Iniciar sesión: Acceso

Excursión a Vilachá.

O 28 de setembro rematamos as xornadas deste mes dun xeito moi especial que nos encanta pois tiñamos excursión a Vilachá.

Visitamos un recuncho do noso concello que ten unhas paraxes singulares,  e coñecemos a demáis o valor e os coidados que precisa un cultivo desta zona que está en plena recolección: as uvas.

Saimos do colexio ás 10:30 para chegar a Vilachá ás 11. Nada máis baixar do autobús tomamos a nosa merenda para reponer pilas aínda que a ilusión que nos facía a primeira excursión deste curso pode con todo.

No campo da festa esperábanos Puri, unha adegueira comprometida co seu pobo que se adica á producción e comercialización do viño pero que ademáis nos axudou a valorar o patrimonio natural que encerra Vilachá, sen dúbida, un lugar emblemático da Pobra.

Comezamos unha camiñata de 1km aproximadamente para ir ao mirador da Capela. O primeiro  que  atopamos foron as adegas  que  forman un pequeno poboado a un lado e outro de calzadas de pedra á sombra de grandes carballos.

Despois dun paseo no que cruzamos o pobo de Vilachá, e vimos algunha Nogueira, e castiñeiros que tamén están a darnos os seus froitos desta época collemos un sendeiro ancho,  e chegamos ao mirador,  á beira do Sil que separa o Concello da Pobra do de Ribas de SIL. Dende alí, nunha especie de balcón, puidemos ver unha gran parte dos viñedos de Vilachá: O Val de Lagares, o dos Frades e e un pouco máis á esquerda o de Eivedo.

Puri contounos como para recoller as uvas, a materia prima para a elaboración do viño,  hai que traballar todo o ano os viñedos. O primeiro traballo é o da poda que consiste en quitar as ramas todas da colleita anterior, despois da caída da folla no outono para que broten novas ramas e saia o froito. Pero tamén o ameazan as pestes así que hai que sulfatar e quitarlle as malas herbas….

Por este mes, cando as uvan están maduras faise a vendima. Recóllense as uvas, e lévanse para as adegas. Ali verténse  as uvas nunha máquina  que as triutra e separa do ácio. O caldo vértese nunha cuba onde fermentará, aproximadamente unha semana para saír logo o viño cada ano coas súas particulariedades de sabor.

Pero nós voltamos a mirada atrás e comprobamos como facían os nosos avós e avoas antes e  que pisamos as uvas cos  pés. Non o fixemos na arca como antes pero si nunhos pilos e escoitamos como fervia a cuba. Foi moi emocionante…e pasámolo en grande compartindo as botas para pisalas.

Despois xa de camiño ao autobús visitamos o museo do viño. Alí vimos o carro e a arca na que transportaban o viño antes. As cestas onde vertían os racimos de uvas cando os cortaban  e os cestos nos que os homes carrexaban as uvas dende a viña ata a arca.

E aínda podemos mirar máis atrás, pois xa os romanos, que como sabemos todos moi ben pasaron por aquí cultivaron os viñedos.

Todos os anos se celebra a feira do viño de Vilachá o primeiro domingo de maio e inda que todos temos asistido hoxe encantounos descubrir máis deste lugar e deste produto que contribúe a facer o noso concello importante. Por certo comprobamos que están boisimas porque Puri deunos uvas que tomamos de postre.

Para ver a reportaxe en imaxes preme aquí.

 Grazas Puri, por ese postre delicioso, por adicarnos o teu tempo,  e ser un exemplo de adegueira e empresaria que  non dubida do valor do seu pobo.

Conmemoración do Día do Maior no centro de día.

Visita ao Centro de Día:

O pasado día un de outubro conmemorouse o día do maior. Non hai mellor motivo, pois, para iniciar as visitas ao centro de día e pór en marcha o noso club de Lectura…..

 

Queriamos aportar o noso gran de area a esta merecida conmemoración; así que proveitamos para ler “Quén me quere adoptar” de Fina Casalderrey…. reflexionamos sobre a fermosa historia de Manuel,  un mestre xubilado que se atopa só…e ten moito que dar…pero a quén?

 

A súa dona morreu,  a súa filla está traballando de médico en África…e él ten uha fermosa biblioteca, moitos libros para ler….así que pon un cartel para que o adopte unha familia na que haxa nen@s.

 

Así é como Manuel, despois de algunha decepción atopa unha familia que o respecta e o valora….e á que Manuel, por suposto, enriquece coa súa sabiduría, as súas historias…a compaña mutua que se fan.

 

Resultado de imagen de quen me quere adoptar

 

 

O xoves, día 4 de outubro, visitamos aos nosos amigos e comprobamos unha vez máis canto podemos aprender das  súas experiencias…e canto podemos compartir

Contáronnos como celebraran o día do maior: cunha festiña na que fixeron a tarta da avoa; xogos que recordaron e que nos contaron: a billarda, o aro, as chapas, a rá…..

Falamos  da súa infancia, do que costaba ir á escola cando quedaba tempo, pois había que axudar nas tarefas da casa….Unha sesión extraorinaria como podedes comprobar nestas imaxes.

 

Imaxes Día do Maior. 

 

Nós  contámoslle a historia do libro que lemos, e seguimos a falar da importancia de todas as persoas, do respecto, do esforzo……Falamos das súas profesións, dos nosos proxectos de futuro, déronnos consellos…foi unha sesión extraordinaria que decidimos plasmar neste primeiro  programa de radio deste curso…..pois a todos nos encanta.

Radio Guímaro no Día do Maior.

 

 

LISTA DEFINITIVA DE ADMITIDOS EN FONDOLIBROS PARA O CURSO 2018-19

LISTA DEFINITIVA DE ADMITIDOS EN FONDOLIBROS PARA O CURSO 2018-19.

Os libros repartiranse os primeiro días  de clase en setembro. A partir de 3º tedes que mercar o libro de actividades de inglés nada máis, pois inda que algúns nenos non teñen os 6 libros hai exemplares no centro.

Bo verán para tod@s!

Revista Outeiro

Para rematar o curso 2017 - 2018 compartimos con toda a comunidade educativa, a revista Outeiro.

1. Parte impresa

2. Lembrando o curso en imaxes

Bo verán.

 

 

 

Radio Guímaro dende o centro de día

Hoxe é un día moi especial para Radio Guímaro, xa que por primeira vez emite un programa fóra do seu lugar habitual.

O alumnado de 5º e 6º gravou un programa cos nosos amigos/as do centro de día, cos que compartimos momentos moi bos ao longo de todo o curso.

O programa centrouse na etnografía: o Castro de San Lourenzo, os muíños, os sequeiros…As persoas maiores do centro de día son auténticas fontes de sabedoría; comprobádeo vós mesmos.

Programa Radio Guímaro.

Estamos encantados co marcapáxinas co que nos agasallaron na última xornada de convivencia deste curso. Moitísimas gracias por este gran detalle e por todos os momentos que nos brindaron, momentos que nos fixeron medrar.

Podedes ver unhas fotos desta xornada de convivencia.

 

Excursión fin de curso

O curso chega á súa fin, e non había mellor maneira de rematalo que acudindo ao Grove para disfrutar dun par de días todos xuntos, o luns 18 e o martes 19.

Luns 18: Disfrutamos da praia, de paseos en kayak...O mellor é que vós o comprobedes con estas fotos.

Martes 19: Iniciación ao bodyboard, descubrimos a través dunha actividade chamada intermareal animales mariños, xogamos na praia...Nas seguintes fotos veredes o ben que o pasamos. Non puidemos ter mellor tempo para disfrutar do mar.

 

Foron dous días nas Rías Baixas moi intensos, nos que vivimos unha experiencia enriquecedora, que nos permitiu aprender lonxe do cole...Uns días que mesturaron ocio, aprendizaxe, emocións, risas, unión...Pasaron voando.

 

Lembrade que o xoves o curso 2017 - 2018 pecha o telón. O horario de recollida de notas será de 10h a 11:30h.

Convivencia co CEIP Rosalía de Castro de Bóveda

O pasado venres 8 de xuño visitounos o C.E.I.P Rosalía de Castro, de Bóveda. No próximo curso nen@s de ambos centros serán compañeiros no instituto, así que cremos que é unha boa oportunidade para coñecerse, facer amizade, compartir xogos, conversas, unha comida xuntos.

Recibímolos ás 10:30h para darlles a benvida a esta xornada de convivencia.

Dividímonos en 3 grupos: infantil, 1º e 2º; 3º e 4º; 5º e 6º, para realizar 3 actividades diferentes de xeito rotatorio durante 45 minutos, cunha parada para a merenda.

O grupo dos máis pequenos realizou un obradoiro de manualidades (pulseiras, flores…), diferentes actividades cos escornabotse xogos no pavillón.

Os grupos de 3º - 4º e 5º e 6º cambiaron o obradoiro de manualidades pola gravación de programas en Radio Guímaro.

Programa 3º

Programa 4º

Programa 5º

Programa 6º

Ás 13:30h repuxemos forzas logo dunha intensa e divertida maña. Sempre axuda a seguir coñecéndonos, a entrelazar a nosa amizade…

Quedámonos con bos momentos, bos recordos. Sempre desexando que chegue o seguinte reencontro. Foi unha mañá moi especial.

Charla sobre acoso escolar e uso das novas tecnoloxías

Hoxe, mércores 6, o alumnado de 5º e 6º recibiu unha charla dentro do plan director para a convivencia e mellora da seguridade nos centros educativos e os seus entornos.

A temática centrouse en dous aspectos: no acoso acolar e nos usos e riscos das novas tecnoloxías.

Deste xeito, durante dúas horas coñecemos máis sobre o acoso escolar, as súas características, os tipos de acoso que se producen, como facer un uso axeitado das redes sociais...

Aprendemos unha morea de aspectos que nos axudan a ser mellores persoas, a facer un uso responsable das oportunidades que nos ofrecen os avances tecnolóxicos que se producen a diario.

A idea esencial coa que nos quedamos é que o respecto a todas as persoas é un dereito fundamental.

Distribuir contido