Iniciar sesión: Acceso

Descubride como é o noso concello

O martes 5 de xuño, as nenas e os nenos de 5º e 6º acudiron á Casa da Cultura Olga Novo, para gravar un programa na cadea onda cero co obxectivo de promocionar o noso concello. Nel participaron o alcalde, José Luis; o concelleiro de cultura, Rodicio; Dori; Puri, adegueira de Vilachá; Manolo, dono da pandaría Herbella; Xosé Gago, arqueólogo e que está realizando actividades para promocionar o turismo na Pobra.

No programa, ademais, participou o alumnado do centro, parte vital deste concello xa que é o futuro.

Entre outras cuestións, deron a coñecer puntos de interese turístico como o Castro de San Lourenzo ou a cova das Choias; falaron dos sequeiros da zona como o de Paramedela; recalcaron a importancia de manter tradicións propias que forman parte da nosa cultura coma os brindos. Ata se atreveron a cantar un anaco dun.

Aproveitaron a ocasión para facerlles preguntas aos demais convidados, centrándose en indagar sobre medidas para atender aos peregrinos, en propostas para fomentar o turismo no noso concello…