RENOVACIÓN CONSELLOS ESCOLARES 2016/2017

O xoves 27 de Outubro de 2016 as 14:15h. na secretaría do centro, farase a elección, por sorteo público, dos compoñentes da Xunta Electoral (Pai/Nai/Titor legal, Profesor/a e PAS) que regulará o proceso de renovación parcial do Consello Escolar (Resolución do 6 de Setembro de 2016 da Dirección Xeral de Centros e Recursos Humanos e Dirección Xeral de Educación, Formación Profesional e Innovación Educativa).

A partires do xoves 3 de novembro estarán expostas nos taboleiros do centro as listas do Censo Electoral, para a súa comprobación e posible reclamación.

O Mércores 2 de Novembro ás 12:00 h. constituirase a Xunta Electoral no despacho de dirección.

 CENSO ELECTORAL (Artigo 41 Decreto 92/88) . Reclamacións o censo electoral ata o día 10 de novembro.

O alumnado de 5 anos está a estudar as baleas. Velaquí uns vídeos para axudarlles co proxecto:

A canción da Balea Azul:

Debuxos animados sobre a balea azul:

O poema Whale nation (Nación de baleas) de Heathcote Williams que explica o modo de vida das baleas

O alumnado de 4º curso de Educación Primaria do CEIP Pérez Viondi homenaxea a Manuel María lendo parte da súa obra polo día das Letras Galegas. 

Aí vai un vídeo coas fotos do Correlingua 2016. 

Vídeo do festival de fin de curso do CEIP Pérez Viondi. 

Enlaces ás actuacións por separado:

01. 4 anos A "A Camiño de Viseu"

02. 4 anos C "Cucú"

03. 4 anos B "Oye"

04. 1º B "La Primavera", Obra "Pollito Pito e "Baile del Pollo".

05. 4º A Obra "Romeo e Xulieta para nenos e nenas"

06. 6º C "Señorita".

6º C "Señorita" (sesión para as familias)

O alumnado de 1º recita o poema "O Cuco" de Manuel María.

Hoxe comezamos a sementar as sementes que nos chegaron de Italia, como parte do proxecto eTwinning "Our little garden" que estamos a levar a cabo co alumnado de 1º curso de EP. Velaquí un vídeo coas fotos. 

Os nenos e nenas de 4º curso de EI están a traballar as profesións e están a recibir visitas de pais de alumnos/as que lles veñen a explicar en que consiste o seu oficio para que os vaian coñecendo. Tamén viñeron a policía e os bombeiros do Concello e ¡puideron subirse aos seus vehículos! Aquí van algunhas fotos.

Este curso 2015-2016, estamos participando en 2 proxectos eTwinning a nivel europeo:

1. Os grupos de 1º curso de EP participan no proxecto "Our little Garden" cun colexio italiano chamado Fara in Sabina (en Passo Corese) e outro polaco chamado Szkoła Podstawowa nr 6 im. (en Konin). O proxecto consiste en crear unha pequena horta no colexio, plantando as sementes que nos envían de Italia (os italianos terán que sementar as que lles enviamos nós). O intercambio de sementes xa está feito, comezaremos a sementar despois de Semana Santa. Logo teremos que adiviñar que clase de prantas son, observando o seu crecemento. Xa puidemos coñecernos por videoconferencia e intercambiamos vídeos presentándonos en inglés
2. Os grupos de 2º curso de EP participan no proxecto "Me, my city, my country" cun colexio Polaco chamado Niepubliczna Szkoła Podstawowa Zaczarowana Planeta (en Cracovia) e outro Italiano chamado Scuola Primaria, via Roma (en Urbisaglia). Xa puidemos coñecernos por videoconferencia e intercambiamos vídeos presentándonos en inglés. Estamos aprendendo sobre os estilos de vida dos demais membros do proxecto e da súa cultura.

Ademais destes proxectos, no Nadal participamos noutro proxecto eTwinning chamado Handmade Christmas cards, Xmastree balls and best wishes videos, consistente nun intercambio de felicitacións de Nadal e adornos para a árbore de Nadal do colexio con 10 colexios de distintos países europeos. Felicitamos as festas por escrito nas nosas linguas e en inglés, e tamén oralmente compartindo vídeos en grupo. 

O "Centro Juvenil La Estación" donou dúas pezas finalistas do concurso Xuventude Crea 2015, organizado pola Direción Xeral de Xuventude, ao CEIP Pérez Viondi. As obras colocáronse hoxe no centro: "Vacaloura Máxica", de Honey, colocouse no edificio de Educación Infantil e a obra "Rock na cidade", de Rock 981, colocouse no edificio de Educación Primaria. Velaquí algunhas fotos, hai máis na galería de imaxes. Ademáis disto, máis adiante, tamén nos van decorar as paredes do colexio con graffitis.

                Moitas grazas!