Iniciar sesión: Acceso

Compartindo momentos cos nosos amigos/as do centro de día

Como ben sabedes mantemos unha estreita relación cos nosos amigos/as do centro de día, compartirmos momentos moi emotivos. Ensínannos as súas vivencias, experiencias, os seus saberes… nós poñemos a enerxía propia da nosa infancia, as ganas por aprender. É un enriquecemento mutuo, momentos moi significativos.

Xuntámonos unha vez ao mes: no Samaín, no Nadal, polo entroido, con motivo do club de lectura…en calquera circunstancia que se de, xa que a escusa para xuntarnos é o de menos.

No mes de maio a tarefa consistiu en facer debuxos para participar nun concurso que se leva a cabo entre diferentes xeracións. A experiencia foi marabillosa, e froito diso xorden as fotos que compartimos con vós, para que descubrades de primeira man o que vos contamos.

No mes de xuño volveremos a xuntarnos para cerrar o curso 2017 – 2018.