Iniciar sesión: Acceso

Semana do deporte

Acabamos de vivir a semana do deporte,  coa que buscamos fomentar no alumnado a práctica de actividade física. Desenvolveuse do 9 ao 13 de abril..

O deporte é un medio moi apropiado para educar ás persoas, para inculcar valores coma o compañeirismo, o traballo en equipo, o respeto polo demais, acatar unhas normas. Fai que medre o noso afán de superación.

A semana comezou o luns cas miniolimpiadas, onde o atletismo se elixiu protagonista. O deporte rei combina habilidades que facemos de forma innata xa dende pequenos: correr, saltar e lanzar. Aporta un alto grado de coordinación.

Salto de lonxitude, lanzamento de peso e carreiras de valados.

O martes, foi o momento de facer carreiras de velocidade, carreiras de resistencia e carreiras de valados, novamente.

O mércores, o alumnado, dirixido por Vanesa, xogou un partido de baloncesto e despois de fútbol fronte os mestres/as. Fíxonos moita ilusión. Corremos, rimos, cansamos…foi un gran momento.

Tivemos con nós a Camilo López, que foi  campión de España de esquí en categoría xuvenil e máster. Unha persoa que nos permitiu coñecer máis sobre os deportes de inverno: cales son, o sacrificio que hai que facer para practicalos, o gratificante de superarse, os materiais que son precisos para practicalo… Unha morea de cousas que nos “engancharon” e nos abren novas portas.

O xoves todos/as con bicicletas, patinetes, patíns ao colexio

Querémosvos dar as grazas pola vosa participación para que esta actividade se levase a cabo. Xuntámonos con máis de 40 “vehículos”. A actividade “sobre rodas” buscou fomentar o uso da bicicleta, de patíns...  medios de transporte sans, que son moi recomendables para os nosos nenos/as. Aproveitamos para traballar a educación viaria: coñecer sinais coma o stop, o ceda, dirección prohibida; así como cumprir o que nos ordenan os semáforos, respectar os pasos de peóns… Os maiores, cos seus carnés por puntos, concienciáronse da importancia de adquirir uns bos hábitos viarios.

O venres repetimos a actividade do parque de tráfico debido a grandísima aceptación que tivo.

Ademais, o alumnado de 3º, 4º, 5º e 6º, realizou coreografías en grupo. Despois, continuaron coas coreografías individuais. Coordinación, ritmo, sentimento, ilusión…para esta mañá de venres.

Tod@s quedamos moi satisfeitos con esta semana; foi unha experiencia positiva, enriquecedora, proveitosa. Foron momentos de moita unión, de ilusión, de divertimento. É moi fácil de resumir estes días se nos lembramos da cara dos nenos/as en moitas ocasións.