ANPA "A Ferradura"

Ao longo deste mes de xuño celebraremos as exhibicións das distintas actividades extraescolares organizadas desde a ANPA, que rematarán co festival o xoves 21 de xuño.

Tedes AQUÍ a información detallada de data, hora e lugar das exhibicións.

A xunta directiva da ANPA "A Ferradura" deséxavos unhas felices vacacións

Nos seguintes enlaces pódese consultar a relación de actividades, horarios, prezos e outra información de interese para o alumnado de 3 anos que comeza no curso 2018/19.

• Normativa, horarios e prezos_3anos. Curso 2018-19.
• Solicitude de praza_3anos. Curso 2018-2109. Formato PDF Formato word
• Normativa do comedor
• Autorización servizo de muda

Unha vez cuberta a solicitude debe entregarse no local da ANPA (en horario de 9.00-9.30 e 16.00-18.00)  ou ben por correo electrónico (anpaferradura@gmail.com). Neste último caso deberán pasar polo local da ANPA para asinar a autorización para a domiciliación bancaria.

A partir do 28 de maio e ata o 11 de xuño está aberto o prazo para a inscrición no comedor, servizo de madrugadores  e actividades extraescolares da ANPA "A Ferradura" para todos os nenos e nenas agás 4º de Educación Infantil (para estes nenos e nenas habilitarase nos próximos dias outro prazo).

Nos seguintes enlaces pódese consultar a relación de actividades, horarios, prezos e outra información de interese.

• Normativa, horarios e prezos. Curso 2018-19.
• Solicitude de praza. Curso 2018-2109. Formato PDF Formato word
  

Unha vez cuberta a solicitude debe entregarse no local da ANPA (en horario de 9.00-9.30 e 16.00-18.00)  ou ben por correo electrónico (anpaferradura@gmail.com). Neste último caso deberán pasar polo local da ANPA para asinar a autorización para a domiciliación bancaria.

Convócase Asemblea Extraordinaria da ANPA "A Ferradura", a celebrar na sala de vídeo o xoves 24 de maio ás 16:00h en primeira convocatoria e 16:30h en segunda convocatoria.

Orde do día:

1. Aprobación da delegación de voto tal e como se establece na convocatoria (xúntase máis abaixo un doc para comunicar a delegación de voto)
2. Presentación das propostas de cátering para o servizo de comedor escolar (xúntase documento coas propostas)
3. Votación para elixir, entre as propostas presentadas, a empresa proveedora de catering do curso 2018/19.

PROPOSTAS DE CATERING PARA O SERVIZO DE COMEDOR ESCOLAR

DELEGACIÓN DO VOTO:

Permitirase que recaia unha delegación de voto por cada persoa presente, o voto entregarase á presidencia da Asemblea ao comezo desta e dita delegación será por escrito.

COMUNICACIÓN VOTO DELEGADO 

Segundo a información facilitada polo Concelleiro de Medio Ambiente e Convivencia , Xan Duro, desde a semana pasada está sinalizado o espazo de parada de vehículos na Avda Antonio Raimundo Ibañez-Marqués de Sargadelos (desde o paso de peóns ao estanque, en ambos sentidos) para ser utilizada nos horarios de entrada e saída do colexio.

Os axentes informarán ao longo desta semana e pasarán a sancionar aos coches aparcados en dobre fila ou invadindo a beirarúa nas entradas do colexio a partires da semana próxima.

Compartimos a necesidade de que a contorna do Pio XII sexa segura para os/as menores e peóns que fan uso dela, por iso pregamos que non se abuse e/ou faga mal uso das áreas habilitadas para parada que, lembramos, non son de estacionamento.

Grazas pola vosa colaboración.

O próximo venres 2 de febreiro terá lugar unha nova  actividade didáctica de achegamento á ciencia que organizamos en colaboración coa USC. Nesta ocasión contamos co persoal investigador e técnico do grupo de Estudos da Comunicación  da Facultade de CC. da Comunicación.

ATENCIÓN: 

Prazo para a inscrición: ata o mércores 31 de xaneiro (incluido)

• Prazas limitadas: Máximo 30 nenas/os (asignadas por orde de inscrición).
• Actitividade dirixida ás nenas e nenos de 6º e 5º de primaria. De ser necesario, terá prioridade o alumnado de 6º.
• Para inscribirse debe comunicarse á ANPA, mediante correo electrónico (anpaferradura@gmail.com), ou no local da ANPA, indicando nome da nai/pai/titor, nome do neno/a, curso e un enderezo de correo electrónico (só no caso de non telo indicado anteriormente).

Consultar aquí as normas de funcionamento dos minicampus

Nas vindeiras semanas habilitarase unha zona de parada de vehículos na rúa Marques de Figueroa  (desde o paso de peóns ao estanque en ambos sentidos) para ser utilizada nos horarios de entrada e saída do colexio.

Os axentes informarán nos dias previos e pasarán a sancionar os coches aparcados en dobre fila ou invadindo a beirarúa nas entradas do colexio a partires de entón.

Compartimos a necesidade de que a contorna do Pio XII sexa segura para os menores e peóns que fan uso dela, por iso pregamos que non se abuse e/ou faga un mal uso das áreas habilitadas para parada que, lembramos, non son de estacionamento.

Grazas pola vosa colaboración

A Federación Galega de ANPAS de Compostela, en colaboración co Concello de Santiago, organiza os Obradoiros “A Comunicación na Familia”, cos que se pretende botar unha pequena ollada, a través de reflexos da vida diaria, das cousas que nos axudan e as que nos entorpecen nesa aventura que é a convivencia na familia. Tratarase de proporcionar aos pais e nais estratexias e información para mellorar a comunicación cos nosos fillos e fillas. 

• LUGAR: Local da Federación de Anpas Compostela (Rúa Estocolmo)
• DATAS: 15 NOVEMBRO/13 DECEMBRO/20 DECEMBRO
• HORARIO: 16:30 – 18:30

INSCRICIONS: As persoas interesados en participar, deben remitir un correo electrónico ó enderezo anpaferradura@gmail.com indicando nome e apelidos, data de asistencia e se precisaredes desfrutar o servizo de ludoteca. O prazo para facelo remata o próximo luns 13 de novembro.

Para as familias que o precisen haberá servizo de ludoteca. 

O próximo sábado 4 de novembro celébrase a XIV Xornada de nais e pais educando en igualdade: Rompendo cos estereotipos de xénero. Está organizada pola Secretaría Xeral de Igualdade da Xunta de Galicia e será na EGAP.  As solicitudes para asistir deben presentarse antes do 3 de novembro cubrindo o formulario de inscrición dispoñible na web  XIV XORNADA DE NAIS E PAIS EDUCANDO EN IGUALDADE ... Neste enlace tedes máis información.

Charla formativa: "OS NOSOS FILLOS E O USO DE INTERNET. SMARTPHONES E TABLETAS. PROBLEMAS E SOLUCIÓNS", impartida por Gullermo Cánovas.

Dirixida aos pais e nais, terá lugar o próximo luns 23 de outubro, as 16:30h, no Salón de Actos do colexio.

Tedes o detalle da charla aqui

(haberá servizo de ludoteca)

A Asociación de Nais e Pais “A Ferradura” do Colexio Pío XII ten como fins principais colaborar nas actividades educativas e extraescolares do colexio e facilitar a participación das nais e pais na xestión do Centro. Todas as nais, pais ou titores dos alumnos do colexio Pío XII que o desexen, poden formar parte desta asociación. É obrigado o pago dunha cota anual de 20 € por familia e curso escolar. O pago da cota deberá facerse a principios de cada curso. O carné da asociación é o documento que permite acceder ás actividades organizadas pola mesma.

As principais tarefas desenvolvidas pola asociación son:

• Facilitar as relacións das nais e pais co colexio, proporcionando asesoramento e colaborando coa Dirección do centro a través do representante que ten a asociación no consello escolar.
• Apoiar á Dirección do colexio nas reclamacións ante os responsábeis do goberno da Xunta de Galicia e do Concello de Santiago para pedir melloras das instalacións ou doutro tipo.
• Organizar actividades e servicios que faciliten as tarefas educativas e a conciliación da vida familiar e laboral das nais e pais. As principais son:

1. Actividades
2. Coidadores de educación infantil (muda)
3. Madrugadores
4. Comedor escolar
   
   • Menús

Contacto