuse vampira" de Fina Casalderrey.

Coñecemos esta historia a través das impresións duns nenos dunha clase de 5º que á volta de vacacións ven como a súa mestra, á que adoraban, está totalmente cambiada. Unha persoa cariñosa, alegre, que xogaba con eles, falandeira....de súpeto,   é todo o contrario: triste, silenciosa, viste descoidada, protéxese cunha bufanda.
Un día ven as pálpebras de Xela escuras, marcas no pescozo. Algúns nenos ata cren que se volveu vampira. Un neno descubrirá que Xela é maltratada polo seu marido que nos cursos pasados era o noivo. A través dun ser fantástico conseguirán castigar severamente ao maltratador converténdoo nun personaxe raro e moi pouco agraciado. Xela volverá a ser a mestra que todos admiraban. Trata claramente a violencia de xénero e os danos que ocasiona.

• 5º, 6º:  “O agasallo de Anya”, de Sabela Núñez Singala.

Unha novela que nos achega á realidade de dúas nenas de once anos: Xiana, galega, e Anya, ucraína. Malia vivir a miles de quilómetros de distancia, as súas vidas non son moi diferentes, sobre todo se falamos de sentimentos, ilusións, ganas de ser felices e de gozar do mundo…

“O capítulo: a voda  de Leila” de “O neno can”, da autora Fina Casalderrey.

Ten como tema central a falta de liberdade dunha nena de 11 anos, que é obrigada por seus pais, a casarse por cuestións económicas.


Estas obras permitíronnos afondar neste tema, reflexionar co alumnado, extraer conclusións moi positivas.

Nesta última semana, durante a hora de ler, vimos anuncios de campañas contra a violencia de xénero; axudáronnos a profundizar no tema, sensibilizar ao alumnado…

O venres 24, as mulleres do colexio contaron experiencias próximas a elas neste ámbito, concienciándonos de que é un problema presente en cada recuncho, non hai que ir moi lonxe.

Durante esa maña, o alumnado por cursos, fixo un debate na biblioteca acerca deste tema plasmando as conclusións sacadas dos libros, dos vídeos, das reflexións destes días…

Rematamos o día elaborando os nosos anuncios. Reivindican a igualdade, a tolerancia, o respeto, a comprensión, o amor, a empatía, a diversidade, o diálogo, a protección, a colaboración

“Ponte no seu lugar, así nunca empregarás violencia”

Samaín

A semana pasada celebramos o Samaín; unha tradición que vivimos intensamente, xa que nos invade a emoción, o medo

Do 30 de outubro ao 3 novembro familiares do alumnado viñeron ao centro para contar historias de medo na hora de ler; sempre cunha mensaxe moi clara, extraendo así aprendizaxe de cada conto. Queremos darlles unha vez máis as grazas pola súa participación e involucración nesta actividade; resultou moi positiva, moi enriquecedora.

A verdade que tivemos grandes conta contos con nós; foron os seguintes:

Luns 30: Alejandra (nai de Zeltia)

Martes 31: María José (nai de Pedro)

• Xoves 2: Marisa (nai de Lola)

• Venres 3: Martín (pai de Emma e Martín) e Javier (Pai de Moraima e Senén)

O martes 31 celebramos Samaín; o medo foi  protagonista dende primeiras horas da mañá.

Disfrutamos dun saboroso menú terrorífico, que nos prepararon Óscar e Mercedes. Demos boa conta del e collemos forza xa que a xornada de tarde se presentaba cando menos intensa.

A partir das 14:30h a sensación de medo, de incerteza foi medrando polos corredores, polo patio… De repente, apareceron uns seres un pouco terroríficos que seguindo a tradición da festa inglesa Halloween foron percorrendo as aulas. Pasámolo “ de medo”.

Máis tarde, baixamos ao comedor para realizar entre nós unhasesión de conta contos  sobre medo. Historias de pantasmas, de bruxas… invadíronnos durante un cachiño.

A celebración continuou  coa entrega de premios do concurso de cabazas. Como non podía ser menos ,foi moi difícil a decisión. Premiamos a orixinalidade, as grandes ideas, a utilización de materiais de refugallo…

Damos as gracias a todas as familias pola participación no concurso de cabazas, e a todo o alumnado polo seu traballo, o seu esforzo.

Os ganadores foron:

Infantil: Pedro

1º e 2º:  Emma

3º e 4º: Erea e Manuel

5º e 6º: Lorena e Roi

Unha gran cantidade de chuches terroríficas puxo o colofón  a esta xornada.

Ao longo desta semana traballamos unha emoción fundamental no ser humano, “o medo”. Axúdanos a protexernos, a ser precavidos…e debemos aprender a controlalo e superalo.

 

Conmemoración das Bibliotecas Escolares

Cada 24 de outubro, conmemoramos o Día das Bibliotecas Escolares. Celébrase dende o ano 1997, en homenaxe á destrución da Biblioteca de Saraxevo, incendiada no ano 1992 durante a guerra dos Balcáns.

É unha data importante, polo que significan os libros para nós, polo que nos transmiten, polo que nos entusiasma ler, contar contos… A través dos libros voamos, viaxamos, sentimos, vemos, imaxinamos. As bibliotecas son un recurso cultural; debemos aprender máis e mellor dende elas.

O luns 23, fixemos unha xornada de portas abertas para dar a coñecer ás familias do alumnado de infantil, 1º e 2º a nosa biblioteca: as normas, os recunchos nos que se distribúe (primeiros lectores, lectores autónomos, lectores expertos, sección dos autores galegos máis significativos, recuncho temático…), as posibilidades que nos ofrece, como podemos atopar os libros nela, CDU; ademais dunha serie de recomendacións para disfrutar da lectura. Puideron ver a renovada imaxe de guimariñoleo, a través do concurso de mascotas.

Os biblioaxudantes (o alumnado de 6º) encargáronse desta actividade. Primeiro, nos días previos, formáronse. Logo, apoiados na seguinte presentación en powerpoint, relacionada coa formación de usuarios, foron os encargados de impartir estas xornadas.

Colaboran coa organización e colocación da biblioteca.

O martes 24, non podía faltar unha sesión de contacontos, tan demanda sempre.

O alumnado deleitounos cunha serie de contos clásicos cun final inesperado, descoñecido para nós, divertido, que nos fai aprender unha lección. Ademais, disfrutamos dun conto creado polo alumnado de 1º e 2º do curso pasado. 

- 1º e 2º: “Aventuras no bosque encantado”

- 3º: “Aladino e a lámpada espantosa”

- 4º: “Branca Neves dos 7 xigantóns”

- 5º: “Pinocho non era o mentiroso”

- 6º: “A fea durmente”. “Un patiño belo”.

Temos uns verdadeiros artistas contando contos.

Despois, chegou un dos momentos máis agardados polo nenos/as; estaban moi entusiasmados coa sorpresa. Este ano Pinocho veu cargado de lambonadas.

Xunto con este agasallo, recibiron o marcapáxinas do colectivo Lemos Le. No reverso, contén un texto de Lois Diéguez, escrito para o Día Das Biblioteca.

A ANPA proporcionounos material que aproveitamos para entregarlle ao alumnado nesta data: mochilas, estoxos, pinturas, arquivadores…

O mércores 25, a xornada de portas abertas tivo como destinatarios ás familias do alumnado de 3º, 4º, 5º e 6º.

Neste día, continuamos aprendendo na biblioteca.

O alumnado de infantil, 1º e 2º, realizou crebacabezas de diferentes contos.

O alumnado de 3º, 4º, 5º e 6º, realizou un xogo no que tiñan que ir avanzando nas celdas dunha mariola do saber. Nos números impares tiñan que resolver probas. Nos números pares responderon a diferentes preguntas. Tratouse por tanto, dun xogo de pistas pola biblioteca, no que tiñan que representar autores mediante mímica, buscar libros dun determinado autor, identificar libros pola súa etiqueta…

Un xeito enriquecedor de aprender xogando, de afondar na biblioteca, nas posibilidades que nos ofrece.

Este ano, entregaremos ao alumnado os carnets de usuarios da biblioteca, para que os préstamos queden rexistrados dixitalmente.

Rematamos co lema deste ano das Bibliotecas Escolares de Galicia:

“Aprende a pensar coa Biblioteca Escolar”

Distribuir contido