Iniciar sesión: Acceso

Visita ao punto limpo

Este ano en Voz Natura traballaremos sobre “Os ecosistemas”. O punto de partida do proxecto foi pedirlle ao noso alumnado que investigase sobre os ecosistemas da Pobra e os elementos físicos. Así que obtivemos información sobre os animais da nosa contorna, as árbores, as plantas…

A próxima semana faremos unha asemblea todo o colexio; cada neno/a expoñeralle aos demais o que buscou; trátase de aprender de xeito conxunto, uns dos outros.

Hoxe, para concienciarnos da importancia de coidar a natureza, de non contaminar, de non ferir aos ecosistemas…visitamos o punto limpo.

Querémoslle dar as grazas ao Concello por compartir con nós esta hora, por ensinarnos o punto limpo e por tantas cousas novas que aprendemos da man de Elvira.

Ao punto limpo lévanse aqueles residuos que non podemos reciclar nas nosas casas, é dicir,  os que non podemos botar nos colectores que nos encontramos nas rúas habitualmente, dado o seu tamaño ou o seu alto nivel de contaminación.

É unha instalación cerrada e vixiada para a recollida selectiva de residuos. Trátanse de maneira axeitada para que o medio ambiente non se deteriore.

Recorrémolo e vimos a súa distribución: os colectores de residuos perigosos (aceites vexetais, minerais…). Na parte de arriba, atópanse os colectores habituais, os de plásticos agrícolas, ferralla, os de residuos voluminosos, roupa usada

Ao carón do punto limpo,  disfrutamos da natureza (árbores, plantas…); demos un paseo que nos permitiu mergullarnos nun mundo de tranquilidade e respirar aire puro. Alí vimos unhas charcas nas que antigamente se lavaba o ouro. Reflexionamos sobre a contaminación das augas, como lle afecta ás árbores que beben dela…

Se miramos ao noso arredor, dámonos conta de que ás veces non lle devolvemos á natureza unha pequena parte do que ela nos da; contaminamos en exceso cando resulta moi sinxelo reciclar, reutilizar ou reducir.

Chamounos moito a atención que unha botella de plástico tarde de 100 a 1000 anos en degradarse, que unha botella de vidro tarde 4000, ou que as pilas o fagan despois de 1000 anos.

Foi unha visita proveitosa, que nos serviu, entre outras cousas, para sensibilizarnos un pouco máis da importancia de coidar ese ben tan prezado chamado natureza.

Día de Rosalía

O 24 de Febreiro recordamos o nacemento desta gran poetisa galega. É a escritora galega máis universal.

Mito e símbolo de Galicia, autora de obras inmortais, como Follas Novas, En las orillas del Sar, Cantares Galegos.

Foi unha escritora polifacética, innovadora e comprometida, adiantada ao seu tempo, que empregou o galego na literatura cando ninguén o facía. Nas súas obras amosou a situación da Galicia máis dolorida e maltratada,  desangrada por la emigración. Denunciou a pobreza do campesiñado galego ou a precaria situación laboral que sufrían algúns dos seus habitantes fora da comunidade. Devolveu o galego ao seu carácter de lingua culta. Reflexa en cada verso o seu amor por Galicia, a loita incondicional polos dereitos dos galegos.

É difícil describir con palabras o que representa Rosalía para Galicia, para os galegos; debémoslle moito, temos que mantela viva, temos que honrala. Loitar polo que ela comezou.

Como non podía ser doutro xeito rendémoslle un merecido homenaxe no día de hoxe. Realizamos a actividade en conxunto co concello, que nos invitou a asistir á casa da cultura.

Para darnos a benvida puxéronnos unha proxección que trataba sobre a vida de Rosalía; contiña poemas. Puidemos coñecer un pouquiño máis sobre a súa casa –museo en Padrón.

Logo, agasalláronnos con poemas de Rosalía e cunha flor. Recitamos algúns deles, como “has de cantar” ou “negra sombra”.

Rematamos cun pequeno aperitivo para coller forzas e volver ao colexio.

Ao longo destes días traballamos no centro en torno a Rosalía de Castro: profundizamos na súa biografía, coñecemos máis a fondo a súa obra, entendemos o que significa para Galicia, para todos nós…O seu recuncho ensinounos algo cada día.

Limos e reflexionamos sobre “A pantasma da casa da matanza”, “Rosalía pequeniña”,” algúns dos máis característicos poemas da súa obra”… En definitiva, a biblioteca do centro aportounos unha ampla variedade de recursos literarios para traballar sobre esta grandísima figura de Galicia.

O equipo artístico (Belén, Eva, Estefanía, óscar), encargouse de elaborar murais para esta conmemoración. Ademais, achegaron ao alumnado ao “Pop Art”: un movemento artístico que nos Estados Unidos, nos anos 60 do século pasado, contrapúxose ao tipo de arte abstracto que estaba a ter repercusión no momento. Pretendía opoñerse ás elites culturais representando obxectos cotiás e ás personaxes públicas.

Ao longo desta semana completaremos o noso libro das poesías creadas alumnos/as baixo a dirección de Dori.

Podédesvos achegar ao colexio para ver as nosas obras.

Rematamos cun dos seus moitos e fermosos poemas:

 

“As viúvas dos vivos e as viúvas dos mortos”

 

Iste vaise i aquel vaise
e todos, todos se van;
Galicia sin homes quedas
que te poidan traballar.
Tés, en cambio, orfos e orfas,
tés campos de soledad,
e nais que non teñen fillos,
e fillos que non tén pais.

E tés corazóns que sufren
longas ausencias mortás,
viúdas de vivos e mortos
que ninguén consolará.

 

 

Próximas datas conmemorativas

Un dos nosos valores, unha das características que nos define como centro, é a participación activa, a involucración do noso alumnado en actividades complementarias. Considerámolas fundamentais, imprescindibles na súa formación; son unha oportunidade inmellorable para que os nenos/as aprendan, se motiven…Contribúen á educación integral do alumnado, son un instrumento para potenciar valores e actitudes precisos na vida diaria, enriquécennos.

Por iso, forman parte do día a día no centro. Durante o próximo mes desenvolveremos as seguintes:

• 24 de febreiro: Día de Rosalía

• 8 de marzo: Día da Muller Traballadora

• 10 de marzo: Almorzo saudable

• 17 de marzo: Saída á Coruña (Diversos Museos Científicos)

Día da árbore, con data por determinar

Visita ao punto limpo, cando o bo tempo nolo permita

Irémosvos contando pouco a pouco todo o que fagamos nestas datas.

 

“Dime e esquecereino, ensíname e recordareino, involúcrame e aprendereino”

Benjamin Franklin

Tempo de Entroido

Miramos ao noso arredor e non podemos pasar por alto unha das datas máis esperadas no calendario: O ENTROIDO. Encerra moita tradición, así que non quedamos alleos a esta celebración; as últimas dúas semanas tinguíronse de sabor a Entroido. Creamos os Compadres, as Comadres, seguimos as ordes do Meco, visitamos aos nosos amigos/as do centro do día e desfilamos pola localidade.

Nestes últimos días fixemos unha paréntese esquecéndonos da igualdade e establecendo dous bandos moi claros: mestres e nenos por un lado, e mestras e nenas no outro. Deste xeito, o venres 22 creamos no centro un obradoiro a partir de 3º de primaria para comezar a facer os Compadres e as Comadres. Uns e outros son os mestres baixo algunha caracterización e…a partir dese momento reina a intriga por saber uns dos outros.

Tamén houbo momentos para trasnadas, risas, emoción…

Destacamos 3 días:

- Xoves de Compadres (28 de xaneiro)

O mércores a última hora apareceron os Compadres, que este ano fundaron o seu partido político. Preparáronse para unha reñida campaña antes das eleccións que decidirían quen collería o mando do colexio. Foi moi divertida, entretida e tivo como resultado que no cole da Pobra o mando ía ser tomado por todos en igualdade.

• PaSEA: Partido de saltimbanquis, equilibristas e acróbatas. O lema de Julio Sánchez é: ”Bota con todas as túas forzas”.

• PiPí: Con Oscariano Rajoy ao fronte: Recortar, Pintar, Colorear.

• Non Podemos: Presidido por Paco Iglesias.

• Cristianos: Vota con Fé – lix.

A historia mestura o guión con anécdotas, e a realidade máis graciosa dos mestres. Interpretárona o xoves a última hora; despois as nenas sacan o Compadre para queimalo e os nenos tratan de impedilo. Son uns minutos de carreiras, onde finalmente se queima o boneco.

- Xoves de Comadres (4 de febreiro)

O xogo invértese. Ás Comadres do cole gústalles moito estar todo o día tomando o sol e como non podían disfrutar da súa paixón, o surf, decidiron crear a súa propia piscina e converterse nas surfistas do Brollón; aínda que algunha preferiu ser motosurfista.

Coma o xoves anterior, na última sesión temos un pouco de teatro, de música…as mestras representan a historia. Deixámosvos a historia para que a leades con calma e disfrutedes.

Logo, os nenos saen coa Comadre; as nenas intentarán salvala. Finalmente prodúcese a queima.

 

Esta semana de Entroido, do 1 ao 5, estivo acompañadas das ordes do Meco de luns a xoves. Así que cada día tocou algo que nos caracterizase a todos cunha gotiña de Entroido que se ía agrandando en gracia , xa que era acumulativo:

Luns: Paxariña.

Martes: Unha prenda ao revés.

Mércores: Un zapato de cada cor.

Xoves: Os pelos locos.

 

- Desfile (venres 5)

Rematamos a semana disfrazándonos todos baixo a temática de contos clásicos, distribuídos do seguinte xeito:

• Infantil: “Alicia no país das marabillas”

• 1º e 2º: “A carapuchiña vermella”

• 3º e 4º: “O frautista de Hamelín”

• 5º e 6º: “Brancaneves e os 7 ananiños”

Saímos do colexio sobre as 12h; a primeira parada foi no centro de Día. Sabedes que ao longo do ano compartimos moitos momentos con eles, forman parte de nós, ensínannos cousas novas. Este ano disfrazáronse de rapeiros e cantaron unha canción composta por eles. Mensaxes reivindicativos sobre como camiña a sociedade, sempre coa retahila “asúmelo”. Deu gusto escoitalos e compartir un ratiño con eles.

Tiñan unha piñata preparada con un montón de caramelos.

Continuamos o noso desfile facendo unha parada na Panadería Roelma, onde novamente nos agraciaron con máis caramelos. Foi unha mañá moi dulce.

Chegamos ao Concello, onde nos recibiu o secretario para dedicarnos unhas palabras e darnos máis caramelos.

A mañá ía avanzando e acercábase a hora de comer, así que paramos no parque para facer unha foto en grupo, antes de regresar ao colexio.

Estábanos esperando Mercedes cun rico cocido para rematar a nosa festa de Entroido. Moitas grazas a Óscar e a Mercedes.

Todo isto foi posible grazas á colaboración e implicación de toda a comunidade: Os nenos/as, os verdadeiros protagonistas. Estes días con moita ilusión, enerxía, emoción, inquedanza.

Os mestres e mestras que están sempre ao pé do canón, poñendo por diante aos seus nenos/as, ante calquera circunstancia. Vaia artistas que temos no centro: Óscar, Belén, Estefanía, Eva,  Dori…Traballaron moito para que nese desfile o alumnado estivese impecable cos seus disfraces.

Gracias a todos vós (pais, nais, avós, avoas, veciños, comerciantes…) por camiñar con nós, por tirarnos tantos caramelos, por darnos agarimo. 

 

Como puidéstedes comprobar nos últimos días, esta festa crea aínda máis unión entre mestres, entre alumnos e mestres, crea vínculos moi especiais; aprendemos de xeito moito máis lúdico.

Mantemos viva unha festa popular de Galicia, algo que nos diferencia, que nos fai únicos.

¡¡¡Disfrutade do Entroido!!!

Día da Non Violencia e a Paz (29.01.2016)

Dende 1964 celébrase o 30 de xaneiro o Día da Non Violencia e a Paz, coincidindo co aniversario da morte de Gandhi.

No centro conmemoramos esta data o venres, lembrando a necesidade da educación para a tolerancia, a solidariedade, o respecto aos demais, a igualdade… Valores que deben reinar nunha sociedade que en moitas ocasións dista disto.

Reflexionamos co alumnado sobre a Paz: Que é Paz? Como contribúo eu para haxa Paz na miña casa? E no colexio? Debemos facer todo o posible para que goberne os 365 días do ano.

Unha das actividades que fixemos foi debuxar no chan con xiz un dos símbolos da Paz. Ten 3 liñas no interior (unha na parte superior e dúas na inferior en forma de pegada de ave). Mestres e alumnado colocámonos  nel.

Aproveitamos este momento para cantar  a canción “Tu enemigo” de Juanes, baixo a dirección da nosa mestra de música Belén. Este tema, rapidamente se converteu nun himno á diversidade e a tolerancia.

Máis tarde, colocamos as nosas pombas da Paz, nun mural preparado polos alumnos/as de 1º e 2º, coa artista Belén ao mando. As pombas fixéronas coas mestras de plástica Eva e Estefanía. Cada unha levaba unha mensaxe: “Non as guerras”,  “Si ao amor”.

Puxémoslles unha ramiña no pico.

Por outro lado, a temática das lecturas desta semana tivo como eixe central a Paz.

É vital seguir loitando pola Paz, polo amor… nun mundo no que hai tanta guerra, tanto egoísmo, tanto desorden.

Aproveitamos para recordarvos que estamos inmersos no entroido. O xoves pasado celebramos Os Compadres; o próximo é a quenda das Comadres. Como non podía ser doutro xeito, o venres 5 celebramos o xa tradicional desfile pola Pobra se o tempo nolo permite.

Este ano a temática está centrada nos contos tradicionais.

“Non hai camiño para a Paz, a PAZ é camiño”. Gandhi.

Festival de Nadal

Chegou o Nadal… polo que o ambiente navideño foise apoderando do centro.  O pasado venres, día 18, celebramos o tradicional Festival. Un día que mestura ilusión, gañas, ledicia, emoción, traballo, satisfacción… Un día que plasma o traballo realizado por todos durante o último mes.

Queremos agradecer a asistencia ós profesionais e ós usuarios do centro de día, uns veciños moi entrañables para nós. Do mesmo xeito, queremos agradecer a presenza e que compartisen con nós este día, aos pais,nais, avós, avoas, irmáns e todos aqueles familiares presentes.

A todos os mestres polo súas horas para que este festival tivese tanto éxito e nos fixese disfrutar: Óscar, Belén, Dori, Paco, Félix,  Nieves, Estefanía, Julio.

Os verdadeiros protagonistas, os nenos e nenas, levan un mes de ensaios, sen descansos, con exames, traballos… Sempre con alegría, con ilusión, con gañas.

Este curso, incorporouse unha cociñeira, Mercedes. Sempre disposta a colaborar  e que axiña se adaptou ao centro.

Agradecer tamén a colaboración do Concello, que cada ano nos presta o equipo de megafonía.

Un millón de grazas para os provedores do Comedor Escolar, que colaboraron con donativos para facer dúas cestas. Todo o que se recadou, irá destinado á excursión de fin de curso que fará todo o centro.

É un luxo, poder contar con esta comunidade educativa. ¡GRAZAS!

 

Unha merecida mención recibiu Olga, que nos deixou o 26 de outubro. Estivo presente neste Festival, que lle brindamos con todo o noso cariño. Deixou tanta pegada, que estará sempre connosco, no noso corazón.

 

O Festival comezou as 11h, tendo como presentadores a Marcos e Verónica; o programa foi o seguinte:

“Acrosport”: Os alumnos/as de 3º, 4º, 5º e 6º encargáronse de comezar o día cun deporte que combina acrobacias e coreografías. Así que disfrutamos de bailes, volteretas, figuras coma a pirámide. Unha boa maneira de entrar en calor.

“Chegou o Nadal”: Momento para o alumnado de infantil, cunha obra de teatro e unha canción baixo este título. Dirixiunos o seu mestre, Óscar, na peza de teatro; Belén na parte musical.

A verdade que o fixeron coma uns grandes artistas: cantan, bailan actúan…¡Prometen moito para o futuro!

“Eu son o apalpador”: 1º eº 2º cantaron esta canción; da batuta encargouse  a súa mestra Belén. O protagonista é O Apalpador, que vive pretiño de nós, nas montañas do Courel. Visita aos nenos e nenas e apálpalles a barriga deixándolles unha presa de castañas.

“Os mellores Reis”: Obra de teatro das nenas e nenos de 3º e 4º dirixidos por Dori e Julio.

A obra ten unha mensaxe moi clara: o verdadeiro sentido do día de reis non é regalarnos cousas uns aos outros, senón dar o mellor de nós mesmos (a compaña, o cariño…), as cousas materiais son o de menos. Os reis están no corazón da boa xente que cre neles.

“Das palabras e dos sonos todos somos donos”. Guiñol dos nenos e nenas de 5º e 6º, baixo a dirección de Dori.

Fainos ver que aos problemas hai que facerlles fronte, que así vaise resolvendo a vida. E se non a soñar…que de cando en cando ven moi ben, e ninguén nos pode privar de facelo.

“O club do chiste”: O alumnado de de Primaria encargouse de poñerlle un pouco de humor ao Festival , de sacar uns sorrisos do público.

“Deixade escoitar o parte” e panxoliña “Volver a casa por Nadal”, a cargo dos alumnos e alumnas de 5º e 6º, baixo a dirección, unha vez máis, de Dori.

Na obra observamos como traballando nunha faena de moita tradición en Galicia, como é a ata dos chourizos, se nos ensina que non ten que chegar o Nadal para ter ganas de festa e de disfrutar da familia. A vida é o mellor agasallo, así que a disfrutalo.

Nesta obra tócanse moitos aspectos de actualidade: os inmigrantes, as guerras, a violencia de xénero…

“Entrega das cestas de Nadal”.

Como dixemos anteriormente, queremos ir de excursión de fin de curso dous días  e…¡todo o cole! O lugar aínda non o temos decidido. Para recadar fondos para a excursión vendemos rifas. O sorteo celebrouse o xoves no comedor sacando dous números.

Gañadores do XXV Certame de Contos de Nadal”.

A través destas composicións, da lectura de contos…descubrímonos a nós mesmos, enriquecémonos; consideramos que é a mellor maneira de medrar. Noraboa a todos e a todas por participar, polo voso traballo.  Os gañadores deste ano son:

     - 1º: Marcos

     - 2º: Erea

     - 3º: Roi e Xulia

     - 4º:Xana

     - 5º: Leila

     - 6º: Sheila

“Imos cambiar o mundo”. Unha canción a cargo do alumnado de 3º, 4º, 5º e 6º que preparou con eles Belén. Como podedes comprobar, presenta un título fermoso e que nos gustaría que nos animara a dar un paso de compromiso para cambiar algo no mundo, dende as nosas posibilidades por pequenas que sexan.

Rematamos entregándolle a cada alumno/a un calendario do próximo ano, no cal vai impresa a foto do grupo.

Querémosvos dar unha vez máis as grazas pola vosa asistencia.

Despedímonos ata o próximo ano, cos nosos mellores desexos:

Desexamos que o Nadal chegue a todos os fogares.

Que no 2016 teñamos motivos para sorrir.

Que medre o compromiso de traballar para que a Paz, a Xustiza, a Igualdade, o Benestar…non sexan só palabras fermosas.

¡¡¡Bo Nadal e Próspero Aninovo!!!

 

BO NADAL

O CEIP POBRA DO BROLLÓN deséxavos unhas felices festas.

Agardámosvos no Festival, que emepezará ás 11h. co seguinte programa.

Liga de baloncesto

No mes de novembro, fixemos unha liga de baloncesto no tempo de lecer da maña.

Os martes xogou o alumnado de 1º, 2º e 3º; un total de 13 alumnos/as distribuídos en 4 equipos.

Os xoves 4º, 5º e 6º, 16 alumnos/as que formaron 4 equipos.

Os equipos son mixtos, contando polo menos cun neno e cunha nena; ademais deberán ter un participante de cada curso (por exemplo, un neno/a de 4º, un neno/a de 5º e un neno/a de 6º).

En cada recreo xogáronse dous partidos de 10 minutos. O sistema que levamos a cabo foi o de liga, onde todos os equipos se enfrontaron entre si ao longo do mes de novembro. O último martes e xoves do mes, fixemos un partido libre para despedir esta primeira liga de baloncesto do colexio.

O alumnado estivo moi motivado ante esta iniciativa, con gañas de participar. Aproveitamos para fomentar este deporte, para dar a coñecer aos nenos/as as súas regras, aspectos básicos do mesmo..

 

Ante a boa acollida que tivo, a ilusión que xerou nos nenos/as, o que disfrutaron…non descartamos que nos próximos meses o baloncesto sexa de novo o protagonista dos noso tempo de lecer. 

Tempos de lecer saudables

Dende o día 1 de outubro buscamos que os tempos de lecer sexan máis activos, máis saudables, nos que a actividade física estea presente. Para iso organizamos recreos saudables que se levarán a cabo durante todo o curso.

Temos 3 zonas co seguinte material:

  

ZONA 1: Patio cuberto pequeno → 1 Pelota baloncesto, 2 pelotas espuma, 3 cordas.

 ZONA 2: Pista polideportiva descuberta 1 Pelota de fútbol, 1 pelota de baloncesto, 1 pelota balonmán.

 ZONA 3: Parte descuberta → 2 Pelotas voleibol, 1 pelota espuma (brilé), 3 aros grandes, sacos.

 ZONA INFANTIL: (Columpios e areeiro) 1 Pelota espuma, 3 pelotas plástico, 5 aros pequenos.

O alumnado está distribuído en 3 grupos: 1º e 2º, 3º e 4º e 5º e 6º. Rotarán seguindo esta táboa:

 

ZONA 1

ZONA 2

ZONA 3

LUNS

1º / 2º

3º / 4º

5º / 6º

MARTES

LIBRE

MÉRCORES

3º / 4º

5º / 6ª

1º / 2º

XOVES

LIBRE

VENRES

5º / 6º

1º / 2º

3º / 4º

 

Os luns, mércores e venres cada grupo xogará na súa zona co material que lle corresponde.

Os martes e xoves pódese xogar en calquera das zonas, con calquera material e con calquera compañeiro /a.

O material de cada unha das zonas cóllese ao comezo do  tempo de lecer (tanto no da mañá coma no do comedor) e débese deixar recollido ao rematar.

Os días que chova non se seguirá esta organización, dadas as limitacións dos espazos.

 

Levamos dous meses con esta actividade e a valoración está sendo moi positiva: conseguimos que o alumnado faga máis actividade física durante os tempos de lecer, que amosen máis interese polo exercicio, que se relacionen con todos os alumnos/as do centro…

O exercicio físico proporciónanos moitos beneficios: mellora a nosa saúde, as nosas relacións sociais, axúdanos a relaxarnos e a durmir mellor, a aumentar a nosa forza, resistencia e axilidade.

Fortalece os ósos e músculos, é bo para o corazón e os pulmóns…

 

“O mellor camiño é a actividade física; pona na túa vida”

Día Mundial da NON Violencia de Xénero

O mércores 25 de novembro celebramos o Día MUNDIAL DA NON VIOLENCIA DE XÉNERO; debe ser un Día para reflexionar e concienciar sobre esta lacra que atemoriza á sociedade, e ademais facendo fincapé en que todos os días debemos loitar con forzas para frear a Violencia, para dicirlle NON.

A biblioteca estivo presente na celebración deste día

O alumnado de leu “Nera, a Ferreira”, de Imelda Barrio.

A IGUALDADE é temática que recorre as páxinas deste interesante libro. Nera naceu nun momento especial; era xusto cando o Consello de fadas se reunía para outorgar un desexo á persoa que chegase ao mundo nesa noite. Pero, cal sería o mellor desexo para conceder? Nera, quería ser a primeira muller ferreira, loitar pola igualdade entres homes e mulleres; cando xogaba coas amigas ás guerras ela quería loitar e non quedar no castelo peiteándose…

Imos vendo como Nera crece coas ideas claras, reivindicándose, loitando pola igualdade, pola xustiza…chega a ser ferreira e ademais xefa.

Os alumnos/as de 5º e 6º leron A Lagoa das nenas mudas, de Fina Casalderrey.

Amina vaise vivir a un lugar remoto do que descoñece ata o idioma. Un día chega ao seu novo colexio e decátase de que todas as nenas visten coma ela, peitéanse coma ela…son de súpeto igualiñas a ela. A mestra de inglés fai unha impresionante revelación que Amina vai descifrando grazas aos debuxos da súa amiga Ío, unha rapaza xordomuda.

Relátanos a emigración, o rexeitamento e as dificultades que sofren moitos emigrantes. A amizade de Amina e Ío amosa que, tantas veces a posibilidade da comunicación está por riba das palabras. A convivencia no eido escolar, a comunicación extralingüística, ou o coñecemento da cultura africana son algúns dos temas abordados nesta novela.

Estas obra permitíronnos afondar neste tema, reflexionar co alumnado, extraer conclusións moi positivas.

Así que esta semana  falamos cos alumnos/as sobre a Violencia de Xénero: indagamos nos seus coñecemento previos, para a partir de aí traballar neste tema e sacar o maior proveito posible.

Con todas as ideas elaboramos dous murais no que pretendemos que queden reflexadas todas estas aprendizaxes, boas intencións…e neles puxemos as nosas reivindicacións.

-Se doe non é amor

-Que as mans se usen só para acariñar

Sabemos que a violencia non é a solución; precisamos igualdade, amor, empatía, comprensión, tolerancia…

Distribuir contido